أول مره تسافر خارج بلدك ؟؟ أو متعود تسافر ؟؟ تعال هنا .... إجراءات السفر و المطارات

الي حاب يسأل عن مطار دبي او مطار الدوحه او مطار اسطنبول.. حتى صالة الطيران الخارجي قد جربتها بمطار الملك خالد بالرياض ومطار جده.. مع اني بالعاده اسافر عن طريق الكويت.. لكن لظروف العمل اضطريت اسافر للخارج عن طريق جده والرياض وللامانه كانت تجارب سئية جدا.. تعامل العسكر كان وقح جداً.. عكس موظفي مطار الكويت.. راقيين جدا..

الله يعين الجميع .. سفري بعد بكره بإذن الله ..

الجوازات لازم نصطف فيها بالسرا العادي ولما نوصل للخط نوقف عنده ومانتعداه ابدًا لين يقول الموظف نكست



أما موضوع الهجرة فاظنه يكفي انك تعبي نموذجهم في الطيارة ولما توصل لمدينتك لازم تواجه واحد من المبتعثين على اساس تطلع لك سوشال سيكورتي نمبر وهذا موضوع يخصه http://www.mbt3th.us/vb/forum8/thread126090.html

العفش مايبي لها اجراءات سهالات ان شاء الله بس حاول يوصلك الشنط على مدينة الدراسة علطول

حسب الطيران يختلف انا رحلتي على الالمانية مسموح لي شنطتين 23 كيلو كل وحده و شنطة احملها معي 8 كيلو ...

الاوراق اهم شي الجواز والاي تونتي والوثيقة او الشهادة والتوصيات للماستر والدكتوراة و ايصال السيفيس و صورة ايصال دفع رسوم الفيزا والقبول الدراسي ومبلغ مالي و فيزا كارد افضل شي لو معك فيزا تسوق الراجحي .. ولازم يكون معك نوته فيها معلومات العنوان والسكن و الارقام المهمة هناك ..

بالتوفيق

جزاكم الله خير اخواني

على الاقل الواحد يمشي بالمطار وعارف وش راح يواجهه



بخصوص العفش ،،،، انا راح اخذ شنطه وحده كبيره وراح تنشحن مع العفش وراح اخذ معي للطياره شنطه ظهر + شنطة لابتوب
كذا اوكيه ولا لا ؟؟
وممكن بلاشي شنطه اللابتوب لأني افكر احطه في شنطه الظهر

شكرا عبدالله العتيبي شكرا سعودي ماجيك

في انتظار البقية

حلو .. اهم شي تاكد ان شنطة العفش ماتتجاوز ٣٠ كيلو.. اغراضك المهمه والاب خلها معك بالطياره.

سعودي ماجيك

30 ولا 25 ولا 23 ؟؟

آختلف علماء المنتدى بصراحه

ولا يمكن على حسب الخطوط وعلى حسب الرحلة هل هي داخليه او دوليه ؟

الموضوع مخصص لبنات الضاهر طيب اكتبي بالموضوع ممنوع دخول الشباب

وش غيرنه بالموضوع انا تكلمت بشكل عام علي مواضيع تهم الطالب بهل شهور الاربعة الجايه ^_^

شغلة المطار سهله بس انتم تكبرون الموضوع اكبر من الازم خذو الموضوع رحلة ومغامرة

والي كاتبه الله بصير حتى لو كنا في بروج مشيدة

اللي بالاخضر ..عندي نسخ بس بدون الاصول ...

وايصال رسوم المعهد مو عندي ...

عادي والا لا ؟؟؟

التغتاوي يختلف لكن كحد اقصى ٣٠ كيلو.. عموما الوزن تلقاه مكتوب بالتذكره .. ولعلمك الحل والربط بيد الموظف الي بالكاونتر .. اذا بيتساعد معاك يمديه يوصلك ل ٤٠ كيلو.. ف شف اذا لك معرفة بمطار جده او الرياض.. يضبطك بالوزن والدرجه..

معلومة مهمة بالنسبة للامقريشن
من خلال زيارتي لبعض المطارات
خلك واثق ولا ترتبك
اذا وصلت لموظف الجوازات
جوابك يكون على قد السؤال ولا تتفلسف
كلمة ورد غطاها
وش عندك ؟ دراسة
اي مدينة ؟ بوسطن(مثلا)
كم بتقعد ؟ 3 سنوات
الجواب بكل اختصار
ولاتنسى الابتسامة واذا جيت عنده تصبح ولا تمسي عليه
وسلامتكم

جزاك الله خير ....


طيب كيف طريقة التفتيش ؟؟؟؟؟

>>>>اكيد مو نفس مطارات السعودية ....

*** عندي برامج قرآن ع الايفون , فيها مشكلة ؟؟؟؟