وصلنا سياتل واي استفسار انا جاهز وابشركم كل شيء تمام

كما وعدتكم
هذا عنوان واسم البقاله العربيه وانصحكم بالدجاج واللحم اللي فيها وفيها قدور ضغط وقدور ططبخ وبهارات وكل شيء
jd.s market
4419 200street s.w lynnwood.WA
ترا مو بعيده من النورث قيت ربع ساعه او 12 دقيقه باالسياره

اخوي ياسر ما ادري شفيه جوالك حاولت اتصل فيك ومارضى يمسك
المهم كلمني اذا فضيت او قريت الموضوع
وابشرك لقيت سياره وسعر مناسب بمعرض قريب من الشارع اللي انا فيه والتاكس عندهم 9 %

معلومات من التجربه .. اللي بيشتري شيء من المجمعات او البقالات ترا الدفع كاش ماياخذون تاكس (ضريبه)
نصحني راعي محل وجربتها امس واليوم وتفرق معك طبعا خصوصا لما تشتري اغارض كثيره وحتى لو تشتري ب20 دولار توفر دولارين

الحمد لله على السلآمة ، وجزآك الله خيرآ .. لكن هل سيآتل بكندآ أو بأمريكآ ؟

الله يسلمك ويجزاك الجنه يارب
سياتل بامريكا في ولاية واشنطن... تبعد عن كندا تقريبا 160 ميل يعني حوالي 200 كيلواو اكثر شوي

مساء الخيرات
هذا عنوان البقاله العربيه اللي في الليك سيتي ايضا على الشارع نفسه وفيها كل شيء تقريبا
اسمها
GOODIES MARKET
13721 LAKE CITY WAY NE.SEATTLE WA 98125

واي استفسار انا حاضر
وابشركم اليوم اشتريت سياره والحمدلله اني ماستعجلت لاني ترددت في اكثر من سياره وبالاخير طحت على سياره تمشي الحال وسعرها ممتاز
ونقلت الملكيه وسويت تامين ومن اليوم نتمشى فيها
يازين السياره اثاريها تريحك من هموم كثيره

تو تاكدت من كندا بالقارمن والنفيقيشن
وطلعت فانكوفر 133 ميل من سياتل
يعني ساعتين
والحدود اقل من كذا

الله يسلمك وتجي باسلامه
كل شي موجود وحتى النعنع اليوم لقيته بالفريد ماير
يجيك معلب عند الخضره وعلبه بدولار وشوي

اللي يبغى شقه سعرها حلو شوفوا موقع النادي السعودي بسياتل الشقه عارضها واحد من النادي
ترا موقعها ممتاز ولكن ماشفتها بعيني ولا اعرف تفاصيلها بالضبط هل الكهرب والمويه عليك او شامله كل شيء
موفقين يارب

الله يعينك يا اخوي ناشبة لك ما صدقت لقيت احد بنفس منطقتنا تعبتك بالاسئله
بس ودي اسال عن البنك شلون وصلت له هل كلمت الفندق انك تبي تروح للبنك و جابو لك تكسي او رحت عند الباصات و سالتهم وين يصير البنك
و نفس الشي بالنسبه لشركة الجوال شلون وصلت لها
ولما جيت تفتح ملف خلال كم وافقو لك عليه و ارسلو لكم الضمانات الماليه