وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

الله يسمع منك

شكراً ع الرسائل الايجابيه توحي بالتفاؤل

الحين ياشباب انا ادمي مالي اي علاقه بالبنوك يادوب عندي حساب في الانماء و الاهلي ومااعرف الحين اذا سافرت اقدر استخدم بطاقتي عادي لين ماافتح حساب في بنك امريكي .؟! ولا لازم اطلع ماستر كارد والاشياء اللي زي كذا

بأختصار كيف راح تتعاملون مع الفلوس بإستثاء المبلغ البسيط اللي راح يكون معاك كاش ؟

كالاتي يااحمد.. تكون عندك بطاقة فيزة او ماستر كارد وطبعا الاهلي عنده بطاقة فيزة مسبقة الدفع والانماء اعتقد عنده بعد..بس ماتكون البطاقه معاك.. تروح تفعل خدمة الاون لاين بالبنك.. بعدها تربط حسابك الجاري ببطاقة الفيزة .. بعدها تحول من حسابك الجاري ل حساب بطاقة الفيزة عن طريق الاون لاين.. بعدها لما تفتح حساب بالبنك ب امريكا تقلهم انا عندي مثلا ٣ الف دولار ببطاقة الفيزة وابي اودعهم بحسابي..دايركت يودعونها لك .. ولاتنسى خدمة الاون لاين تحتاج ان جوالك يكون شغال.. علشان تستقبل كود الدخول بكل مره تدخل ع حسابك بالاون لاين.. هذي الطريقه عرفتها من يومين وتُعتبر انسب طريقه

طبعا اذا معاك بطاقة صراف من بنوك سعودي يمديك تسحب منها بس خلها تمشيك اول الايام لين تفتح حساب وتسوي الي قلت لك عليه

طيب مره حلو يعني اطلع فيزا مسبقه الدفع و احول رصيدي عليها

بس مافهمت هاذي النقطه انا الحين حسابي في الانماء فعلت خدمه الشراء من النت عشان اسدد الرسوم وكذا , بس مافهمت نقطه الجوال ؟!

الحين كل البنوك عندهم خدمة الاون لاين .. بحيث تتيح لك الدخول ع حسابك واجراء جميع العمليات . زي التحويل والسداد وإلخ طبعا اغلب البنوك تتطلب يوزر وباس وورد ولما تحط يوزرك والباس وورد بيجك كود لتفعيل دخولك على رقم جوالك الي سجلته مسبقا .. فتكتب رقم الكود وبالتالي تتمكن من الدخول لخدمه الاون لاين .

انا جربت بنك الرياض والراجحي وكلهم يرسلون لك رسائل ع جوالك وبدون ماتكتب الكود الي جاك بالمسج ماراح تدخل ع حسابك بالاون لاين.. مدري عن الانماء اذا عنده طريقه ثانيه الله اعلم.

اها فهمتك

يعطيك الف عافيه عزوز بسطت الامور عليه

لا حتى الانماء يطلب اكود الامان بس ماقد سويت شيء اون لاين الا يوم فعلت خدمه الشراء عبر النت فما اخذت بالي منها

انت اتصل ع الهاتف المصرفي بالاهلي او الانماء واسالهم عن بطاقة الفيزة كارد او الماستر.. وقدم عليها واذا خذيتها حول لها رصيد من حسابك وبعدها حول المبلغ الي بالفيزة لحسابك الامريكي

اقدر اشوف الرحلات اللي في شهر جون وجولاي من دحين او لسا بدري