حبيبتي صدى الغربة ليش مو "كل" المواطنين مسؤولين في الوزارات ويتخذو قرارات تغير من المجتمع؟ لأن مو أي مواطن راح يقدر يكون قد المسؤولية ,
القرار الي راح يأثر على جيل كامل هذا ما يكون بيدك معليش هذا بيد انسان ليه قدرة و نظرة مستقبلية و استراتيجية لتأثير اي قرار على كل المستهدفين فيه
قرارك الشخصي هذا يكون قرار شي لك لحالك في بيتك الخاص تسويه , لو انتي طالعه على حسابك الشخصي روحي على حسابك عادي واخربي وسوي الي تبغيه بس على حساب الحكومة وهي المسؤولة عن قرارك لا معليش ماينفع هنا لازم يكون قرار الوزارة المتحكمه , لأن زي ماهي مطلعتنا لو حصل مثلا مشكلة مرة كبيرة مثلا لجميع المبتعثين على افتراض ان الوزارة ماتعرف تتصرف و ضيعت المبتعثين كلهم ,هنا الكل راح "يلوم الوزارة" فـ دي مسؤؤؤؤؤؤؤؤلية مو سبهلله عشان تكون قرارك الشخصي
لو الوزارة اول ما بدأت برنامج الابتعاث ماكانت تعتقد ان خريجي الثانوية قد الابتعاث ماكان حصل من الاساس وابتعثتهم , بس كانت مقتنعه ان خريج الثانوية يقدر والحين الوزارة لاحظت ان هذا الشي طلع ليه آثار سلبية وممكن يكون موصحيح وخريج الثانوية ما يقدر زي ماكان المفروض والظاهر انه مايقدر حسب النتايج الفعلية الي وصلتلها, فـ لمن تتأكد الوزارة ان قرار ابتعاثهم خاطئ اكيد وقتها راح تتخذ القرار اللازم و توقف ابتعاثهم للمراحل الي بعدها عشان لا تكرر الخطأ, اما لو ما تأكدلها دا الموضوع باثباتات ماديه واضحه مو مجرد شكوك او افتراضات ماراح توقفه , بس انا شخصيا اتوقع الايقاف بما انها حصرته للطب حالياً يعني وقفت التخصصات الثانية كلها يعني بدأت جدياً في التنفيذ , واتوقع سبب عدم ايقافها للطب كمان ان دراسته تعتمد على بعض ال6 سنين الي راح يدرسها هنا ترتبط بللي راح يكمله برا, مو يطلع برا يبدأ من جديد مو زينا الماستر مو شرط يعتمد على البكالوريوس بدليل اننا ممكن نختار تخصص مختلف عن تخصص البكالوريوس يعني لا ضاعت ال4 سنين ولا شي , ممكن تخصصي يكون ادارة و اطلع برا ادرس تأمين مع ان ماعندي فكرة عنه بس يعتبر تخصص نظري وتعتبره الوازرة امتداد للتخصص , يعني عموما اقصد ان الطب غيير وكان استثناء وبرضو الاستثناء هذا قاعدين يعيدو النظر فيه ويمكن يوقفوه بدليل الاستفتاء الحالي في موقعهم,
وبعدين بالنسبة لانك ماراح تحطي نفسك مكان ام مبتعث , ليش؟ لازم تعرفي موقف كل الاطراف هذا اولاً
ثانياً اي ام راح تقلق على ولدها وتخاف عليه حتى لو واثقة فيه 100% محد قلك حطي نفسك مكان ام مشككه في ولدها , الام تخاف حتى لو ولدها خارج من بيته وراجع بعد كم ساعه تقوله لا تسوق بسرعه, مانتكلم عن التربية هنا نتكلم عن الاحساس زي ماانتي قاعده تقولي تحبي الخير للي زيك طيب حبي الخير لأمه كمان , مايروح ولدها الا وهيا متأكده انه قدها , لمن تعرف انه وصل لمرحلة نضج ماراح تخاف عليه للدرجه نفسها لمن تخليه يروح وهوا لسا فراسه مراهقه وطيش ومافي تحمل للمسؤولية ولامعتمد على نفسه في اغلب الاشياء ,انتي هنا ماحبيتي الخير لأمه ولا فكرتي اش هيا حاسه ولا همك اصلا , تقولي ليه تبعثه اصلا ! , هذا مو نفاق؟ تحبي الخير لناس وناس لأ ؟! , لازم لمن تتخذي قرار تكوني مطبقته في كل الاحوال مو في حال و حال لأ هذا كلام فاضي
وبالنسبة لنبي الله يوسف , انتي قلتيلها هذا نبي !!! "نبي" , تقارنينا بالنبي لمن قدامه المغريات و تركها؟ !! لو احنا زيه او ربعه حتى ماكان في اي مشكلة في اي شي وحياتنا زي العسل ,
و القضاء و القدر , اش دخله الحين؟
ترا ربي ماقال ارضو بالقضاء و القدر وخلاص سوو أي شي, برضو لازم نعمل بالاسباب , مااروح اسوي الغلط واقول معليش دا في القضاء و القدر مكتوب اني لازم حسوي دي الاشياء , طيب ليش ما احاول امنع نفسي منها واذا حصل شي غصب عني بعد مااتخذت كل الاسباب وقتها اقول هذا مقدر و مكتوب , مو اقعد مكتفة اليدين و اقول قضاء و قدر , اعملو بالاسبااااااااااااااب واذا كنا نعرف ان البعثة للي عمره 17 سنة فيها شر عليه ليش نخليه يسافر و نرجع نقول معليش هذا قدره انه يصير كذا
و انتبهي في اشياء تغير القدر زي الدعاء
عموماً انا في اول رد لي قلت اني مااعرف اذا القرار بالمنع او عدمه من رأيي الشخصي مااعرف اذا صح او لأ , بس قاعده ارد على كلامك يا صدى لأنه لو مارديت راح تحسبي ان كلامك صح وانا والله مافيا ارد على شي حتى ليا فترة ماشاركت في المنتدى والنقاشات الي زي دي مالها نهاية مااحب ادخل فيها لأن ماراح نوصل لنتيجة
عموما ... إلى لقاء
!
class g!rl September 28th, 2009, 01:28 AM
7 " 
LinkBack URL
About LinkBacks
الله يحفظ كل مبتعث ، ويرزقه حسن التصرف
ويحقق له الخير