استفسارات بخصوص السكن ارجو افادتي

السكن مع عائلة ارخص طبعا من السكن في شقة خاصه ،،،، والفايدة والمعايشة مع الشعب الامريكي عشان تكتسب اللغة مو فقط من السكن مع عائلة ولكن من معيشتك اليوميه تقدر تكتسب وتتعامل وتفهم وتستوعب وتتقن اللغة ،،، ودامكم عائلة فاسكنو في سكن خاص احسن لكم " وجهة نظر " ،،،،،بالنسبة للملحقية تستقبلك وتورد لك سكن والله هدي كذبه قوية ،، هي تستقبلك في المطار وتركب الباص وبعض اوقات ماتلاقي الباص او بما انك اول مره فممكن من الصعب توصل له ،،، عموما وصلت له والا موصلت له الملحقية مالها دخل فيك تدبر لك سكن انت والا براحتك هي مالها دخل،،، "" ممكن لواخذتك من المطار فقط توصلك لفندق متعامله معاه الملحقية وتدفع الحساب انت الله لايهينك،،، "" وبعدها الفندق يوصلك المطار لو رحلتك على مدينة ثانيه ،،، ،،،، الملحقية فقط تصرف لك فلوس نهاية الشهر هذي علاقتها فيك ،،، او فيكم،،، يعني الإعتماد على الله ثم على مجهوداتكم الشخصية ،،، والسكن سهل مواقع السكن مالية النت تقدري تشوفي سكن مناسب وتتواصلي مع المكتب او الشقق او العائلة الي بتسكنو عندهم وان شا الله سهلهـ ،،بالتوفيق عموما

السلام عليكم

السكن مع عائلة مو شرط يكون ارخص الاسعار متقاربة لمن تسكني مع عائلة او شقة خاصة انا حاليا ساكن مع عائلة 850 دولار بالشهر والحمدالله مرتاح جدا
مسألة الفايدة يعتمد على حسب العايلة فيه عوائل بتسكن الطلاب لحالهم واكيد كذا مارح يكون فيه فايدة. الحمدالله العائلة اللي انا عندها بنطلع ونروح ونجي مع بعض يعزموني على مطاعم واعزمهم
واذا حابة تدوري سكن مع عائله ادخلي على الرابط وارسلي ايميل على اي ايميل في الموقع وقولي انو تبغي سكن في اي ولاية وتاريخ الوصول واذا عندك شروط اكتبيها في نفس اليوم بيرسلوا ابليكيشن ونموذج دفع الرسوم وبيلاقوا لك سكن ان شاء الله يناسبكم. الشركة جدا رائعة في التعامل رح يصلحون ليك زياره لمن تجي للعائلة ويبقوا متواصلين معاك على الايميل. انا تعبت جدا في المواقع صعب تلاقي لكن الشركة ذي بتريحك كثثثثثثثثثثثثثير
وبالتوفيق يارب
لاتنسينا من دعواتك لنا بالتوفيق والصحه

الرابط الصفحة الرئيسية
studentinternationalhousing.com
رابط الايميلات
studentinternationalhousing.com | Contacts

الف شكر لردودكم انا فعلا حسيت انها كذبه انو الملحقيه توفرلنا السكن
بخصوص الشركه اخوي خالد ممكن تشرحلي الطريقه كيف

اتمنى التوضيح بخصوص الموقع

سوري اتاخرت في الرد لكن النت هنا الله بس يعين

ذا موقع بيوفر سكن للطلاب المبتعثين مع عوائل طبعا. يا تدخلي وتعبي الابليكيشن والا انا ارسلت الرابط الثاني ارسلي على احد الايميلات انو انت طالبه وجايه من السعودية وبتدرسي في واشنطن وانك تبغي تسكني مع عائلة وبس. طبعا همه رح يردوا على الايميل ويرسلون ابليكيشن تعبيه وياخذوا منك رقم كريدت كارد علشان الدفع ويرسلوا العنوان حق العائلة ومعلومات عنهم ولمن توصلي للعايلة اليوم الثاني تزوركم الشركه وتتفقوا على كل شي. صراحه الشركه تعاملها راقي جدا جدا ويبقوا متواصلين على الايميل معاك اذا عندك مشاكل تقليلهم. صحيح ياخذوا مبلغ في البدايه تأمين وزي كذا بس يريحونك كثير لانو صراحة انا جربت مواقع كثير وراسلت عوايل كله كلام فاضي بس اخروني على الفاضي الشركة ذي جابتلي السكن في يوم واحد وانا في نيويورك ارسلت ايميل لوحده اسمها يونا واليوم الثاني رحت للعايلة في لوس انجلس.
اقري في الموقع كمان رح تستفيدي واذا احتجتي شي اسأليني وان شاء اني اجاوبك
بالتوفيق للجميع

هل يستطيع الموقع ايجاد عائله في جورجيا مدينه اتلانتا

مشكور اخوي ع الشرح
طيب الشركه توفر سكن للمتزوجين مع عايله؟

keep it up

لله درك

اكره مالي اذا جاك واحد وقال الحصول على العوائل سهل ويسكت
ولا يجي يقول فيه شركات تقدم هالخدمة ويسكت

من دون مايذكر تجاربة او اراءة باللي سبق وتعامل معهم

الله يعطيك العافية

- - - مشاركة محدثة - - -

keep it up

لله درك

اكره مالي اذا جاك واحد وقال الحصول على العوائل سهل ويسكت
ولا يجي يقول فيه شركات تقدم هالخدمة ويسكت

من دون مايذكر تجاربة او اراءة باللي سبق وتعامل معهم

الله يعطيك العافية

فعلا اخوي ماقصر وقدم معلومه كثير يجهلها الله يجزاه خير وانا مبدئيا عجبتني الفكره
بس ابغى اتأكد يوفرو للمتزوجين لان سمعت ان السكن مع عايله غالبا يكون للعزاب