وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

إيييييييييه ، بإذن الله
السبت أو الأحد بالكثير راح يصير تحديث ثاني و تتغير الحالة إلى Issued
أغلب اللي أصدرت لهم الفيزا كذا صار معهم
لا تنسى الدعاء و الاستغفار ❤❤❤

عندي سؤال الحين تاريخ بدا الدراسه وين مكانه بالاي توني هل هو التاريخ اللي محطوط عنده انه لازم تجين نو ليتر ذان وكاتبين التاريخ والا وين

ارسلت لهم انو بس نوصل امريكا راح نجيب لكم ضمان من الملحقيه و ارسلت كمان الى مسئوله المعاهد بالولايه و لسى ما ردت علي

يارب انك تسهلها من عندك

صباح الخير وين الناس كلها مختفية مو معقول كلهم سافرو في يوم واحد

ياشباب تتوقعون الاثاث كم بيكلف؟؟ انا هالنقطه شايل همها...

اهليين ماجيك ...... كيفك وكيف الأجواء في الكويت ؟؟؟

والله انا أتوقع 1000$ هذا اللي حاطته في بالي وأتمنى طبعا ارخص بس بأخذ احتياطي

من اغلى المناطق الي زرتها في اقل من ٤٨ ساعه تم صرف اكثر من ١٠ الالف ريال.. الاشكاليه بالقيمة الشرائيه للدينار يعادل ١٣ ريال ونص والي يصدمك ان القيمه الفعليه للدينار تعادل الريال..علشان كذا لو رايح لدبي افضل بكثير..بالنسبه للاثاث ١٠٠٠ دولار؟؟ مستحيل ...كويس اذا جاب لك سرير مع مرتبه.. انتي هالسعر بناء ع تجارب الاخرين او بناء ع توقعاتك ..

صباح الخير
انا للحين انتظر الإيتوني
مدري صرت شوي متخوفه من ها المعهد
قرءات عنه قبل اقدم عليه كثييييييييييير واستخرت الله وماكان عليه ذم كثير يعني حسيته تمام
كمعهد وجامعه وولائه ومدينه
ويقولون مره قوي ويااساسك تمام خاصتن في اللغه الأكاديمية الريتنق والرتنق
بس الحين مدري يذمون مرررره ويقولون انه مادي وحتى لو اجتهدتي مايقيموك غير على اختبار المستوى
واللي غالبا يكون خارج إطار اللي درسته فتعيدي المستوى هذا الكلام من صفحة الفيس بوك ل النادي الثقافي
حطيت بوست سؤال عن تقيمهم للمعهد وكانت اغلب الإجابات نفس الشيء باستثناء عدد قليل
مقارنه بالباقي وصار تمادي في أبداء الآراء وخروج عن صلب الموضوع حسيت شوي ويمسكون
في بعض بحيث اللي مع المعهد يقولون انه تمام وقوي وبس يحتاج
طالب مجتهد يطبق الكلام ويشتغل على نفسه والباقين يقولون لا .......
واليوم منزلين رابط لمقال في جريده عنوانه الملحقيه الثقافية ل امريكا تشكل لجنه
لمعرفة أسباب تعثر الطلاب السعودين في معهد اللغه لجامعة كانساس
وحده من صديقاتي أختها وزوجها في ها لمدينه ونفس المعهد
والجامعة حاليا تدرس في الجامعه ماشاء الله ، سألتها وقالت لي المعهد قوي ويحتاج جهد بس يعتبر من
المعاهد الممتازة بأمريكا وقويه في تأسيس اللغه وبتعدي فيه المهم تشتغلي على نفسك ومن هالكلام


الحين انا مؤمنه أن اللغه تقريبا ٧٥٪على الطالب إذا ماكان أكثر وان اللغه ممارسه
أكثر من أنها دراسه وناويه بإذن الله اشد حيلي بس خفت من
كلامهم اللي فجاءه طلع لي

تخصصي فيزياء في البكالريوس والماجستير بإذن الله تقنية نانو وسالت في
جامعة كانساس اللي تعتبر في تخصصاتها فوق المتوسط قريبه من القويه
بااستثاء الصيدليه فهي التوب الأولى في ها لتخصص وشفت شروطهم مو شارطين جي أي آر
وفي التوفل او الايلتس درجه بس ما تعتبر صعبه ججداً وبالنسبة لتقنية النانو
ما عندهم تخصص مستقل بس عندهم من ضمن فروع الفيزياء ودكتوراه وحده تعطي هالشيء

وبالنسبه لتقنية النانو كاتخصص مستقل بما انه يعتبر جديد وقوي فالجامعات محدوده
لمن ابحث في الجامعات الموصى به تطلع لي جامعتين أريزونا وبنسلفانيا واذكر مره
بحثت وطلعت لي جامعة رايس في هوستين تكساس
ومره سمعت أن جامعة ألباني كمان اللي قريبه من نيويورك
وسالت عن شروط جامعة رايس لان سمعت عندهم مركز كامل لتقنية النانو
فطالبين ٧ في الايلتس تعتبر درجه عاليه والمعهد التابع له متكدس
عشان كذا قلت أبغى معهد قوي وتأسيسه تمام عشان بإذن الله بعد توفيق الله
ثم الجد والاجتهاد احاول احصل على اعلى درجه واقدم باي جامعه حابه

افتكيت من حوسة البحث عن ولايه ومعهد وجامعه مدري ليه رجعت افكر
وش أبغى وش ناويه وش افكر مدددددددري؟


مااعرف ليه كتبت كل هالسطور وش الشي اللي أبغاه او ااحتاجه حسيت
أني بحاجه لمتنفس اكتب فيه كل اللي ببالي وما وجدت نفسي إلا اكتب بهالصفحه



مااقول غير يارب اختار لي ولا تخيرين
الله يؤفق الجميع

لا ماجيك كذا تجلطني اجل ان شاء الله كم يكفي الأثاث << برب بروح انتحر وارجع

صدمتني حتى النوم طار من عيوني انا تقريبا راح اطلع من هنا ب 4500$ والله دحين مو عارفه كيف راح يكون الوضع

صباح الخير مرة ثانية النوم طار تفكيري كلو في مرحلة ما بعد الخروج من المطار باقي على موعد السفر 4 اسابيع فقط ويستمر في العد التنازلي