بكالوريوس طب تركيا

November 20th, 2012, 04:03 PM

السلام عليكم ورحمة الله .
انا من الطلاب اللي كنت ايرلندا و حولت الى امريكا علوم طبية .
اليوم الصباح كنت جالس في مكتب الدكتور ماجد ننتظره علشان اللي عندهم اسألة و في طالب من اللي حول الى تركيا كان موجود معانا . يوم دخل الدكتور راح له الطالب وصارت هالمحادثة بينهم :

الطالب : السلام عليكم دكتور .
الدكتور : وعليكم السلام .
الطالب : دكتور احنا سمعنا كلام واجد يقولون ان الدراسة بالتركي مع ان انتو كنتوا راسلين لنا ان دراستنا بالانجليزي . هل اكيد الدراسة بتكون بالانجليزي ؟؟
الدكتور : ليه . انا قايل لك ان الدراسة بالانجليزي ؟؟
الطالب : لا انت ماقلت لي يا دكتور بس الرسالة جاية منكم .
الدكتور : في الرسالة مكتوب ان الدراسة بتكون اما بالانجليزي او بالتركي .
الطالب : لا يادكتور مكتوب ان الدراسة انجليزي و التطبيق تركي .
الدكتور : طيب اذا تبي المناهج انجليزي روح حول هولندا او حول الى اي دولة تبي من الموجودين بالخيارات .
الطالب : بس ليه قلتوا لنا ان الدراسة بتكون انجليزي والحين تقولون اذا بتحولون حولوا .
الدكتور : ياخي اذا بتشتكي علينا روح اشتك هذا قلنا لك اذا تبي تحول الحين نحولك دولة ثانية واحنا قصدنا ان في بعض المصطلحات انجليزية مثل المانيا ( وربي استغربت انا من هالرد من الدكتور ولاتوقعته ) .

طبعا اذا سألتوا المستشارين بتشوفونهم يقولون لكم ان الدراسة اكيد بالانجليزي و متأكدين وهم والله مايدرون بالدنيا .
بس اذا تبون تتأكدون عدل روحوا عن الدكتور ماجد .

• نشر عبر تويتر
• نشر عبر فيسبوك
• نشر عبر جوجل