اسئلة ربما اغلب الاخوات محتاجين اجابات عليها زيي !!

اخ الشريف xp كلامك صحيح .. انا شايلة هم القعده لحالي واساسا ما ابغا اروح لحالي بس مضطرة عالبعثة ..
اخت Geeker اكيد لو كلمت الملحقية انه مرافقي بيرجع عادي ما يلغولي بعثتي ؟!! يعني لو جلست عادي بدون مرافقي ما يكون كذا انا خالفت شروط الابتعاث ؟؟!! اخاف افتح على نفسي باب ويحطوا بالهم مني وهي قيدها الملحقية عاملة العمايل في المبتعثين !! ارجوكي افيديني ..

اخ الشريفxp نسيت ما اقولك اني متمرسة جدا من اللغة تحدث وكتابة وممارسة اللغة بطبيعة الحال بتكون متوفره من خلال معايشة الناس هناك ودراسة الماجستير .. انا عن نفسي حابة ما اضيع وقتي في دراسة اللغة وفعلا انصح اللي لغته مزبوطة انه لا يضيع وقته عالفاضي .. شكرا لك

والله اعرف كثير مسوينها مرسلين خطاب و مدري ايش و امورهم ماشيه ولا قالولهم شي .. انتي اسألي و كلمي المشرف اول ما توصلي على سبيل السؤال ولا تبيني انك مبيته النيه يعني .

مين هما الكتير يمكن 2 او 3 وماكلمو الملحقيه لانه دي من شروط البعثة انو يرافقك ..

1- هل اقدر اسافر بدون مرافقي وبعدين مرافقي يلحقني ؟!! طبعا اهلي بيوصلوني ويرجعوا
إذا أهلك بيوصلونك و مرافقك الأصلي ما يقدر يجي معك في البداية
غيري المرافق لواحد من أهلك اللي بيجون معاك
بعدها رجعي المرافق الأصلي إذا جاء بيلحقك
يعني لازم لازم يطلع معاك المرافق الرسمي في البداية أياً كان

2- انا رايحة تخصص تسويق وناوية احول لتخصص اللغويات , فهل اراسل الجامعة على اساس تخصص تسويق ولا اللغويات ؟؟
أنا بكالريوس فما أعرف
لكن سمعت في الملتقى ما تقدرين تغيرين تخصصك لتخصص غير موجود في البرنامج
و فيه كذا طالب و طالبة سألوا نفس سؤالك كانوا على ما أذكر تربية خاصة و تربية فنية و غيرها مختارين تسويق لكن إذا طلعوا بلد الابتعاث بيحولون لامتداد تخصصهم و قالوا لهم لا ما تقدرون
و لا أدري عاد

3- اسال في الملتقى ذي الاسئلة وبالذات سؤال تغيير التخصص او بكذا افتح على نفسي باب اني بخالف قوانين برنامج الابتعاث ؟؟
لا عادي اسألي
أكثر الطلاب كانوا يسألون هالسؤال

4- في حالة مرافقي ما جلس معايا وماجاني غير في فترة الاجازات ايش يصير في وضعي ؟؟ يعني لو اكتشفت الملحقية هل اتعاقب ؟؟
مرافقي اساسا طالب مازال يدرس في الجامعة يعني ماراح يجيني غير في الاجازات فهل في مجال لو اكتشفت الوزاره او الملحقية ذا الشيء تنلغي بعثتي ؟؟
ما راح تدري الملحقية لا تخبرين أي أحد
و حتى لو درت الملحقية غالباً بتغض النظر و لا تسوي شيء إلا إيقاف مكافأة المحرم فقط
كثير مبتعثات ترى نفس وضعك

الله يوفقك و ييسر لك يا رب

شكرا جزيلا لك ..

معليش كثرت عليكم بس عندي سؤال ^^!! مالقيت الجامعة اللي ابغاها او مسماها في القائمة حقت الوزارة .. لو راسلتها الوزارة او الملحقية ماراح تقبلها بما انها ماهي من ضمن القائمة ؟

اسفة عالازعاج وشكرا لكم

تقدري تسألي اي وحده من المبتعثات اللي لهم فتره و بتقولك نفس الكلام