مساعدة نصيحتكم ألغي بعثتي أم ماذا ؟

اتمنى اكون فهمت كلامك صحيح ، بقولك من واقع تجربه مهنة التدريس مملللللللله بشكل فضيع
وغير كذا صدقني بعد فتره اللي مامعه لغه ماراح تمشي اموره مثل اللي معه لغه ، صارت اللغه شي اساسي حتى في التقديم على الوظايف الكويسه
ونفس الشي شهادة البكالوريوس مااحسها بأهميتها سابقاً ، والاهم من هذا كله لا تضيع فرصة الابتعاث لوظيفه مو مضمونه ولا تعتبر التدريس باهليه وظيفه لانه كرف وتعب وجهد وممكن باي لحظه يقولون لك خلاص ، من رأيي فرصة الابتعاث افضل وهذا مجرد كلام مني ويمكن رأيك يختلف بس حبيت انصحك ، وبالنسبه للمسائل القانونيه ماأعتقد ، والله يكتب لك التوفيق والتيسر ويكتب اللي فيه خير لك

أنصحك بالاستخارة والله يكتب لك الخير فين ماكان ويسهل امورك ان شاء الله

بالتوفيق يارب

وضعك محير.. أنسب شي لك ان تكسب الاثنين.. الي قصده تروح لامريكا وتاخذ لغه مدة سنه ونصف بعدها تقدم ع ماستر تدريس شريعه في مصر او الاردن او الامارات .. طبعا اغلب الجامعات تطلب للماستر ٥ او ٦ بالايلتس ف تكون كذا حققت هالشرط.. بعد ماتحصل ع القبول تقوم تسوي طلب تغيير الدوله.. وباذن الله طلبك بيقبلونه اهم شي تكون الجامعه موصى فيها وغير موقوفه .. بكل الحالات انصحك ب اكمال الدراسه ف كلما حصلت ع مؤهل أعلى كلما زادت فرصك الوظيفيه..

أشكركم ,,,
لكن هناك تقطة جدا مهمة نسيت ذكرها وهي أني متزوج ولله الحمد ولدي ابنتين , والكبير من إخواني من جهة الأم , أبي متوفى رحمه الله,,,

فرصة الابتعاث لاتفوتها عليك مهما كان .. لان الخيارات قدامك .. فرضا اخذت ماشتر قانون بامريكا تقدر تكون محاضر باحد الجامعات .. ومو شرط تكمل قانون
اخذ اللغة بامريكا بعدين حول على ماليزيا وكمل ماستر بالشريعه .. لان فيها جامعات اسلامية كبيره او باحد الدول العربيه ..
الاهم فرصة الابتعاث حاول ماتضيع منك ..

الله يكنبلك الي فيه الخير لك يارب

ياااخوي من الي يدرسون من حملة الماجستير لهم الافضليه في التدريس ويعينون من المرتبه السادسه مو مثل البكالريوس من الرابعه او الخامسه ... باالعقل وانا اختك الماجستير اعلى من البكالريوس فكيف يعنونهم برتبه اقل.. ابوي مدرس وهو الي وضحلي هاذي المعلومه بعد ماتخرجت من الجامعه قالي كملي ماستر عشان اذا قدمتي في جداره يعينونك بدرجه اعلى ان شاء الله ... وانت الله يهديك ليش ضيعت الفرصه الاولى انا لو بدالك وجاتني الوظيفه كويسه وحكوميه مستحيل اضيعها هاذا مستقبل وماتضمن الوظيفه الحكوميه بعدين واذا على اللغه تقدر تاخذ دورات او تسافر في الصيف وتاخذلك كم شهر يعني مقدور عليها طبعا اذا كانت الوظيفه تستحق وحكوميه ... وانت استخير والله يكتبلك مافيه الخير

اعتقد لو حصلت على ماستر من امريكا راح تتغير اشياء كثيرة انت مخطط لها لان راح تفتح لك ابواب اكثر . اذا كنت ماتشوف نفسك تقدر تتطلع هالمرحلة , تقدر تسوي تأجيل سنة او سنتين بس تحتاج واسطة صغيرة تمشي امورك , خلال هالسنة انت تقرر على راحتك .. وبالاخير الابتعاث فرصة ماراح تتكرر للشخص مرتين . انتهزها وانطلق .

كلامك وكلام الاخت ريموتهم عجبني جدا , ولكن بحثت عن جامعات تدرس تخصص شريعة خارج المملكة فوجدت ماليزيا والميزة الي فيها وجود اللغة الانجليزية وانها الزامي لدخول الجامعات هناك, ولكن المصيبة إن في جميع الجامعات الموصى بها في ماليزيا مكتوب الكلام الاتي وركز على رقم 6-7

نعم حملة درجة الماجستير تكون وظائفهم من الخدمة المدنية إدارية..

أنا حاصلة على درجة الماجستير من احدى الجامعات السعودية, وأعلم يقيناً أن الوظيفة المتاحة لنا إدارية
وقد صرّح بذلك أيضاً أحد المسؤلين في الوزارة, ورغم ذلك الوظائف شحيحة أيضاً..


لكن إذا كان القانون امتداد لتخصصك في البكالوريوس فالخيار لديك في مجال التعليم هو التدريس في الجامعات..


بالتوفيق