وش صار ؟! ايه وش صار معاك تعال سولف لنا وش سويت وش خلصت * دعوة للمساعدة *

السلام عليكم كيفكم ,,
الحمدلله رحت اليوم موعد السفارة و كانت الامور سهااالة جدا
و اخذت كثير اوراق قريت انها مطلوبة و لا سألوا عنها
و قالولي بعد اسبوع تجهز ( إن شاءالله ) ..
الاوراق اللي ما احتجتها ( شهادة الثانوية و ورقة الموعد السفارة و جواز السفر القديم و حتى وثيقة التخرج و صور شخصية )
طلبوا مني بالضبط كشف الدرجات لآخر مرحلة و الضمان المالي و استمارة ds-160 و جواز السفر و إذا كان المرافق بيدرس يطلبوا الشهادة البنكية
و اللي ما يقدر يتكلم انجليزي يكلموه باللغة العربية الفحى عادي لا يشيل هم ..
في المقابلة يسأل أسئلة عادية ( ليش بتروح أمريكا ,, ايش حتسوي بعد الدراسة ,, إلى أي مكان في أمريكا حتروح , قد ايه حتجلس )
الحمدلله و الله ييسر أمري و أمركم ...

باكتب انواع الطائرات المريحة والكبيرة والطائرات الضيقة المتعبة اللي تاكل مطبات كثير

الطائرات السيئة :
a320
a321
b737
هذي حدها رحلة ابو ساعة او ساعتين اكثر من كذا انا ما اتحمل
تسخدمها الخطوط السعودية في بعض رحلات اوروبا وتسخدمها الفرنسية من السعودية الى باريس وتستخدمها الخطوط التركية من السعودية الى اسطنبول والخطوط الداخلية الامريكية

طائرة متوسطة
a330


تستخدمها السعودية والقطرية واللوفتانزا والكي ال ام والاتحاد والاماراتية

b767
مافيه خطوط عربية تستخدمها
تستخدمها البريطانية من جدة الى لندن
تستخدمها الامريكان ايرلاينز من لندن الى امريكا



طائرات مريحة وكبيرة ومناسبة جدا للسفرات الطويلة
b777-200
b777-300
السعودية
القطرية
الاماراتية
الاتحاد
التركية
والبريطانية من لندن الى امريكا

الجامبو 747
البريطانية من الرياض الى لندن

a380 (اكبر طائرة ركاب في العالم )
الاماراتية وجهة نيويورك
واللوفتانزا وجهة ميامي
الفرنسية وجهة لوس انجلس (لست متأكد)

وترى اي مساعدة انا حاضر

بروح احجز الحين و ان شاء الله مايقولون ويستعبطون علي

بحجز على الخطوط البريطانيه
و الله يسهل

اللي راح اول على واشنطن روحتو على اي خطوط عادي اذا على القطرية او الامارتية ولا لازم السعودية عشان اعرف احجز على فين

عشان ابغا اروح اول على واشنطن افتح الملف

عادي اي خطوط

بس دامك رايحه لواشنطن ليه تزودين على نفسك ترانزيت

لو مكانك رحت على السعودية دايركت وارتحت الا اذا كنت ساكنه في الشرقية فالاتحاد او القطرية افضل وبعدها الاماراتية

الحمد لله انو عادي على اي خطوط كنت احسب مجبرة على السعودية اذا بروح واشنطن
ساكنة في مكة وبروح واشنطن يومين وبعدها بروح سان انتينو في تكساس

انا انتظر مثلك يوم سفري بعد 15 يوم ادور احد يعرف شي عن المدينه الي بروح لها للحين مااعرف الا اشياء سطحيه كاليفورنيا اركاتا

يا جماعة الخير سؤال

صاحبي طالع على اليابان عنده الفيزا وكل شي بس يسأل

لو بغى يحجز يقدر يحجز على كل الخطوط ولا في خطوط محددة ؟

هو يقول أن كل الخطوط مفتوحة إلا الإماراتية هل هذا صحيح في إنتظاركم ^_^

موفقين

سعودي ماجيك ممكن استفسار طلعت شريحه من t.mobile ودفعت تقريبا 96 دولار بس لمن رجهت لقيتها ماتشتغل مو مفعله ﻻزم ادفع رسوم ثانيه للاتصال والشئ الثاني مريت على البنك وطلبو ضﻻروري عنوان للسكن وانا الى الان بالفندق مو عارفه كيف ابحث عن سكن يكون مريح وامن بصراحه لمن خرجت اليوم كل المنطقه من الزنزج خوفوني ... وشكرا كثرت الاسئله

سؤال ثاني ان امكن الابتوب ادخلت فيه باسورود ولاني مو متعوده لمن وصلت امريكا ماقدرت افتحه وحاولت بكل الارقام المحتمله لكن للاسف مافتح معي اي طريقه للالغاء ........

- - - مشاركة محدثة - - -

سعودي ماجيك ممكن استفسار طلعت شريحه من t.mobile ودفعت تقريبا 96 دولار بس لمن رجهت لقيتها ماتشتغل مو مفعله ﻻزم ادفع رسوم ثانيه للاتصال والشئ الثاني مريت على البنك وطلبو ضﻻروري عنوان للسكن وانا الى الان بالفندق مو عارفه كيف ابحث عن سكن يكون مريح وامن بصراحه لمن خرجت اليوم كل المنطقه من الزنزج خوفوني ... وشكرا كثرت الاسئله