اسئلة هامة لكل من حضر ملتقى هذا اليوم.! اتمنى الرد وخصوصا البنوتات

صباح الخير بنات ..
احس من الردود للي حضروا انو فترتهم كانت الاولى عشان كذا انحاسو بالتنظيم ..
بالنسبه لي كانت فترتي المساء الفتره الثانيه .. التنظيم كان كويس ابدا مو زحمه وماانتظرنا يعني دخلنا وعلى طول وجهونا للقاعات جلسنا اول شي كانت محاضره للدكتوره ماجد الحربي تكلم فيها عن الاجراءات وبنظري هو اكثر دكتور كلامه سلسل ومختصر يعني يعطي المعلومه مباشره وبعد ماخلص عطى فرصه للبنات والشباب للاسئله دور بنات ودور شباب نفس ماقالت مس دوين .. وبعدين تتالت المحاضرات نفس المحاضرات اللي قالتها الاخت مس دوين .. وكان فيه بريك مدته عشرين دقيقه بدأ من الساعه 7 وثلث .. وخلال البريك عادي تسالين مشرفات او المستشاره بالنسبه لي المشرفات كانو حبوبات ومتعاونات بس مو فاهمين شغلهم ومو عارفين اغلب المعلومات فيه مستشاره وحده وعليها ضغط وكمان يعني بالاسئله الكبيره تقول مااعرف استنوا نسال الدكتور ماجد ... ورجعنا بعدها للقاعه واستمر الوضع على المحاضرات والاسئله نفس ماقالت مس دوين .. وبالخروج كان منظم ومافي حوسه نهائي وحتى تسجيل الدخول والخروج بفترة المساء ابدا مافي حوسه كان جاهز الجهاز مضبوط ..
يعني اغلب اللي صار معانا نفس اللي صار مع مس دوين .. الا انو كان التنظيم جيد بحكم اننا الفترة المسائيه ..
اي وبالنسبه يابنات عن كندا وايرلندا انا امس ملتقى امريكا يعني ماتكلمو اي شي خاص بكندا او ايرلندا ..بس مافيه فرق بين الملتقيات بالدول الا بقوانين الدوله وانظمتها وانظمة معاهدها وجامعتها ..
بالنسبه لللي يسألون عن قبولهم بشهر سبعه هو ماقال مافي اصدار قرار ابتعاث بعد اربع شهور هو قال لو المعهد متكدس احنا مالنا دخل فالافضل تروحون خلال الاربع شهور الاولى وبعدها اذا تاخرتو في القبول عن الاربع الاشهر الاولى راح ننظر في الموضوع ونصدر القرار بناءاَ على سبب التاخير يعني يحفز انو ندرس بدري وانو اجراءاتهم اللي يسافرون بدري اسهل من اللي يتاخرون وانو بامكانهم اللي وفرو قبولهم وخلصو الفيزا يسافرون اول ماتخلص الملتقيات ويصدر لهم قرار الابتعاث .. بعد قال شغله مهمه عن تغيير المدينه بسبب انو بعض الطلاب يختار معهد ممتاز في مدينه مافيها تخصصه او شروط القبول صعب وبعدين بعد اللغه يتوهق ويصير ينقل لمدينه ثانيه وهذا شي مو سهل ..اي وبعد قال انو مهم جدا نحضر الملتقيات كامله يعني اللي ثلاث ايام يحضرونها كامله لانو راح يسجل حضورهم وخروجهم وعلى اساسه راح يصدر لهم القرار .. اي وتغير بلد الابتعاث مو سهل نهائي يعني لو تبين من امريكا مثلا لايرلندا مايوافقون الا بسبب واحد محرمك هناك غيره مستحيل .. والضمان قال بيرسلونه بالكثير بعد يومين يعني استنو اليوم او بكره ..
الملتقى كان مفيد في النقاط الاساسيه اللي كانت محيرتنا وفي كيف الاجراءات وكيف فتح ملف طالب حتى لو كانت اسئله مكرره تطلع معلومه جديده تستفيدين منها .. ان شاء الله الايام الباقيه تكون بعد فائدته اقوى واكبر ..
اممم مدري ايش اقول بعد يعني طارت كل المعلومات اللي عرفتها وكنت بقولها لكم .. انتو اسالو اذا تبون تعرفون حاجه واحنا بنقول لكم اللي هم قالوه لنا وعرفناه واذا مانعرف بنسالهم اليوم ان شاء الله لكم ..

الله يعين الجميع ويقدم اللي فيه الخير ويجعلها تساهيل ياارب

من حضر الملتقيات .. هل تحدثوا عن آلية التحويل من دولة لأخرى !!!
: (

الله يوفق الجميع

تكفون ما احد غير لامريكا

يعطيكم العافية وما قصرتوا

وياليت ما تتشائمون بإذن الله الامور تتيسر

أختي من فين جبتي هـ الكلام ؟؟
متأكده من هـ الكلام؟؟

معقوله محد يقدر يغير الدوله الا اذا كانت بنت ومحرمها في الدوله الا تبغى تحول عليها؟
طيب الا وضعها مثلي اهلها مو موافقين الا على الدوله الا تبغى تحول عليها
واذا ماحولت تضطر تلغي البعثه؟
يقولو لها ما نحول لك الغي البعثه ؟؟؟

لازم يكون في حالات يسمحون فيها بالتغيير , خاصة إذا تترتب عليها إلغاء البعثة
مثل وضعي محرمي عنده مشكلة في فيزا أمريكا من سنين ولا راح يسمحون لي أطلع لوحدي مافي حل غير التحويل
الله ييسرها لنا

يعطيك العافيه اختي .. كلامك جدا مفيد

والله من كثر ماابغى اغير الدولة ، وصل فيني اليأس أني أقول ل زوجي اسبقني ف استراليا أو ايرلندا أو اي هوى وأنا أخلص أمور البعثه وألحقك .. تباً لهم
مع أن كل اللي يبي يغير لهم الأحقيه لأنهم وضعوا في دول ماكانت من أختيارهم أساساً ..