لازم بكون فيه خصوصيه لو سمحتووووووو

الله يجزاك خير على اهتمامك

بالفعل انا رحت للوزاره وكلمتهم بخصوص هالشيء

وبلغني ان الضمانات بعد ما كان فيه خطأ بالنظام وقام بإرسالها خطأ لبمتعثين آخرين

تم اصلاح العطل وارسلت لأصحابها من جديد


ويا اختي انا تكلمت معهم بالخصوصيه وخلوني بدوي خخخخخخخ

طيب معليش أختي , ايش بيسير لو انكتبت الاسماء ؟

فرضا شخص له اسبوعين من جات الضمانات يستنى التعديل ولا حياة لمن تنادي وشخص جاله الضمان وساكت أو راسل الوزارة والله العالم متى ترد

تتوقعي إيش مشاعر دا الشخص وهو يستنى طول دي الفترة ؟؟

ممكن البنات يكتبوا اسمها بس بدون اللقب , بس برضوا يعني نكون واقعيين شويا , بياناتنا اترسلت عن طريق مكاتب بالايميلات

بدورة اللغة الانجليزية كتير باسمائهم بنات , بيضر لو كتبوا اسم بس بدون رقم أو ايميل , والسبب واضح مساعدة لا أقل ولا أكتر

معليش انتي ايش عرفك لو كان دا الشخص يدخل الموقع من اصلووووو الخطأ يتعدل من مصدرو اللي هيا الوزاره. وترا ماله الا اقل من ساعتين رايلينها كيف سارت اسبوعين. والليي يبغا ضمانه المالي مارح يدور عليه في الموقع راح يدور عليه بالوزاره او في ايميله

انا اشوف انو الموضوع عادي انو تنكتب الاسماء في المراحل السابقة الاسماء كانت تنكتب في الجرايد

وانتي ايش اعرفك ادا كان مايدخل
أنا اتكلم انو الضمانات وصلتنا من اسبوعين تقريبا والناس من داك الوقت تطلب تعديل , ماقصدي انو الايميلات جات لبعضنا من اسبوعين
وبعدين منجد قبل الاسماء جرايد , ممكن انتي قريتي اسمك وزعلتي , بس الحق أخواننا سوو كدا مساعددة مو تشهير
بعدين واقعيا بأماكن كتير ينادونا باسماءنا سواء مستشفيات , مكاتب

لا والله اساسا ماطلبت تعديل


وانا اعرف انو مو تشهير ياعسل. اذا انتي ترضي غيرك الاف مايرضو.

يمكن يتضايقو إنو كتبنا أساميهم ،، جا ف بالي أنا كمان واترددت

بس ما أتوقع يضر الاسم لوحدو أكيد حيقدرو إنو نبغى نساعدهم مو أكتر لأنو كلنا حاسين في المرمطه اللي كلنا فيها والوقت قاعد يمشي واحنا على أعصابنا
وإذا على ماتعرفي يكونو موجودين أو لا .. صح بس قلنا احتياط

يالغالية والله ما اقصد شي بردي ولكن انتي من جدك تتكلمي انه اذا كتبت مثلا اسم فلان الفلاني راح اكون تعديت على خصوصية هذا الشخص الكريم والمشكلة ان قصدي بكتابة اسمه هوا ان افيده واعيد له ضمانه المعدل،،،

يالغالية والله كتابة اسمك ماهو عيب ومافيه اي تعدي على اي خصوصية اسمك ينادو بيه في المستشفى قدام الناس كلها واسمك تم ارساله الى مكاتب القبولات واسمك راح ينادوكي بيه في السفارة ولو انتي في المرحلة السابقة كان اسمك ح يكون مكتوب في الجرايد و.......... الخ يعني بالمختصر المفيد الموضوع عادي جداً صدقيني انا ضد كتابة المواضيع اللي تخص الضمان في المنتدى والسبب مو للخصوصية وغيرها ولكن السبب انه لو نرسله للوزارة افضل بكثير لكن انتي الله يهديك كاتبة في العنوان خصوصية والمحتوى ماله اي صلة بالخصوصية !!!

يكفي انه خلال دقائق من كتابه الموضوع فيه شخص استفاد من كتابة اسمه وحصل الضمان

//