"""جدوى قرار ايقاف الابتعاث لخريجي الثانوي"""

ياخي انت لسا عايش لاكن شي طيب برضو خلينا نرد ابغى ردودي توصل لمليون هههههههههههههه
اول شي يا حبيبي المتخلفين هما الي يرمو نفسهم في البحر مو انا ثاني شي لا تنكر انو الوزارة ظالمة في شروطها وتخصصاتها وحتى وقت الاعلان عن الاسماء مافي وقت محدد !!!!!!!!!!!!!!!!!!!!!! والله يشيخ غباء على تخلف الله يعيننا بس

أنا ضد ابتعاث البكالوريس لأسباب (( ليس حسداً كما يظن بعض الأخوان فالحمد لله أنا ما أحسد أحد لا غني و لافقير ))

أولاً / الغربة , غربة الدين و غربة الوطن كثير من الشباب عندما يغترب ما أقول في بلاد الكفر بل عندنا في السعودية يتعب نفسياً وثم يمكن يطيح بشباب فاسدين فلا حسيب و لا رقيب أنا أتكلم عن أناس رأيتهم بأم عيني لأنني درست خمس سنوات و أنا مغترب فياشباب غربة الدين صعبة جداً على إنسان كان عند أهله فجأة بين ناس منحلة أخلاقياً و فكرياً مع أني أشوف الفكرية أشد من الأخلاقية

ثانياً / الطالب في هذه المرحلة في مرحلة نمو خطيرة جداً خاصة الفكرية ويا حبيبي أنت ما تروح لناس أغبياء تروح لناس أذكياء يعرفون من أين تؤكل الكتف يا شباب و الله عندما كنت أدرس في المراحل الأخيرة من دراستي يجون عندنا شباب صغار جداً من جميع أنحاء المملكة يعني لو واحد خبيث استطاع يدمر عقله بسهولة و هذا حدث و أنا رأيتهم .

ثالثاً / الجامعات الآن كثيرة في السعودية مصادر التعلم كثيرة أنا أقول فعلاً الجامعات عندنا ليست بالقوة المرادة لكن أفضل من أعرض شباب لمخاطر كل خطورة تبيلها كتاب كامل يعني اصبر في السعودية بكالوريس و اجتهد في ذلك .

رابعاً / لا تعتقد أن الدراسة في الخارج متوقفة على البعثات هذه اعطيك مثال لو أنت مجتهد و معدلك عالي لك فرص تكون معيد في الجامعة و الجامعات الآن في السعودية كثيرة يعني يبيلها فترة حتى تكتفي الشركات تبعثك دورات تدريبية في مجال العمل مو شرط تكمل ماجستير هذه الدورات تجعلك محترف في عملك القطاعات العسكرية تبعث كذلك و بكل التخصصات وهي فرصة كذلك الذي عنده مال يستطيع التكملة في الخارج طبعاً أقصد ماستر فالفرص كثيرة جداً لا تحصر هذه الفرص ببعثات خادم الحرمين الشريفين


أخيراً أقول للشباب و الله إني لكم ناصح و عليكم مشفق
طيب يمكن واحد يقول ليه ما تعلم نفسك ثم تجي تنصح ؟! أقول ترى أنا قبل خمس سنوات كانت الدفعة الأولى للبعثات يعني استطيع أدخل بدون واسطات و الحمد لله نسبتي تأهلني لكن استخرت ربي ورحت لعميد الكلية لأني كنت أثق فيه وسألته وقلت له السالفة كذا اطلع وإلا لا طبعاً قبل هذا أنا و الحمد لله اسمع النصيحة و لا احتقر أي واحد مهما كان مكانه قال يا ولدي لا تطلع و كمل بكالوريس عندنا ثم كمل ماستر في الخارج طلعت و أنا عندي رصيد من المعلومات رحت لمدير شؤون الطلاب ابي استشيره في ذلك قال لا تطلع و كمل هنا بكالوريس أنا ما ركبت راسي وقلت لا ابي اروح أخاف تروح علي البعثة ورحت اكتب في المنتديات و أسب و أشتم و احتقر الناس اللي تبي لي النصيحة توكلت على الله و استخرت ربي و جت البعثة الثانية ولا طلعت و الثالثة و الرابعة كذلك حتى جت الخامسة و قدمت عليها و أنا مقتنع و الحمد لله تفكيري تغير طبيعة نظرتي للحياة تغيرت أشياء كثيرة تغيرت في حياتي لماذا لأني سمعت رأي ناس طلعت و كملت في أمريكا


أقول ما أصبت فمن الله وحده و ما أخطأت فمن نفسي و الشيطان

أخيرأ أقول اللي يسب ويشتم و يتكلم كلام بايخ لا ينتظر مني رد و كما قيل القافلة تسير و الكلاب تنبح

الفيتو


مرورك وتعليقك ما زاد الموضوع إلاا رفعة وتشريفااا


لقد اضفت الى ذهني امورا غابت عني وهذا بالضبط هو مقصودي من الطرح

تنقيح الأفكار وسماع وجهات النظر المنطقية

لا الطعن بالذات وتبادل الاتهامات


فلك كل تحية وتقدير

ووفقك الله لما فيه خير وحقق لك ما تريد

وكل عام وانت بخير

s.3.d قلتها وطلتها والله بارك الله فيك وانا ضد ابتعاث الفتيات وان كان معاها محرم المحرم مايروح معاها الجامعه مجرد تسكيته لابكالوريوس ولا ماستر انا امشي وضعي لوطحت في وسط مجرمين ولا عصابه ولا اي شي كان بس البنت ياحسرتي حتروح فيها فانا افضل انكم تغيروا الموضوع الى جدوى ايقاف الابتعاث للبنات لا تقولوا متربيين وماعلينا قصورالهرجه موفي التربيه كلنا متربيييين الكلام في الشيئ الغالي الثمين الي الفتاة تحافظ عليه صدقوني وادا انسلب منها سواءا باعتداء او باي صوره اخرى لاوزارة ولا حكومه ولا شي راح يردلها حقها فكر ياصاحب الموضوع وصدقني انا شفت اعتداء على بنت في اوربا بنت من جلدتهم والحكومه ولا سوت شي فما بالك ببناتنا العفيفات الضعيفات انتهى كلامي

الا البنت هي اللي شرفتنا بررا مثلها
مثل الولد
ولا واحسن في بعض الاحياااان ....بلاش تخلف للوراء
وتفكير الجاهلية
يا ناااس والله ما في فرق بين البنت والولد كلهم واحد ....

تشكر أخوي على الموضوع ..

لكن رأيي أن قرار إيقاف الابتعاث لطلاب البكالريوس ظلم ..

والله الزين زين والشين شين .. وكلن عارف مصلحته .. وكلن يمشي على تربيته ..

كلامك في من الصحه نوعا ما .. لكن لكل طالب حق في الابتعاث

اي من كان .. بكالريوس .. ماستر .. دكتوراه .. والعلم مايعرف عمر ’’

وأصلا على الرغم من أن مجال الابتعاث أنفتح 5 سنوات .. الا أن كثير أنظلمو ..

أجل 99 ما يعطونها أبتعاث ..

طيب مو مشكله لا يعطونا أبتعاث .. بس ليييييييييييييييييه ولا جامعه هنا أقبلتها ؟!

بس ما اقول الا الحمدلله على كل حال .. والله يرفجها علينا جميعــاً ’’


=)

مشكووور على المرور ولك أجمل تحية واتمنى لك التوفيق

عموما البنت السعودية ما يعلى عليها بس للاسف هينا في بريطانيا تغيرت نظرتي عن بعضهن وللاسف ( بعضهن ) يخربن على البقية


ابعطيك مثال ( عندنا في الجامعة في بريطانيا بنت تدرس الماستر منقبة ...ولكن اتت بما لم تاتي به .......منيب قايل...! اخيرا علقت لها بوي فريند لبناني او شامي!!....( منقبه وبوي فريند ) ابهضمها عجزت...
هذي من وين تبي محرم معه؟
الا تبي الوناسة وسعة الصدر ومن تشوف سعودية تخاف من الفضيحة

اول شي احب اقووووول
الحمد لله الحمد لله الحمد لله انك ياصاحب الموضوع مالك اي سلطه بوزارة التعليم العالي
ولا لك اي سلطه بالسفارهـ ولا لك اي سلطه بالحكومه
الـــحـــمـــد لــلـــه ...

ياخي ما اعرف هو حسد او نذاله او ايش والله مدري كيف تفكر

يعني انا مثلا ابغى ادرس هندسه والجامعه اللي انت فرحان فيها ما قبلتني هندسه ونسبتي 92 %
يعني الا تبغاني بالغصب ادرس فيزياء ولا احياء
يا أخي بطلوو حسد
قسم بالله ما دمرنا الا الحسد اعووووذ بالله منه

ثاني شي تقولي من اسبابك التافهه ان طلاب الثانوي مب ناضجين
بالله هذا مقياس يا أخي في ناس بالثانوي احسن بمليون مرهـ من حقين الماستر
يعني تبي تقنعني ان اللي رايحين يدرسون ماستر كلهم عاقلين وكلهم ناضجين ورايحين من الجامعه للسكن .....!!! (لو اقنعتني براجع موضوع سفرتي)

وفيه واحد هنا مسوي نفسه مستشار بوزارة التعليم العالي يقول اتمنى يشوفون موضوع بعثات البنات
ياخي انت مسوي نفسك وتقعد تقول اتمنى يراجعونها على اي اساس ...!!
ياخي بطل حسد يعني انت تبغى تروح تدرس وتاخذ الشهاده وتقول لا البنت ماتدرس البنت تقعد ببيته ياخي الله يعين اهلك عليك
فيه بعض البنات احسن منك ورايحين وناويين مايجون الا والشهاده معهم
ولا خلاص امنع اي بنت تسافر برا المملكه خلاص انت رح واستانس وتمشى وخل البنت تقعد بالسعوديه (والله ما فيه احد من اقربائي مسافرهـ تدرس)
بس والله من القهر كلامكم يخلي الواحد ينقهر

بـــس أقــــول الـلـه يـعـيــنـــكـــم عــلـــى انــــفــــســــكـــم