للأسف الشديد, تفضل إقرأ....!!

اخي الحبيب يؤسفني انك موجود في السعوديه وانت بهذه المعدلات الرائعه لتمنى لو كنت مولود في غير السعوديه لكان حضك اوفر وقدروا علمك وطموحك

تحياتي

الله يوفقك ..

وترى انت ان شاء الله راح تعرف تشق طريقك بنفسك من دون الابتعاث ..

لانه في كثير من الناجحين الي نجحوا في حياتهم ونفعوا وطنهم من دون ابتعاث ..

واكثر ما عجبني في موضوعك .. ايمانك العالي بالقضاء والقدر ..

بالنسبة للاخوان الي يتهمون الدولة .. وانه انت عايش بالسعودية ومن هالكلام ..

اقول :

تحمد الله وبوس ايديك وجه وظهر وبلاش من الكلام الي ما تكسب منه الا سيئات ..

وطنك بذل ويبذل وسيبذل الكثير ..

اذا كان في حالة او اثنين خطا .. ماهو معناته البلد كله غلط ..

صدقني انا من الناس الي ما ودي احد ينرفض في الابتعاث .. وفي نفس الوقت انبذ التهجم على الدولة افرادها ..

ان شاء الله راح تتوفق بإذن الله .. لانه ايمانك بربك الي ما يهمل احد ..

بالتوفيق

ممكن ينزلوا اعتراض زي العام

روح وانشب في حلقهم في الرياض
واتضارب معاهم ما شا الله نسبتك عالية وراح يقبلوك بالراحة

روح ووريهم شغلهم وصدقني ممكن تلاقي عندهم حل يفيدك

والله يوفقك ويكتبلك اللي فيه الخير

كم سلطان بيننا .. وإن تغيرت التفاصيل ..

حكايتي كحكايتك .. معدل 4.76 من 5 .. امتياز مع مرتبة الشرف الأولى .. وكل ذلك من فضل رب العالمين ..

قمت على بعثات في مؤسسة سلطان .. وطلع لي قبول على الاحتياط ..

قدمت ماستر في جامعة الملك سعود .. وما طلع لي قبول ..

والآن أقدم على بعثة .. وتنطبق علي جميع الشروط .. لكن ليس لدي محرم !!

الوالد متوفي الله يرحمه ..

وليس لدي غير أخ يبلغ من العمر 17 سنة ..

وغير مقبول به كمحرم لأنه لم يصل لسن 18 ..

قمة المهزلة حقيقة ..!!!

متــــــــــــاخر يا جماعة ...يعني اصغر
طيب هذا المفروووض هو اللي يروووح قبل اي واحد
عموما انشبلهم واوعدك انك بتروح اذا رحت الوزارة

نفس الوضع لكن أنا مقدمة على دكتوراة تخصص علمي نادر وشرطهم اللي ماانطبق هو العمر

خلي اعتمادك على الله وراح يرزقك اللي فيه خير

حسبي الله ونعم الوكيل

الأخ سلطان .. والكثيرون غيرة

لا أحد يعلم إين كتب له الرزق او السعاده

وقل دائما بلسانك وصدقها في قلبك ( الخيرة فيما أختاره الله )

ولا تقدم على أمر بدون أن تصلي صلاة الإستخاره وتؤمن بما كتبة الله لك

أتمنى لكم الرضا من الله والسعاده فيما أختارة .

ماشاء الله

لكن حبيبي ترى الكمبيوتر يرفض تلقائي

لا تتوقع اذا واحد شافو معدلو ممتاز راح يتغاضو عن شرط ثاني

يعني مجرد ان العمر مو مطابق للشروط الاسم صارمستبعد

واي شخص مجرد فرق نص درجة عن شرط من الشروط راح يكون مستبعد اعتقد

الشغلة كمبيوتر

يعني لو معدلك 100% قدرات وثانويةالا التحصيلي 76 ما اعتقد تنقبل في القبول المبدئي ...

الله يوفقك ...