وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

اوك انا كمان القى نفس الشعور ومٍالة ترجعي بعمر اكبر
ترى طبيعي تكبرين هنا او هناك
بس تعيشي نفس وضعك الرتيب اللي ب4000 لمدة ثلاثة سنوات
والا تسافري على البعثة المتكفلة بكامل مصاريف لمدة 3 سنين تعيشي تجربة جديدة وحضارة تختلطي فيها ولغة علم اداب صحبة
بعدين اذا رجعتي خييييير يا اختي محد ضامن يعيش لبكرة فلا تفكري بعد 3 سنين حتلاقي وظيفة اولا
اقلها مدارس خاصة براتب 6 الاف حتيجي معك لغة واهم شي عند المدارس الخاصة اللغة الانجيزية تتوظفي فيها لغاية ما تلاقي وظيفة احلامك

الله يعيذنا من وسوسات الشياطين

انا ناوية كيذا ..

طالعة المطار الفجر ان شاء الله ...

بمشي قبل تصحى امي للصلاة ..

لالالا انتبهو لا تسوون كذا , ما تدرون متى تقابلونهم ثاني
لازم تودعونهم وتستودعوون الله بعض وتقنع نفوسكم
الهروب مو حل

اللهم امين ..


جزاك الله خير حبيبتي ..

جاده مدري ليش حاس ان نهايتك بتكون بمستشفى شهار ^_^ طبعا ك موظفه مرموقه p:..ريم والله الوداع شي محزن ولكن الي يحزنك اكثر ان تشوف مبتعث يجلس سنه ونص ولايقدر بجيب قبول جامعه ويرجع بخفي حنين.. ان شاء الله مانكون منهم...بالنسبه لي ب انتظار التاشيره لكي استكمل الاجراءات الباقيه من اصدار قرار ابتعاث وقطع التذاكر ^_^

هههههههههه كنت جاية اتضارب لو ماكملت الجملة

لا تشيل هم ترى سهلة التأشيرة ..يومين او 3 بالكثير وهي معاك ..

طالما مااعطوك ورقة صفرا ..

ع فكرة ياجادة انا موظف حكومي وراتبي بحدود ١١ الف ريال وتقريبا لي ٥ سنوات بالعمل وحاليا مشرف باحدى القطاعات الصحيه ومرتاح بعملي.. ولكن الطموح اكبر من الماده واكبر من الوظيفه .. ف مستعد اخسر الوظيفه مقابل ان احصل على اعلى الشهادات في مجال تخصصي.. وكل مازاد مؤهلك بتزيد الفرص الوظيفيه وطموحي ان اكون محاضر بالجامعه وارتقي لين اصل لمسمى أ.د ^_^ فالحياه بدون طموح لاقيمه لها.. اما لنصيحة مديرك ان تبقى بالوظيفة ام ٤ الالف وتتركي البعثه فهو ياشخص عاشق ياحاقد خخخخ

جاده عسى الله ييسرلك امرك ويشرح صدرك
سعودي ليه مايقدرون يجيبون قبول من دول غير اللي اخذوا فيها لغة؟

ماشاء الله تبارك الله ..ربي يزيدك من فضله ..

حلو الطموح الزايد لكن نسبة المخاطر جدا مرتفعة ...

ضحكتني لما قلت ياعاشق ياحاقد ...

مديري هذا عمره 60 سنة وعشان اكون واقعية هو تقريبا اكبر من الوالد حسب ماقال لي يتذكرة لما كانو يدرسو بجامعة الملك سعود قبل 40 سنة >>>غبااار ..

انا من الحفيدات بالنسبة له ..

حاقد ؟؟؟ مااعتقد ..

بالفترة اللي اشتغلت عندهم كنت احقق التارجت كل شهر بشهره , واشتغل اضافي من فم ساكت , وادوم الخميس فل تايم ..

ومبسوطين مني ..

كرف وراتب شوي .. وضغوط القطاع الخاص ربك يعين ...


خطتي المستقبيلة ...

ابغى وظيفة حكومية مضمونة ..

مااحد يقلي تارجت ولا دوام خميس ولا اضافي ..

ادعي لي ..

الفكرة ياريم انه فيه ناس تغترب عن اهلها والدوله تصرف عليهم وهم للاسف مايستغلون هالفرصه فتلقي طالب ماقدر يجتاز مرحله اللغه او طالب دخل الجامعه وسقط وفشل او طالب صار مدمن مخدرات وحشيش وخمور.. ف هذا الي تحزن عليه ولكن الطالب الي راح واجتهد ونجح ماعليه خوف ولا تحزن عليه