معيد بجامعة , وحاصل على قرار ابتعاث من برنامج خادم الحرمين , ما العمل ؟

وعليكم السلام ..

أول شي الف مبروك قبولك معيد .. ثاني شي أحد الزملاء سافر وبعد كم شهر جاه قبول بالجامعة كنسل بعثته ورجع والحين طلع مره ثانية عن طريق الجامعة ..

انا نفس الوضع اوراقي في الجامعة على وظيفة معيد وماشي بعد أقل من شهر ومتى ماجاني الوظيفة في الجامعة رجعت

اخي الحل الصحيح
باشر عملك وكلمهم بالموضوع لو تبي تكمل دراسه اطلع المعهد نفسة واول ماتوصل الدولة الملحقية راح تفتح لك حساب طالب جديد وتكتب الجهة الي انت مبتعث منها الي هي الجامعة او الوزارة او زي كذا المهم قرار ابتعاثك الي راح يصدر الثاني عن طريق الجامعة راح يكون مختلف عن القرار الي معاك دحين وتكمل دراستك عادي وتنتهي القصة والقرار اصلا لو طنشته عادي مافيها شي ماعطوك ولاريال ولاصار ولاشي فقط كلام على ورق

،،،،،،،،،،
لايوجد تعارض
،،،،،،،،،،
موفق

الاشكاليه ياوائل أن الجامعه تطلب خدمه سنه قبل الابتعاث.. الا انه من صلاحيات الجامعه ان تبعثك حتى لو ماكملت سنه..عموما زي ماقالك وائل .. طنش التعليم العالي والقرار خله عندك..وحاول بالجامعه فهمهم ان فيزتك جاهزه وقبولك جاهز يمكن يتساهلون معاك ويمشونك الحين.. بس اتوقع ان الجامعه تشترط قبول جامعي وليس قبول لغه..

غير صحيح .. النظام يقول لك تخدم ست شهور فقط وبعض الجامعات تبتعثك على طول بدون حتى ماتقعد شهور .. اعرف واحد بجامعة الملك سعود ابتعث بعد شهر ونص من تعيينه بس خلص اوراقه ومشى

لا يخوي مو بكيفه .. أول شي لازم يباشر ومن ثم يتناقش مع القسم والدكاتره الكبار على التخصص الدقيق الي بيكمل فيه ولهم معايير معينه في اختيار الجامعة الي بيدرس فيها يعني يبي له شهر شهرين ثم يوافقون عليه وتروح اوراق ابتعاثه لادارة الجامعة ومن هناك تقعد شهر تقريباً ثم يبتعث

اخوي عذب.. بالنسبه لشرط خدمه سنه هذا موجود طال عمرك بلائحة الابتعاث الخاصه للمعيدين.. ارجع للائحه .. وبالنسبه لاخويك.. انا قلت من صلاحيات مجلس الجامعه استثناءك من شرط الخدمه.. يااخوان ارجعوا للائحه فيها كل شي واضح..

لاتاخذ بالائحة .. الجامعات الان كلمالها في توسع وتبي ترسل معيدينها باسرع وقت عشان يرجعو لهم ويغطو النقص

لييييييييييه تكنسل !!! لعلّها خيره ما احد رد عليك ..
تبي نصيحة خبير ...
اطلع لك ( لو اسبوع) افتح ملف وادرس بالمعهد .. وبعد هالاسبوع استأذن من المعهد قل عندي شغل بالسعودية لازم ارجع .. ولا تعطي الملحقية خبر .. خلها بينك وبين المعهد ( وبحريقة لو المعهد يبلغ الملحقية ما عليك منهم اهم شيء انت لا تكلم الملحقية) ..
وارجع يا طويل العمر وباشر عملك بالجامعة .. منها تستلم راتب الابتعاث + راتب الجامعة .. وانت ونصيبك .. تاخذ سنه ، ست اشهر ، على حسب لين يقفلونها الملحقية ...
وبعدها قدّم على الابتعاث من الجامعة واطلع عن طريقها ... وبعدين ان طلعت عن طريق الجامعة ولا انت فاتح لك حساب بنكي وفيه رصيد وامورك طيبه ..

لكن في النهاية ، انت وما يمليه عليكـ ضميركـ ،،،

اشوف هذا احتيال رسمي .. لا تفنن بالاحتيال بعد ..

نصيحة لوجه الله .. احرص على عدم اتباع هالاساليب خاصة بالجوانب المالية .. يصرفون له مكافأة بعثة على حساب غيره وهو جالس بالبلد .. سلامات !.