الشامل الجامل في كل مايخص السكن عند عائلة

شكرا ع الموضوع

نفسي اعرف هل بالامكانية اسكن انا و اخوي مع عائلة و لا لازم يكون السكن مع عائلة لشخص واحد ؟

على حسب لعائلة آخت هند ، فيه بعض العوائل ممكن تسكّن لحد 5 او 6 طلاب عندها بالبيت فعادي جدا تكوني انتي واخوك من ضمن هذول الخمسه

تسلم يالغالي والله سويت تسجيل دخول حتى أعطيك لايك على هذا الكلام الذهبي
المشكلة أن الكثير يعتمد في هذه المواضيع (الإبتعاث - السكن وغيرها )على أمور كثيرة ويترك أمر في غاية الأهمية ألا وهو (النظرة الشرعية لها) المفترض أن الشخص أول ما يبدأ , يبدأ يسأل : ما حكم كذا ؟ وما حكم كذا ؟

أشكرك مرة أخرى يالغالي وبيض الله وجهك ولا تحرمنا من مواضيعك ومشاركاتك .

اعذروني على الرد وان كان شوي شاطح لاني ماقريت الا الموضوع نفسه
...

حبيت اعلق على اخونا المرحلة الثامنة .. بأن فوائد العائلة ليست محصورة في المساعدة او اللغة فقط ..

فيه شيء في غاية الأهمية ..

المصاريف للعائلة العادة أقل .. انا بسياتل .. ساكن مع عائلة .. سياتل ايجارات الشقق فيها حول 1000 دولار شهريا .. !!!

غير كذا لما تبغى تستاجر شقة يبيلك ديبوزيت و مصاريف لانه مامعك رقم الاجتماعي .. قبل لا تستاجر هذي بلحالها بتكلفك من 2000 الى 3000 .. !! قبل لا تسكن .. ثم اذا سكنت بيصير عليك الكهرباء والموية والنت والتلفزيون !! الشيء المكلف اكثر من هذا انك بتشتري مقاضي كل شهر عشان تطبخ !!

اما العائلة بكل بساطة أول ماتوصل تدفع 625 دولار زي ماانا اسوي ويعطونك عشا ودايم يسوون لك شي بدون خنزير .. ويعرفون طبيعتك .. مايخلونك تاكل الحرام .. ينبهونك على اللي يصلح واللي مايصلح ..

طبعا تجربتي مع العائلة جدًا رائعة والحمد لله بفضل الله ثم بفضل دعاء الأهل واعضاء المنتدى ..

اول شي فتحت موقع المعهد واللي وضح لي خيارات السكن وحط مجموعة من شركات اللي تقدم عوائل ..

اتصلت على كذا شركة وقلت لهم على مواصفات العائلة اللي ابغاها ومدى قربها ..

ثم بعد ماقررت على شركة ..

راسلتهم ودفعت الرسوم ..

وارسلوا لي بالايميل عنوان العائلة ومعلومات الاسماء و الاعمار .. الخ ..

طبعا لي الحق اني اكل فطور غدا عشاء .. لكن طبعا مستحيل تتغدا في البيت لانك بتكون برا ..

انا دفعت رسوم التوصيل للشركة حقت العايلة ..

وجتني وخذتني لين حطتني عند باب بيتهم .. اول ماوصلت دفعت لهم 625 دولار حق شهر جاي مع ان العائلة قالوا ممكن تتأخر اسبوعين اذا بغيت .. بس انا فضلت اني اكون منتظم بالدفع ..

طبعا الان صار لي معهم فوق شهر ونص ..

اكل معهم عشا .. مع حرية تامة في دخول المطبخ وطبخ مااريد .. والدورة وانتم بكرامة مشتركة مع اللي ساكنين معي ( 2 صينيين )

العائلة متكونة من 3 افراد ... الأم عمرها 43 والاب عمره 56 والطفل عمره 10 سنوات مصاب بالتوحد .. يعني يجي عندك ويقبلك بس نادر يسولف والغالب يردد كلمات من الافلام الكرتون اللي يشوفها .. حبيب هالطفل .. ومرره مدلعينه بالالعاب .. ( تصرفاته بعمر الخمس سنوات )

دوامي يبدا الساعة 11 الصبح فبالتالي للاحتياط اطلع من البيت الساعة 9:20 دقيقة .. واوصل هناك الساعة 10:15 ..

افضل اني افطر في المعهد .. لأني مااعرف اطبخ الا بيض مقلي ^_^ ..

احضر الساعة 11 - 12 ثم البريك الساعة 12 الى 1 .. اروح اصلي و احيانا اشتري عصير او كولا ..

1 - 4 محاضرات .. وبعدها اوجه للبيت ..

العادة اوصل قبل مايوصلون بنص ساعة ..

اصلي ثم اروح لغرفتي واحل واجباتي ... شوي وينادوني للعشاء .. ونتعشا .. طبعا النظام الامريكي السوالف تحلى بعد الأكل .. نجلس نسولف عن يومنا وش سوينا ونطقطق و نمزح .. تقريبا نجلس بعد العشا ساعة الا ربع ..

اما الويكند فهو ممل بالنسبة لي لاني اجلس في البيت اغلب الوقت احيان انزل اسولف مع العايلة واحيان يسوون حفلة كاريوكي او ماشابه احضرها .. بس كل سبت اروح مطعم من ثقافة مختلفة عشان اجرب اكل جديد ..

ميزة العايلة انها تعطي الحرية متى ماجيت ادخل عادي ..

خلوني اطلع من تجربتي شوي واقولكم رايي ..

مراسلة العائلات عن طريق المواقع غير مجدية في اغلب الاحوال .. وفي الاغلب ليسوا عائلات امريكية .. (انا عايلتي امريكية )

وصعب احد يرد عليك .. وانا بنفسي جربتها ..

اما مراسلة العائلات عن طريق المعاهد فهي آمنة لكن قد لا تناسبك العائلة لان المعهد خياراته قليل والطلب على العائلات كثير فبالتالي لا يهمه مدى توفر شروطك على العائلة

الشركات اللي توفر عوائل غالبا يكون عندها خيارات كثير جدًا .. فبالتالي راح تلقى عائلة تناسبك ..

شيء في غاية الأهمية :

لا يوجد عائلة كاملة .. فلابد اما ان تكون بعيدة او غالية او نحوه ..

اغلب المدن في امريكا العوائل تسكن في اطراف المدينة وهذا طبيعي ..

والسبب هو ان الداون تاون ليس المكان اللي يمكن ان تبني فيه بيت عادي وليس اطراف الداون التاون مؤهل لبناء بيوت سكنية ..

فبالتالي اغلب البيوت السكنية ( حيث تجد العوائل ) بتكون باطراف المدينة ..

بالتوفيق للجميع

uppppppppppppppppppppppppppppppppppppppp