طبيعي احجز رحلة شيكاغو قبل بعشر ايام ولا تاخرت يعتبر ? طمنوني ع وضعي

حصلت خيارات افضل بمواقع غير الطيار .. ينفع كذا ولا لازم من موقعهم ?

ملزم الطيار يدبر لك حجز

رح لهم وهم بيدبرونك

شوف لو قبل الرحلة بيوم هم ملزومين يسفرونك يا ذيبان ..

لكن عموما تراك دخلت بالخط الأحمر حاليا يعني استعجل اليوم روح للطيار وخلص ليه التأخير ؟

أنا اليوم بروح أحجز وأنا باقي لي 20 يوم على الرحلة ..

كل عام وانتم بخير طبيعي انه كلما تأخرت في حجز الطيران يكون السعر أعلي

شكراً ياحلوين ..

الحمد لله حجزت قبل كذا يوم .. الآن قاعد ادور فندق قريب للمعهد .. وبجهز شنطتي .. هل في شئء ضروري اسويه الآن ..

اللي باخذه معي .. شنطة .. الاي تونتي .. جوازي .. لابتوبي .. قبول المعهد .. الضمان .. وهالاوراق ..

من ناحية الفلوس "الى ماافتح حساب ببنك هناك".. هل اسوي كرت فيزا ؟ لان اللي اعرفه لو استخدمت كرتي العادي "الشبكة السعودية" راح اخسر كثير بكل سحبة ..

فهل فكرة ان يكون معي بطاقة فيزا فكرة جيّدة ؟ .. او اخذ وحدة من بطاقات اهلي "الفيزا" عشان التسديد هنا وكذا..

هل افتح ملف مبتعث من الآن .. ؟ ولا هناك ..

هل اروح الجامعة اللي تخرجت منها احط التوصيات والسجل الاكاديمي والوثيقة بظروف متعددة ولا مايحتاج هالحركة ..

بشكل عام ودي اعرف وش الخطوات الاساسية اللي اسويها اللحين ..

كل اللي سويته ان عندي قبول المعهد .. وعندي تذكرة السفر .. ابي كل اللي احتاجه الآن ..

الله يجزاكم كل خير على هالاخلاق الطيبة.