نصيحة للي باقي ماحجزوا ( بخصوص الطيار )

December 16th, 2012, 09:27 PM

السلام عليكم

بعطيكم قصتي بعد ماطلعت قرار الابتعاث وكل شيء رحت الطيار اللي عندنا بالشرقية وقلت له ابي من البحرين على فانكوفر

المهم انا كنت ابي على الخطوط البريطانية يعني الترانزيت يكون في لندن

قالي الترانزيت راح يكون 10 ساعات ،، والخطوط الالمانية 3 ساعات والهولندية 7 ساعات

قلت له ابي اقل شيء قالي الالمانية

قلت له دبر لي على البريطانية ترانزيت قليل

قال مافيه الا هذا

قلت له طيب خلاص يلا احجز لي على الالمانية ،، وعطيته الجواز وقالي ادفع 5800 ،، قلت له انا مبتعث

وعطيته قرار الابتعاث وعطاني الحجز وقالي كلم الوزارة وووو ،،،، الخ <<<< هذا الكلام كله يوم الخميس

المهم من حسن حظي ان الوزارة كانت مقفلة يعني مايمديني ادق عليهم يوم الخميس

المهم اليوم دقيت عليهم وقالي خلاص ارسلي القرار ورقم الطلب ورقم الحجز عالايميل


المهم قلت خلني ادخل موقع اكسبيديا يمكن القى لي شيء كويس

ودخلت عليه ولقيت رحلة 19 ساعة والترانزيت في لندن ساعتين بسس ،،،، الحمد لله يارب على طول طبعت المسار ورحت على الطيار وعطيته وقلت له ابي هذي الرحلة

وعطاني رقم الحجز وقالي خلاص ارسلها لمكتب الطيار تبع الوزارة عالايميل

وبكرة ان شاء الله برسلها لهم عالايميل

بس بغيت اقلكم لاتروحوا الطيار على طول تراهم بيعطونكم رحلة متعبة والترانزيت طويل ،، وغير كذا الموظفين والله اغبياء مايدرون عن شيء


انصحكم تدخلون هذا الموقع :

Expedia Travel: Vacations, Cheap Flights, Airline Tickets & Airfares


وتحطون وبعدين بيجيكم كل الرحلات على كل الخطوط وشوفوا اللي يناسبكم واطبعوها وروحوا للطيار وقولوا له نبي هذي


والله كذا احسن لكم كل واحد يختار الرحلة اللي يبيها ويرتاح لها


انا بس حبيت انصحكم لآني والله تعبت مع الطيار والوزارة


والله يوفق الجميع ان شاء الله <3

- - - مشاركة محدثة - - -

ايه صح نسيت اقلكم بغيت اسأل يمديني اختار المقعد اللي ابيه ولا ؟

ومتى يكون الاختيار قبل الحجز ولا بعده ؟

• نشر عبر تويتر
• نشر عبر فيسبوك
• نشر عبر جوجل