وش احسن طريقة لايجاد سكن مناسب؟ وش الخيارات اللي نركز عليها؟ ساعدونا يااهل التجربة ..

عليكم السلام .. فعلاً الموضوع يحتاج دقة .. في بداية ابتعاثي عام 2006 .. كنت ابحث في المواقع واخترت كم سكن وسجلت معلوماتهم .. الصور كانت في وادي والواقع في وادي .. نصيحتي لك ان تبداء تدور في النت وتسجل معلومات كل سكن تشوفه مناسب .. واول ما توصل الى المدينة المتوجه لها تزور كل سكن وتتأكد من مستوى الشقة.

راعي القرب للمعهد/ الجامعه .. وراعي مستوى الامان والنظافة لو تدفع زيادة.

تحياتي واتمنى لك التوفيق

أنت أخذ عنآوينهم وآخذ فندق وزورهم وشوفهمم
ومثل مَ قآل آلآخ آهم شي آلآمإن - آلقرب للمعهد _ آلجآمعةة

شكراً لكم طيب وش اهم الشغلات اللي اخذها معي .. هل لازم حركة الظروف المسكرة المختومة حقت التوصيات مدري اوراق الجامعة < اذكر في معلومة زي كذا قرأتها من زمان ..

ولا وش المهم حالياً .. بحثت بالمنتدى ولقيت مواضيع تلخبط .. ناس قاعد ياخذون كل شي ! ..

انا ابي الشغلات المهمة بس .. بجيب الابتوب وشنطة فيها ملابس والاوراق حقت الايتونتي والجواز وقبول المعهد بس .. هذا اللي حاطه ببالي .. عندي حساب بالبنك العربي .. هل بطاقة الصراف حقت الشبكة السعودية لو سحبت منها هناك ماراح اخسر على كل سحب كثير ولا وش الطريقة الطبيعية اللي اسحب فيها لين ماافتح ببنك .. ووش البنك اللي افتح فيه بشيكاغو ..

هل لازم اخذ توصيات ووثيقة والخ .. خاصة ان لسه انا بفترة المعهد بكون ..

اذا في خطوات ضرورية اتمنى تفيدونا فيها لان كل اللي براسي اشيل كم غرض واسافر .. شكراً جداً.

............
...................الجامعات

اكتب في قوقل عن أهم الأشياء اللي آخذها معي قبل السفر للبعثة وراح تحصل ستين ألف مووضوع ,, بالتوفيق

الله يجزاكم خير على هالتعاون الطيب ..

اخوي سقراط العرب .. ذكرتني بنفسي وشغلات كثير .. خاصة مسألة حفظ بعض المواضيع المهمة بالمفضلة .. حالتي تشابه حالتك لكن مشكلتي الاساسية اني تجيني هفات .. وقت تلقاني اطيح بالشي
واجلس ادور ومتحمس وبعدها يخمل الحماس وبعدها بكم يوم يرجع .. انا معهدي بـ 15 مايو اختبار تحديد المستوى .. اتصور اني بحجز على 11 مايو فندق لمدّة اسبوعين عشان مااحشر نفسي بمسألة
تدوير الشقة .. ادور على راحتي شوي وحتى لو لقيت شقة .. يصير اقدر اجهز فيها وارجع انام بالفندق .. حركتي سليمة ياشباب ؟

حالياً بجلس اشتري شغلات ناقصة عندي .. شنطة سفر جديدة ملونة .. ملابس للبيت ترينقات .. اوراق الاي تونتي وهالشغلات جاهزة عندي .. كذا امور تمام صح ؟ ..

مافي فحص طبي وكذا لازم اسويه قبل مااروحلهم ؟ ..

لو ان في شي غير الابتوب والملابس والاوراق الرسمية مهم ياليت احد يفيدنا فيه ..

اخوي سقراط بالنسبه للهوم ستاي فـ احس نفسي مااميل لهالفكرة .. مدري يمكن ترجع للشخصية .. مااحس اني برتاح لفكرة ان هم يحطون لي سرير واكل وحمام وكذا ..
احب شوي خصوصية وهالشي مخليني اميل للشقة ..

وتصحيح لمعلوماتك بالنسبه للفيزا مالها مدة صلاحية .. المقصود باربع شهور هو موعد تقديمك لطلب الفيزا يكون قبل موعد دراستك بثلاث الى اربع شهور لان احياناً تاخذ وقت اطول .. ولا يسمح لك دخول امريكا الا قبل شهر واحد من تاريخ بداية دراستك المذكور بالاي تونتي ..

مدّة التاشيرة خمس سنين .. اهم شي تركز عليه تطابق رقم السيفيس بالاي تونتي مع رقمه بالجواز فقط.

أسبوعين في فندق كثيره جداً!

طيب وش افضل ترتيب تشوفه اخوي ؟.

سقراط العرب غريب اختيارك ولاية ميتشيقن
سقراط نصيحه من شخص ما تعرفه ويمكن انا اتكلم عن تجربه شخصية لي و لعشرين واحد من خوياي
لاكن
هذي الولاية قبيحه بمعنى الكلمه و لما فيها من فساد اشبه بما اسميه فساد اداري
و الشعب مثل ياخي توصيفها قبيح و ما ابي اطول في الوصف
إذا تقدر تغير غير و بالتوفيق و مثل ما قلت يمكن تجربه لي شخصيه
لاكن إذا سمعت اطلاق نار لا تستغرب
تكسير بيبان لا تستغرب
انت في متشيقن وخصوصا في Dertoit