استفسارات مهمه وعاجله..بخصوص خطاب السفاره +اصدار قرار الابتعاث!

أنا رحت الرياض واخذت خطاب السفارة .. ما طلب مني توقيع أو أي شيء برقم الطلب وصورة الجواز أصدر لي خطاب للسفارة فأعتقد ممكن أخوك ينوب عنك ..

وبالنسبة للفيزا الإيرلندية أخوك ينوب عنك ما فيها أي مشاكل يوصلهم أهم شي قبل الساعة 10 في اي يوم من أيام الأسبوع ما عدا الخميس والجمعه ويستلمها بنفس اليوم بعد 2 ونص

وبعد ما يستلم الفيزا يرجع للوزارة طبعا ً بحي الغدير في شارع العليا .. ويطلب منهم اصدار القرار طبعا ً يوم طلبت اصدار القرار اتذكر اني وقعت على تعهد ولكن سمعت ان كثير من الأخوات تم اصدار القرار لهن عن طريق الايميل بدون ما يروحون للوزارة فاعتقد أن الأمر فيه سعه

لذلك خل اخوك يروح دامه موجود في الرياض ويسأل ...


وأتمنى لك كل التوفيق أخوي

أخويــا أنا رحت الرياض

لانو قالوا لو احد تاني يستلم عني الخطاب لازم تفويض مني موقع من جهة رسمية كالعمدة فحجزتلي رحلة ع الرياض عشان ما اتقروش

بخصوص انو احد تاني يصدر عنك القرار فما ادري بس ان شاء الله تقدر

واستفسارك الاخير طبعا في استمارة لاصدار قرار الابتعاث ودي الورقة انت شخصيا حتوقع فيها ما يقارب العشرة توقيعات وتلاقيها في موقع الوزارة

أي استفساؤ انا جاهـــزة

موفق ان شاء الرحمن

الله يعطيك العافيه اخوي العليوي ويارب تتيسر واصلا المفروض دي الخطابات تجي على الايميل ويريحونا لانو مو كل المبتعثين من الرياض

بس عندي سؤال بخصوص في اصدار قرار الابتعاث من الطلبات طالبين افادة حضور ملتقى المبتعثين

من فين اجيب دي الافاده لاني فقط لما كنت ادخل كانو يسجلو بالباركود فقط وماقالو لنا عن الافاده دي فمن فين اجيبها؟؟ انا اذكر انو فيه خطاب افاده بس ماحد قلنا انو مهم ولا لازم نسجلو فااش الحل


اخت قانونيه يسلمو على ردك وبالنسبه للتفويض من العمده مين قلك دا الشي؟واش اكتب في التفويض؟؟

وبالنسبه للورقه انا عارفها ووقعتها خلاص انا اقصد هل فيه ورقه غيرها

لازم تفويض أخي ويصدق عند الشرطة أو العمدة والوزارة أخبرتني بذلك بعد أن قمت بطلب إرسال الخطاب على الإيميل

الغريب أن القرار من الممكن أن يصدر بالإيميل لكن استلام الخطاب معقد

وبالنسبة للإفادة بإمكانك الحصول عليها من هنا :

https://kasp8.imamu.edu.sa/reg/

الله يعطيكي العافيه ان شاء الله تتيسر والله انا ماعملت اي تفويض واخويا قال حيدبرها من هناك

والله حاجا غريبه انا ماادري ليه مايختصرو على الناس ويرسلوها ايميل

طيب بالنسبه للافاده دي هل لازم تختم او توقع ولا فقط اكتفي بطابعة دي الورقه؟؟

واخر استفسار بخصوص قبول المعهد اللي اعطيه السفاره هل اعطيهم القبول المصدق المختوم من السفاره في ايرلندا ولا القبول العادي اللي قبل ماينختم

الإفادة لاتحتاج ختم أخي اطبعها وارفقها
بالنسبة للقبول حسب ما أعرف إذا أرفقت صورة من القبول الذي وصلك عن طريق بريدك كافي
وهذا إللي صار معي ومع غيري

موفق أخي