حوار تجمع مبتعثين بورتلاند - ولاية اوريقون

الاجار السلام عليكم
انا لدي شقه ون بروم (غرفه نوم وصالة جلوس ودورة مياه اكرمك الله ومستودع) وقريبه من كل الاماكن المهمه ونظيفه وهيه في حرم جامعة psu الاجار 1000 .
للمفاهمه 5034323694

تسلم يالغالي،،!!
ما تقصر ان شاء الله!!
الله يوفقك وييسر امرك
واعتذر تأخرت بالرد^_~

اغلبكم بيدرس في pcc
اقرب منطقة وارخص ونظبفة لكم هي بيفرتون
نصيحة لكم روحو لها
الداون تاون والللويد سنتر بتحصلون اقل شي 1200 دولار
انا في بورتلاند لي سنة تقريبا
وسكنت باللويد وصدقوني كنت ازيد ع الراتب من جيبي الخاص 1000 دولار

الاخوات الي بيدرسون في ELS طبعا قليل البنات في هذا المعهد
المعهد كويس مرة
بس اذا تبين بنات معاك وتنزعجين من الشباب فلا تجين للمعهد هذا

كلما ابتعدتوا عن الداون تاون السكن بيكون ارخص بس احسبوا حسابكم اقل شي 1000 دولار مع كهرب وماء

شكراً لك اخي نايف
افدتنا الله يوفقك

موضوع وتجمع جدا مفيد الله يعيطيكم العافيه يارب ويوفقنا اجمعين
انا كمان مقدمه على معهد pcc بس لسى ماجاني لانه في شويه اشياء طالبينها والله يسهلها بس قريب ان شاء الله اتوقع يجي القبول ...

ماشاء الله شايفه بنات مقدمين على نقس المعهد ان شاء الله تكون فرصه ونتواصل قبلها واعتقد انه بتسافرواا قبلي ربي يوفقكم يارب

وان شاء الله اول مايجيني القبول راح اكتب هنا وربي يكتب الخير لي ولكم يارب

انا جاي ان شاء الله نهاية هالشهر وابي اسكن مع عائله وابي معهد يكون رخيص ويفضل معتمد ..


ياليت تفيدوني ..

احتاج معهد رخيص بنفس المنطقة لمدة 4 شهور لين التحق بالبعثة

السلام عليكم ورحمه الله وبركاته :
اخواني اخواتي انا تبداء دراستي بعد شهرين ان شاءلله
الله لايهينكم ابي تعريف عن مدينه بورتلاند ــ
/ـالاجواء /هل المدينه كبيره او صغيره
/ متوسط الصرف الشهري ـــ>ساكن مع عائله/ السعوديين كثار او لا
/ اللغه كيف التعليم اذا المدرسين يتكلمون E وانا اللغه مبتداء


ملاحضه/ انا دارس على حسابي الخاص

حاب أستفسر عن أفضل المعاهد الاكاديمية خصوصا اني لغتي أقل من ضعيف ..

السلام عليكم ورحمة الله وبركاته

بعد ما بحثت وانلحس مخي من امريكا هذي شفت بروتلاند هي الانسب لي اكمل فيها دراستي
ي اخواني انا ابي احول لجامعة up بما ان psu قفلت من التكدس
بس مو هنا المشكله المشكله هل الجامعة تعادل لي المواد الي دراستها في السعودية ؟؟
انا درسة سنتين وتوني الفصل الي راح تخصصت هندسة ميكانيكية
معدلي مرتفع
ابي احول ادرس في امريكا ما عندي مشكله اذا بيعادلوا لي سنه وحده

طبعا بطلع على حسابي اول شي بعدين بانظم للبعثه
كلمة واحد من الشباب قال تواصل مع الجامعة وجيب قبول مشروط وجيب قبول من المعهد
بعدين قدمها لوزارة التعليم العالي وانتظر منهم القبول انك تطلع على حسابك ( مدري له )
الرجال ما ناقشته كثير

1 .هل في احد موجود في بروتلاند يقدر يجيب لي قبول مشروط مع معادلت المواد ؟
2 .المعهد هل اسجل فيه بس ثلاث شهور بعدين اذا حولت للبعثه امدد ولا اسجل على طول سنة ؟
شفت معهد pcc اقل نسبة سعودين هل تنصحون فيه ؟
3 . طبعا ودي اخلص اوراقي بسرعة ومو عارف لا في القبول ولا في اي شي كم تاخذ الاجرائات عشان تخلص ؟
ووش الاجرائات الي احتاج اسويها ؟

يعطيكم العافيه اخوكم بندر