مشكلتي مع فتح الملف

جربت 3 من السعودية و نفس المشكلة !!
كلمتهم و اعطيتهم ملفي وما نفع

الله ييسر لك اخوي ويزين موضوع الموقع ويضبط معك كل شي

هذا وانا لسا بالسعودية ماطلعت وحسيت شي معذب فتح الملف<< كان الله في عون جميع المبتعثين

وش اللي ثلاث من السعوديه ؟

الفتى صدقني لي نفس معاناتك وماانحلت الا بالاتصال ع الملحقيه قلت لك انشب لهم بكل ارقامهم لين يردون عليك

غير كذا ماراح يفيدك لان المشكله بقاعدة البيانات ولازم يحذفون لك بياناتك وترجع تسجل من جديد

لو مالقيت ارقام الموظفين بالملحقيه قولي واعطيك رابط ارقامهم < احس ودي انا اجلس ادق عليهم بدالك لين يعرفون معنى النشبه صدق هههههههههه

ابشرك فتحوا ملفي وتم قبولي الحمدلله
بس طلب الضمان المالي لما دخلت عليه حصلت ارفاق ملفات القبول الجدول ؟؟ كيف سويتي؟

وش كانت المشكلة ؟؟؟

وكيف قدرت تحلها ؟؟؟

بالاتصال ع الملحقية
رفعوه من عندهم

ها بشر الفتى النحاسي امورك تيسرت انشاء الله و لا باقي . اذا ما عليك امر أبي كم نصيحة لأن رحلتي قربت و حاس اني عايش في هاواي ما غير جالس و لا سويت شئ .

هلا حبيبي
نصائحي لك
حول فلوسك من السعودية وخل معك كاش
اعتقد بما أنك بجدة اتوقع افضل الصرافين العمودي الدولار تقريبا 3.77 هنا اقل شيء 4 من بنك اوف امريكا بتفرق معاك !!
الافياش خذلك توصيلات وجبلي معك وحدة و ارسلي هيا ههههههههه ^_^ طبعا عند ساكو انا ماقدرت اطلع جدة وقتها لان سيارتي خربانة و كان عندنا عزاء لجيراننا و عزاء لواحد من جماعتنا فتغير الجدول و صارت ظروف
خذلك ملابس داخلية شتوية مدري من فين تنباع عاد لان البنطلون ما يكفي راح تبرد بس البرد اهون من اول ما جيت
رتب امور سكنك بأول يومين ع الاقل و اهم شيء تاكسي من المطار انا المعهد كان موفر خدمة تاكسي من المطار لريفرسايد ب100دولار وهي من المطار تبعد ساعة ونص كنت اقول لا كثيرة وطبيت بتكاسي ما يرحمون مشوار 8 دقائق ب19 الى 30 دولار !!!
خذلك اكل بالطيارة اذا مسافر ع الاماراتية ربي يكون بعونك اكلهم NO WAY
شوزات للمشي تكرم او تشتري من هنا اللي يريحك بس لازم منها انا ظهري يألمني الم فضيع من هالموضوع لانك راح تمشي كثير والمشي مفيد ^_^
في كل شيء هنا غير البهارات والبن والهيل وهالشغلات عندي ماهي ضرورية ما اشربها بالبيت اصلن !!
لا تغلط غلطتي وتأجل قوم الحين و خلص كل شغلاتك من الصيدلية اي شيء ناقصك منظفات توصيلة شوزات لا تتكاسل عشان لا تتورط ^_^
سويت ارفاق للملفات؟ او عندك مشكلة؟ حاول تجرب اجهزة ثانية مع انه الخلل مو من الاجهزة الخلل من البوابة او من برنامج SILVERLIGHT
لو معك الفيزا حلوة سعر الصرف يكون فيها 3.79 ريال للدولار بس المشكلة احيان تحتاج للكاش اكثر او تخلي الفيزا للمصاريف سوبرماركت وخلافه (نقاط البيع )
و بطاقة الصراف للطواريء لازم الطواريء
ان شاء الله اول ما تجي تفتح الملف وتعمل له تسليم وللأمانة الملحقية متعاملة بشكل ممتاز وسريع و بإهتمام (اللهم لك الحمد)
وبس
وسلامتك
و توصل بالسلامة ان شاء الله يارب

الحمدلله عالسلامه .. وتتيسر آمورك يا رب ..
بسألك دحين الضمان المالي إللي يسلموه هناك يعطونا هو متى ؟؟ يعني بعد ما نفتح الملف إن شاء الله على طول ؟؟
وتنصحنا نمر إحنا عالملحقيه ونفتح من عندهم الملف ولا نفتحو من مدينتنا إن شاء الله ؟؟ لأنه آذكر واحد من الآعضاء كتب تجربته بموضوع وقال فيه إنه هو بنفسه راح و موظف بالملحقيه ساعدو بفتح الملف ..

الحمدلله ع السلامة مع انها متأخرة ..
والحمدلله على انك خلصت امور ملفك في الملحقية وان شاءالله تتسهل باقي امورك ..
اخوي حابة اسألك عن الخطوط الاماراتية .. كيف كانت تجربتك فيها .. هل ارتحت فيها ؟؟
وليش تنصح نحمل معانا اكل .. هل الاكل ماعجبك او انه قليل ؟؟
وكيف من ناحية راحة الكراسي والترفيه والحمامات " وانتم بكرامة " <<< شايله هم النظافة هوسية شوي
ياليت تسولف عن الايجابيات والسلبيات ..
ومشكور مقدما وان شاءالله ما أكون ازعجتك بأسئلتي الكثيرة