افضل الجامعت والمعاهد في بنقلور (الهند).

ههههههههههه

لازم كل سنه يطلع واحد يبغى يسافر الهند ، السنه اللي فاتت في اخت الله يذكرها بالخير كانت تبغى تبتعث على الهند

وهالسنه آنت ،،

عموما الله يوفقك

طيب آخي جامعات ماعرف بس لي اصحاب سافروا بنقلور و حيدراباد ودرسوا في معاهد تقنيه ( حاسب وشبكات وبرمجه ... إلخ )

اهم شي اذا عزمت انتبه منهم ولا تمشي معاك فلوس كثير ابدا ابدا ولا تبين لعامة الناس انك سعودي واذا عرفوا انك سعودي قول فقير وحالتي صعبه هههههه اعرف واحد كان يقولهم انا يمني عشان لايستغلوه على بالهم انه سعودي مليونير

لا وكمان حتى لما خلص الكورس و جو يسلموه الشهاده قالوا جيب لنا سويت اول شي بعدين نعطيك اياها

جزاك الله الف خير على النصيحه الحلوه

في معهد التكنلوجيا في الهند من اقوى المعاهد في العالم و قبل ما تتخرج بسنة تكون متوظف بأحدى اكبر الشركات العالمية زي بوينج و ايرباص و كذلك ميكروسوفت و المعهد في القديم كان سجن و لكن تم تحويله الى صرح تعليمي و المثال على ذلك اكبر طائرة في العالم A380 تم تصميم اجنحتها من قبل طلاب المعهد . الله يعينك على الدراسه في الهند لأني سمعت من كم شخص درس في الهند ان الأمان سئ و المجتمع نفس لأابعد الحدود .

يقولك في سعوديين راحوا يتمشوا في الهند و ركبوا الدباب حقهم ابو ثلاث كفرات و طبعاً في البدايه اعطاهم سعر غالي مره علماً انك في الهند بمبلغ 50 ريال يمكن انك تسكن في اغلى الفنادق هناك . المهم اقنعوا الرجال و مشوا و تعرف السعوديين نظام فله و ضحك قام السواق يسوس و يقول شكلهم يضحكوا علي المهم وقف بهم وسط سوق و قام يصارخ عليهم و يقول يا لهوي يالهوي ... طلع مصريه ...امزح . المهم اجزاء من الثانية الى ان اخوانا متحوطين و الي يدف و الي يتفل عليهم و الي مدري وش يسوي الين جاء و احد و قالهم عطوه الي يبغى و امشوا و فعلاً عطوه الفلوس و هربوا و طبعاً بعد ثلاثه شهور انقتل و احد من اصدقائهم و رجعوا السعوديه الاثنين و هم ما كملوا مرحلة اللغة

الله يعطيك الف الف عافيه ابو عبد العزيز على هالموضوع ....بس انا ادور على احسن معاهد اللغه لاني حاسس ان المعاهد هنا بس تنصب لا ني ماليه شهر في الهند وما اعرف شي فيها وما اعرف ايش نظام الجامعات الي عندهم نظام سنه كامله والله تعب حاسس نفسي لسه في الثانويه سبعه حصص كل يوم و11ماده في السنه الاولى طبعا في (الهندسه هذا النظام ) لكن التخصصات الثانيه ماعندي علم فيها والله والله شعب مريض........اكثرهم شحادين ......الله يعينا بس

طيب اخوي انت معهد لغه و لا جامعة الان ؟ و بالنسبه لهند لو جمعت كم ريال زيادة تطلع نيوزلندا و لا بولندا او حتى استراليا و تدرس هناك احسن لك . و انت عارف ان فقط اقل من 1% عندهم يدخل الجامعه يعني النخب و الاذكياء جداً . بالنسبه لهندسه الحاسب الدولة مره متقدمة في مخرجات التعليم . الافضل انك تشوف تصنيف الجامعه و تسأل اذا في امكانيه انك تقبل في برنامج خادم الحرمين راح يكون احسن و اسأل الله لك التوفيق .

انا الان مسجل في معهد لغه بس موقوي اسمو فيتا انستاتيوت وبدور على جامعات قويه في الهند تعطي لغه في مدينة بنقلور... يا بوم.ابو عبد العزيز انا نفسي اطلع امريكا لانو فيها واحد من اقربائي يدرس في ولاية كنتاكي ويساعدني هناك بس الفلوس على قد الحال يعني الهند كويسه لوضعي وانا ابي هندسه مدنيه.....ابي نصيحتك م.ابوعبد العزيز اكمل في الهند ولا اشوفلي بلد ثانيه....

لغه في الهند ؟

ياخي الله يهديك روح ماليزيا

الهند ترا مره ماتخارج لا اكل ولا تعامل ولا نظافه ولا أمن ولا شي

هناك حتى لو صار لك قضيه يجيك الضابط يطلب فلوس !!

اخوي انا اعرف الي يبغى يدرس في الهند يقول ابي ادرس لغة و اتمشى في نفس الوقت لكن الغالبية ينصدم لما يروح هناك ان الدولة حالتها مزريه و ما عندهم الى تاج محل و بس . اخوي اذا انت نيتك دراسه فأقول كان من الافضل انك رحت دوله زينه . اذا عندك امكانيه انك تطلع لدول الي ذكرتها لك فأنصح تروح و انت مغمض اما اذا ما عندك امكانيه اقراء في ذا المواضيع و انشاء الله تحصل جوابك لأن اغلبهم كانوا زيك و عارفين المشاكل ملتقى الدارسين على حسابهم الخاص Scholars On Their Own Forum . و عليك بالصبر و اعرف ان كل عقبه تواجها ما هي الى تجربه و درس . و اسأل الله لك التوفيق