إصدار قرار الأبتعاث + إيميلات الوزاره !

مرحبا ماعندي علم باسباب الرفض لكن حبيت اترجم لك بس السطر الاول يعني هذا هو اعلان حالة تسليم يرسل تلقائيا والسطر الثاني يعني فشل التسليم للمستلمين يقصد الايميل فممكن الايميل فيه غلط او ماله علاقه باصدار القرار او غيرت الوزارة ايميلاتها الله يعينك ويسر لك دربك وبالتووووفيق

هذا الرد مو من الوزاره، من نفس الايميل.
يعني فيه غلط في الايميل الي كتبته، يمكن ناقله غلط.

حاول ترسل لاحد ثاني في الوزاره.

لاااا أنا متأكده من الأيميل أخذته من موقع الوزاره الرسمي ، وفيه أيميل ثاني لهيفاء العنقري أرسلت عليه ونفس الرد :"(

المرفقات مافيها مشكله لأني أرسلت القرار على أيميل أخوي ووصله تمام

السلام عليكم
انا صارت معايا نفس المشكله ولمدة 3 ايام ارسل متطلبات قرار الابتعاث وترجعلي الرسالة بالرفض وجربت كل ايميلات الوزارة الي لها علاقة بوكالة الابتعاث والي مالها , والحمد لله في اليوم الرابع اترسلت على ايميل الاستاذه الهنوف السلامة .... الايميلات صح بس انتي اصبري شوية وحاولي ترسلي الايميل اكتر من مرة في اليوم وفي فترات مختلفه الين ما يترسل هو ممكن يكون في عندهم خلل في الشبكة او ضغط

اطلبي من أ.غادة العقيل ..افضل
واذا عندك محرم ينقز للرياض بيوم يخلصه ويخلص امر الاركاب باذن الله

اسفه على المداخله. بس وشو امر الاركاب؟ انا طلعت قرار الابتعاث وكنت اليوم بطلع لخطوط الطيار احجز. هل فيه شي ثاني غير قرار الابتعاث لازم اطلعه قبل ما احجز؟

ايه نعم فيه شي اسمه امر اركاب
عموما في حالات مايعطونهم ورقه امر اركاب بس يحولونهم ع الطيار على طول مثل حالتي .. خذي القرار وروحي لهم ..اذا الطيار قال شي والا شي قوليله انهم حولوك دايركت ..اسمك واسم مرافقك بيكون موجود في السستم عندهم ان شالله.. اذا مره تكلموا راسلي مسؤوله اوامر الاركاب " الداوود" الامر بسيط مره ..

الحمدلله وصلني القرار والمشكله طلعت بأحجام المرفقات وصغرتها وضبط الوضع
شكراً لكم ♥ =)

مرحبا أختي ..
ممكن تعطيني إيميل المسؤوله عن إصداد القرار ..ماحصلته في موقعهم ..
وشكراً لك ..
موفقه .