معلومات مهمه .... خاصة لطلاب كندا

October 25th, 2012, 06:28 AM

بسم الله الرحمن الرحيم
لا اعلم في حالة عدم وجود منتدى مبتعث في متناول يد المبتعثين كيف سيكون الوضع ؟؟
الحمدلله ان جعل هذا المنتدى مرجع رئيسي للمبتعثين
صحيح يوجد سلبيه بعض الاوقات باختلاف الاقوال
لكن هذه هيا الحياه
الحلو دائما لا يكمل

الان وبعد الاعلان النهائي للمرشحين سوف يمر المرشحين بعدة شغلات

اولها الملتقيات

بالملتقيات راح تتغير افكار بعض المرشحين .. سلبيا وايجابيا

وللاسف المسؤولين ببرنامج الابتعاث راح يبالغوا بالكلام وراح يكون كلامهم فيه نوعا ما احباط للطلاب

خاصة طلاب كندا... بيخلوا كندا بعبع للمبتعثين .. واتوقع بعدها الكثير بيغير دولة الابتعاث من كندا لامريكا بعد الملتقى

فالله يعينكم على الاخبار وعلى حرقة الاعصاب

النصيحه يجب على الطلاب ان يستقي المعلومات ممن كانت لهم تجربه ببلد الابتعاث.. ولا يهتم بالخبر التي يصدر من شخص نقلا عن شخص اخر

بالملتقى في اشياء ضروريه لازم ياخذها الطلب

1- الضمان المالي ( يساعد الطالب بالحصول ع قبول المعهد فقط )

افتكر العام الفائت لمن استقبل طلاب او اصادفهم يبوا يفتحوا الملف الاقيه محتفظ بالضمان المالي ومغلف الورقه هههه كأنه كنز بين يده

وما يدري ان الضمان هو فقط ورقه ثبت للمعهد ان الطالب بيكون على حساب الوزاره

وبعد الحصول ع القبول راح تكون عديمة فائده

2- خطاب السفاره ( خطاب موجه من الوزاره الي سفارة بلد الابتعاث تفيد بتكفل الدوله بمصاريف الطالب )

متطلباتها صور الجواز للمبتعث ومرافقه وقبولات المعهد وكرت العائله

هذه الخطاب ضروري جدا .. عشان السفاره بالغالب ما تقبل اي طالب يبي يدرس الا بضمان بنكي او ضمان الوزاره

وتختلف خطة الوزراه بكل مرحله في طريقة الخطاب

بالمرحله السادسه تحصلنا على الخطاب من الملتقى

بالمرحله السابعه الوزراه ارسلت الخطابات للسفاره بشكل مباشر

لكن للاسف سارت لخبطه وفي اسماء كثيره ما ارتسلت واترفضت فيز بعض الطلاب بحجة عدم ارسال الوزاره باسمائهم

يعني قبل ما تقدم على الفيزا حاول تاخذ الخطاب من الوزاره اذا كنت بالرياض او لك اي قريب بالرياض .. او ترسل طلب للفيزا وان شاء الله يكون اسمك موجود بالوزاره وبالغالب يكون موجود وبلاشي وسوسه

3 - افاده للمرافق بانه سيرافق مبتعثه ( للموظفين اللي يبغوا يقدموا اجازه )

متطلباتهم صور الجوازات وكرت العائله

كلها تؤخذ من قسم الرجال

ما بعد الملتقيات تبدأ عمليات جلب القبول للي لسا ما جاب

وبعد كذا التقديم على الفيزا

بعد الفيزا تطلب قرار الابتعاث وامر الاركاب ولازم من المرواح للرياض << الله يعين اللي برا الرياض

بس قبل ما تروح للرياض ارسل جميع المتطلبات على ايميل الموظفه عبير الطريري

عشان لمن تروح تلقاها جاهزه

لو رحت بدون ما ترسل لها راح تتلطعوا اللين ظهر

اذا ماقالوا بكره

بعد معلومه مهمه

راح تسمعوا اخبار وايضا من المتلقيات ان اخر سفر هو شهر 4

موال كل سنه

لكن عادي تقدر تسافر شهر 6 بدون ماتطلب تأجيل

نصيحه لكل طالب قبل مايسافر يدخلى على بوابة الطلبه المتبعثين

ويدخل على خانة فتح ملف

ويعبي كل بياناته

وبرفق الجواز وكرت العائله والفيزا والقبول والمؤهلات وكل الاوراق المطلوبه لفتح الملف

ويختار حفظ

مو ارسال

عشان اذا راح بلد الابتعاث يكون باقي له ختم الدخول وتصريح الدراسه وحساب البنك ( الشيك المغلي )

وبكذا تكون تجنبت الروحه للمكاتب اللتي تلسع على فتح الملف 100 دولار تقريبا

اي احد عنده استفسار ويبي يستفسر راح اجاوب انا او اي شخص يملك المعلومه الصحيحه

اتمنى ان تتموا جميع خطواتكم القادمه بكل يشر وسهوله

بدون اي عقبات او شاعات او تضارب للاقوال من شخص لاخر

الحياه سهله

• نشر عبر تويتر
• نشر عبر فيسبوك
• نشر عبر جوجل