استفسار بخصوص اختي " بتكون مرافقة " وتدرس على حسابها

December 18th, 2012, 11:35 AM

السلام عليكم

صباح الورد

للإسف مليون سؤال ببالي ونسيتهم كلهم ببكي : (

اول سؤال :

1- اختي تدرس جامعة هنا بس مو مرتاحة لان مو التخصص اللي تبغاه وتبغى تجي معايا تدرس

وبالنسبة لدراستها ممكن تاجلها وتدرس هناك لغة ولو جابت قبول تسحب ملفها من الجامعة اللي هنا وتقدم هناك ؟!
وبالنسبة للمواد اللي درستها هيا كيمياء ممكن لو راحت طيب يعادلوها لها او لا ؟!

اخر شي ممكن انا وهيا ندرس بنفس المعهد مع بعض ؟!
* انا ماستر و هيا بكالريوس

ولما اقدم اقدملها معايا ولا تروح معايا ومن هناك تقدم !


2- انا بروح بشهر 5 ميلادي او بالكتير 6
من دحين اقدم ع المعهد او قبلها بفترة !



*
واخر شي هو استسفار صغير مو سؤال :

كيف نفسيتكم بالنسبة لفراق اهلكم !
لما حسيت الموضوع جد جاني اكتئاب وحسيت انو كلشي بالدنيا ولا اسيب ماما : (
حاولت معاها تجي معايا بس مو راضية عشانها تشتغل
يعني ايش نسوي بدا الموضوع ! مأزمني بصراحة
لدرجة افكر بافكار : S مو طبيعية
كيف انتو حتتغلبو عليه وايش نصايحكم ؟!

بالتوفيق للكل حبايبي ربي يسهلنا كل امورنا يارب

• نشر عبر تويتر
• نشر عبر فيسبوك
• نشر عبر جوجل