مساعدة ارجو المساعدة بخصوص تاجيل السفر بسبب عارض صحي

March 3rd, 2013, 06:44 AM

ي
السلام عليكم
اتمنى اللي عنده علم اكيد يساعدني انا بعطيكم سالفتي كاملة

انا من طلاب المرحلة الثامنة قدمت على معهد وجبت قبول على اساس تبدا دراستي في 1/ ابريل /2013 ... 4/1/2013

وقدمت على السفارة في 28/يناير /2013 ....1/28/2013 والى الحين ما طلعت الفيزة

طبعا خلال الاسبوع الماضي قدر الله علي وجاني انزلاق غضروفي والتهاب في اعصاب المخ

قالي الدكتور لازم استمر على علاج جرعات معينة وكمان علاج طبيعي لمدة ممكن شهرين

انا قلت انه ممكن لو طلعت الفيزا اكمل اجراتي في الوزارة واكمل علاج برا

المشكلة انه ابوية وامي رافضين اني اطلع وانا مريض رفضا باتا لاجدال فيه

طبعا انا ماني عارف ايش اسوي هل يمديني اجل اصدرا القرار لبعد الفترة المسموحة الي

ذكروها في الملتقيات الي هي اول اربعة شهور ولا ما يمديني ؟؟

وما هي اقصى مدة يمديني اصدر فيها قرار الابتعاث؟؟

هل يقبلون العذر الطبي ويسمحون التاجيل؟؟

طيب اذا يمديني اجل اصدار القرار ويش اسوي في الفيزة اللي انا مقدم عليها

هل ارسل للسفارة يلغونها ولا اسكت ما اقلهم حاجة ؟؟ مع العلم ان القيزة لسا ما طلعت

نسيت اقلكم انه اذا اجلت السفر السيمستر الي راح اسجل عليه في المعهد راح يكون في 9/23/2013

اتمنى اذا احد عنده معلومة يساعدني واذا ما يقدر دعوة صادقة انا الله يشفيني ويشفي مرضى المسلمين

تكفون مساعدتكم يا اخوان

• نشر عبر تويتر
• نشر عبر فيسبوك
• نشر عبر جوجل