قبول اللغه لمرحلة الدكتوراه لامريكا بشهادة ماجستير من امريكا

نفس الشي بالنسبة لي بس باختلاف انو استراليا درست فيها ومتفاهمه مع السوبرفايزر مدري ليه هالتشدد ف تقفيل الدول

ربنا كريم وتتحل أمور امريكا ع خير

السلام عليكم .. صباح الخير ع الجميع

كلمة شكر لصحاب الموضوع والمتفاعلين ..قبل لااطلع الملتقى امس دخلت ع المنتدى وشفت الموضوع وقريتو من اول صفحه للاخر وشوفتكمية (الحوسة) الي احنا فيها وعلشان كذا سألت الدكتور ماجد وفوزي عنو .. لما وقفت وسألتالدكتور ماجد كنت عارف قبلها بحكم روحتي للوزارة الاسبوع الماضي انو حيكون الرد انالطلاب حيعطوا قرار ابتعاث لأربعة شهور او 6 فقط وفقط للتحضير للجي ار ايوالجيمات.. المشكلة الواضحة أن الوزارة ماعندها اليه واضحة ولابروسس محدد لطلابالدكتوراة والماجستير خريجين الدول الاجنبيه زينا .. صحيح انهم ماكانو يعطو هذيالفرصة من اول ولكن الان سمحوا لنا السفر للتحضير لكن من غير رؤية واضحة.. خلينياتكلم عن الموضوع من كذا جهه بحكم اني متعامل مع الوزارة من 2005 ولحد ابتعاثي في2006 و2010 لكندا واستراليا وحالياً مقدم ع دكتوراه امريكا..

اول هام .. لازم نفرق لما نتعامل معالوزارة بين ادراتين والي هما ادارة برنامج الملك عبدالله الي يرأسها الدكتورالحربي وادارة شؤون المبتعثين الي يرأسها الدكتور فوزي بخاري والي بالمناسبة يعتبراليد اليمين للدكتور ناصر الفوزان ورجل يخدم ومايقصر
يمكن تبين لكم امس أنو صلاحيات ادارةبرنامج الملك من التقديم على البعثة وتنتهي الى سفر المبتعث وفتحو للملف في دولةالابتعاث..بعد كذا تتولى الادارة العامة لشؤون المبتعثين الاهتمام والمتابعة وتلقيكل طلبات المبتعثين تماماً زي ماقال الدكتور فوزي امس.. اللي انتبه امس حيشوف انووصل التعارض في نفس السؤال عن طلاب الدكتوراه لشكل فاضح.. لما سألت الدكتور ماجدعن وضعنا وقال بإمكانكم اصدار القرار ولما جا بعدو الدكتور فوزي وتكلم من غير شيواضح .. بالمناسبة الاسبوع الماضي رحت للوزارة ودخلت على الدكتور فوزي وقاليبالحرف ماتقدر تسافر الا مباشرة لدراسة الدكتوراه ( قالي هذا الكلام بحكم انو منالاساس مو من صلاحيات ادارتو) من جهه ثانية لما رحت للبرنامج وسألتهم بعدها بدقايقأكدوا انو فينا نطلع للتحضير. وما وضحوا كيف حيكون السيناريو بعد مانسافر
الخلاصة من هذي النقطة انو من الان الىسفرنا خلو تعاملكم مع ادارة البرنامج من حيث الحصول على القبولات الخاصه(اللغه+الجي ار اي او الجيمات) وحاولو تصدرو قرارات ابتعاث لأطول فترة ممكنه لأنوقرارات التمديد لاحقاً حدخلكم في متاهه جديده.

يعطيك العافيه اخوي N/A واكيد كل الشكر لصاحب الموضوع

لما صدر لنا قرار الابتعاث لدراسه الماستر اصدوره بقبول لغه لكن المده كانت شامله للغه والماستر وهي ٣ سنوات

حسب كلامك يعني لو بنطلع بقبول لتحضير الجي ار اي على سبيل المثال بيكون مده القرار اقصر من لو انو طلنا بقبول دكتوراه ؟ ليش ماحيكون نفس ما صار بقرار الابتعاث للماستر سابقا ؟!

انا امس كنت ابي اسال عن هالنقطه برضو وهي كم مده القرار للدكتوراه لان في كلام انها ٤ سنوات

وحسب ماشفت الجامعات الامريكيه البي اتش دي ياخذ من ٥ الى ٧ سنوات ف كيف ممكن الطالب يتصرف هنا ؟؟

واذا انهم لو فول ٢٠١٣ ومادرسنا بيلغون الترشيح كيف نستنى لين نجيب قبول دكتواه ؟ وكيف نجيب قبول للدكتوراه بحيث نبدا فول ٢٠١٣ والديد لاين باقي عليه ١٢ يوم من اليوم ؟؟

يعني الحل الوحيد نطلع ع قبول لتحضير اي شي كان وبعدها الله يعين ع البهذله

مثل ما يقولون الرمد ولا العمى

يعني احسن مما خلاص ما يكون لك بعثه لان الوزاره ما حتستنى متى ماقدرنا قدمنا القبول

يارب سترك

زي ما قالوا بعض الاخوان هنا انو الوزارة امس وعلى لسان الحربي انو ودها تطلعنا بقبولات لغة او اي شي تاني بحيث تضمن انو ناخذ وقتنا هناك لحد مانحضر ونختبر ونستوفي كل شروط ومتطلبات الجامعات ونقدم ووووو .. لكن ماصرحوا بهذا الشي والي اشوفوا انو فيه شي من المنطق أنهم مايبغوا يفتحوا الباب للكل (الجاد ولي طالع حيا الله).. وعلشان كذا اتوقع انو الموضوع بيكون فيه حسابات ثانية بعد السفر.. ويكفي انو نتخيل السيناريو الي هما حاطينو لنا والي حيكون اولو سفر وتحضير لكم شهر وبعدين نطق بالجدار ومايصير عندنا شي الا التقديم في الجامعات والللللللللي اكيد ماحنقدر نلتحق في 2013..

الي اشوفوا انو الموضوع اساساً مش واضح بالنسبة للوزارة وبالتالي مو من المستغرب انو نضيع بالطوشه معهم.. التخطيط بناء على معطيات الوزارة يعني اننا نطلع (على وجهنا) خصوصاً الي ناوي يسافر على اول السنة.. الخطط البديلة فيها تكون كالتالي :

الدكتور ماجد امس وزيو الدكتور فوزي شددو على اهمية اصدار قرار الابتعاث على شهر ابريل او ماي بالكثير (وهذي وحده من عوايد الوزارة كل سنه ) انها تهدد الي يتأخر في اصدار قرار الابتعاث ..بينما الواقع يقول انو فيه طلاب من المرحلة السابعة اعطوهم حتى ديسمبر السنة هذي علشان يطلعو قرار الابتعاث .. الي ابا اقولو هنا انو بالامكان تأخرو سفركم الى ابعد فترة وانا شخصياً حأخرو الى اوكتوبر بحيث اطلع قرار الابتعاث في اوغست (قبل انطلاق المرحلة التاسعة) وصلاحية قرار الابتعاث حتكون ثلاثة اشهر (قابلة للتجديد) .. بالتالي انتو هنا حتكسبو تقريباً 10 اشهر اذا مو اكثر للتحضير داخل السعودية وبعدها السفر الى كابلن وتحضرو الجي ار اي بشكل افضل وتاخذو ان شاء الله اعلى سكور .. هنا بالامكان انكم تأخرو بقائكم في امريكا وتبلشوا التقديم هنا وهناك بإختلاف الديدلاينز للجامعات هناك..

النقطة الاهم في الموضوع كله انو وقتها حينفتح لكم باب الانتقال من الدولة.. الانتقال من الدولة بيكون ممكن مع عدم توفر فرصة قبول في امريكا وهو هنا حيكون حق مشروع لكم والادارة العامة لشؤون البعثات متفهمه جداً لهذي النوعيه من المشاكل (شخصياً جربتها في الماجستير).. هنا فينا نعتبر انو عندك باك اب بلانز في حال تقفلت الابواب في امريكا .. جامعات بريطانيا واستراليا بربوزلك وانت ماشي..

TBC

مشاركه قيمه الله يبارك فيك ومشكلتنا ان القرارت ارتجاليه في كثير من الاشياء ولو نستنا حل منهم ماراح نخلص سوف يثار هذا الموضوع حتى نخرج برؤيه واضحه وبنفس الوقت ما راح نستنى لازم نشوف احنا كمان حلول ولو وجدنا حل مناسب ماراح نتردد نطرحه هنا ان شاء الله اكرر شكري على مشاركتك القيمه والله بوفقك ويوفقنا ويسهل امور الجميع

مثل ما ذكرت برد سابق قبول الدكتوراه يكون فوول بس واغلب الجامعات الديد لاين ب ديسمبر السنه اللي قبل سنه الدراسه الا ما نادر

اذا اخذنا ١٠ شهور من الحين وبعدها طلعنا على قبول كابلن بعد !! يعني اقلها ٣ شهور زياده يعني صرنا ب ديسمبر ٢٠١٣ !! يعني راح الديد لاين للدراسه ب ٢٠١٤ وما بقى عندك الا تقدم على ٢٠١٥

وبالنسبه لتغيير الدوله هذي بالنسبه لي شخصيا برضو حاطتها بالحسبان في حال لا سمح الله ماتيسر امر امريكا

الله يسهل علينا
وياليت الشباب بالذات يحاولون يناقشون الدكتور الحربي بامرنا اكثر لان احنا البنات مانقدر خصوصا ان محاضرته عدت

الله يوفق الجميع

الشباب الي تكلموا أنو ليش ماوافقوا لهم انهم يحولوا الى بريطانيا واستراليا بالرغم من انو عندهم قبولات وموافقة اساتذه فهذا مو مستغرب .. كونكم مقدمين ع المرحلة الثامنة وقتها حتكونوا ملتزمين بقوائم الدول الموجودة فيها.. كانت عندكم فرصة ترقية البعثة وقد يكون لكل واحد منكم ظروفوا الي ماخلتوا يرقيها.. وهنا مانلوم احد ولكن للتوضيح
من الاساس مافيه اجراء اسموا تحويل دولة قبل سفرك لبلد الابتعاث..بمعنى انو ادارة البرنامج الي هي مسؤولة ستل عنك كونك لسا ماسافرت ماعندها هذا الاجراء الا في حالات ضيقة منها رفض التأشيرة او ظروف قاهره ثانية وبالتالي مافي لوم على الوزارة من انها ترفض قبولاتكم الجاهزة للدكتوراة من بريطانيا واستراليا..

نجي لموضوع كابلن وانو فيه اخت تسأل عن كونها من اول اخذت الكورس الخاص بالجي ار اي في مرحلة الماجستير وهل يحق لها التقديم الان على قرار الابتعاث بقبول جي ار اي .. الجواب ومن اجتهاد شخصي واميل لصحته بنسبة 99% انو يب ..فيكي تطلعي ومالها علاقة دراستك السابقة في الحالية.. لما تخرجتي للماستر وتقفل ملفك في الملحقية فمعناتو انو طويتي صفحة الماستر وملفك في الملحقية صار مجرد ارشيف .. اعتقد أنو مصدر قلقك هو شرط الوزارة من انو خريج الدولة الناطقة بالانجلش مايحق لهم دراسة اللغه وانتي هنا اسقطتي نفس السيناريو على دراسة الجي ار اي سابقاً وانك حترجعي تدرسية الان ..وملاحظتي هنا انو من السهل الوزارة انها تعرف كونك متخرج من جامعة وبلد تدرس اللغه الانجليزية في مرحلتك السابقة .. بس هذا مو ممكن (بحكم انفصال حالت الماستر عن الدكتواره) خصوصاً في ادراة برنامج الملك عبدالله انهم يقولوا لك انك في تاريخ كدا وكذا دخلتي (كورس) جي ار اي وانتي تحضري للماستر.. انا اشوف هذا الشي غير منطقي ومش متوقع من الوزارة

مشاركه جدا قيمه ومعلومات في قمه الفايده .......... لازم نساعد بعض في هذا الموضوع لان الوزاره صح تضغط الطلاب انو يسافرو قبل نهايه مايو لاصدار القرار ........
انا الملتقي في جده وراح اركز اسالهم تاني وراح ابلغكم القرار الي وصلو لي اللجنه مثل ماحصل في ملتقي الرياض

يعطيكم العافية .. اي اقتراح بخصوص تجمع خاص بطلاب الدكتوراة الي بحالتنا.. من الضروري يكون لنا تنظيم لأنو في نقطة مستقبلاً نحتاج يكون لنا تمثيل مع الوزارة.. لنا استفساراتنا ولنا ظرفنا الخاص والاهم أنو عدننا قليل وبالتالي فينا نقدم مطالب بإسمنا وتستوعبها الوزارة..

يعطيكم العافية
ومشاركة قيمة من الاخ N/A

بالفعل الوزارة ماعندها قرارات وأمور واضحة بموضوعنا
طبعا مع الاسف كمان ما قدرت اليوم أسأل والسبب المشرفات مركزين على الطالبات اللي بأول الصفوف، بالاخير تجمعو البنات عالمشرفة وكان وقت النهاية
على كلٍ..

الدكتور بخاري اليوم قال انو نطلع على قبول جي ار اي لفترة فصل دراسي واحد مدته 4 شهور غير قابلة للتمديد
بعدها يجي الدكتور الحربي ويقول انو ماراح يعطوك اي توني بالجي ار اي فقط، فعادي لو تجيب قبول لغة من ضمنه جي ار اي
الآن الشي المهم.. كم مدة اللغة اللي نقدر نطلعها؟
وحسب مافهمت انو الدراسة فقط للجي ار اي.. بس بعدين قال جيبوا قبول بلغة عشان الاي توني.. بس الشي الغريب في كلامه انو معناتها راح ندرس لغة
لأنو حسب ما اعرف انو مايصير اطلع قبول لغة واروح وماأدرسه ! .. صح؟
فما أدري ايش خطتهم اصلا!

الشي اللي يقهر انهم سامحين لطلاب الزمالة بسنتين للحصول على قبول
ولطلاب من دون لغة، سنة ونص
واحنا خريجي الخارج فقط بفترة 4 شهور حتى لو القبولات للدكتوراه صعبة!

أمر آخر.. انو لو انهيت فترة الجي ار اي وماحصلت على قبول او حصلت وكان في فاصل زمني، فالتأجيل هو الحل بالنسبة لهم

الحربي يقول انو اللي عنده أسئلة يكتبهم ويوصلوا له وراح يجاوبوا على كل الاسئلة مثل ما حصل بملتقى الرياض، فكتبت الاسئلة اللي كتبتهم الاخت سنت كلهم، الأجوبة توصل على الايميل، طبعا إذا وإذا فقط فكروا انهم يجاوبوا عليها!

بالمناسبة.. الشباب لهم فرصة أكبر بالحصول على الاجوبة، خصوصا انو بإستطاعتهم التحدث للحربي او غيره حتى بعد المحاضرات

بالنهاية..
مالنا الا قبول لغة مع جي ار اي، بس كم هي الفترة المسموحة؟

بالنسبة لأقتراح التجمع الخاص لنا.. أصلا أول ما رحت توقعت انو اليوم راح يكون بس لخريجي دول الخارج، بإعتبار انو كل المحاضرات اليوم اشياء عارفينها وخالصين منها، فليش تضييع وقتنا والاعادة!
فالمفروض اصلا الوزارة تفهم هذا الشي! وبالفعل يكون تجمع لنا فقط سواء ماستر او دكتوراه

والله يعين الجميع