مساعدة .. فضلاً لا أمراً !

والله ماعندي اي خلفيه عن اسئلتك بس حبيت ارفعلك الموضوع..
ونصيحتي لك انك تتصل بالوزاره او تروح لهم شخصيا وتستفسر عن حالتك وان شالله مايصير الا كل خير خصوصا وانه كان عندك ظروف..اهم شي يكون عندك كل الأوراق اللي تثبت حالتك الصحيه واكيد ان شالله بيراعون الموضوع وتكون ضمن المبتعثين هالسنه..
لأن ماحد عنده الأجوبه الأكيده واللي ممكن تثق بصحتها الا لو كان مر بنفس ظروفك.. فحاول تستغل الوقت وتخلص امورك بسرعه عن طريق الوزاره..
الله يتمم عليك الصحه والعافيه وماتشوف مكروه يارب ويرزقك البعثه ويسهلك كل امورك يا اكرم الأكرمين

مشكورة أختي على الرد .. طمنتيني شوية
يعني هل في أمل لو أراجع معهم .؟ .. لأن الابتعاث هو حلمي
المشكلة متابعة حالتي عن طريق الموقع لوزارة التعليم العالي يخبرني بأن رقم السجل المدني غير مسجل لديهم
و هذا الموضوع حبطني قليلاً ..
لكن إن شاء الله من الغد راح أتصل على الوزارة و إذا ما لقيت الرد إن شاء الله نتوجه للرياض و ربي يكتب لنا اللي فيه الخير

يا ليت لو أحد يقرأ الموضوع و عنده خبرة أو علم بحالتي لا يبخل علينا
:

خلي ثقتك بالله كبيره وانا متأمله ان شالله انك بتكون هالسنه باستراليا تدرس طب اذا ربي اراد..
بس اذا حطولك تعقيدات بخصوص البلد عادي غيرها لبلد ثاني اهم شي تحقق حلمك لأن استراليا هالسنه مو من ضمن الدول اللي مخصصينها للإبتعاث بس ان شالله انت وضعك غير لأنك من الدفعات السابقه بس قلتلك كذا عشان تحط هالاحتمال براسك..
واذا على سجلك المدني انك دخلته ومالقيته مسجل عندهم فأتوقع والله اعلم انهم مخصصينه لطلاب هذه الدفعه يعني للمرحله الخامسه فقط..بس اكيد لو رحتلهم بتلاقي بياناتك ممكن بـ ارشيف الدفعات السابقه..
واذا عاللغه اكيد ان شالله انك بترتاح كثير وبتقلص عليك سنوات الدراسه بره لو اخذت التوفل او غيره..لأنهم بيسولك اختبار مستوى ولو اجتزته بإذن الله بيلغون لك مرحلة اللغه وبتبدأ الدراسه على طول..
الله يوفقك يارب ويوفق جميع المسلمين والمسلمات ويجعلنا جميعا من المقبولين بالبعثه..يااااااارحم الأرحمين

انت كلمهم واشرح لهم ظروفك واذا عندك تقارير صحيه تقدر تطلعها لهم عشان يمشوا امورك

بالنسبه للغه اكيد لو اخذت اي اختبار تعفا من دراستها وعطول تبدي دراسه

اما معادله الساعات فهذا يعتمد على الجامعه نفسها راسلهم واسئلهم لان كل جامعه تختلف عن الثانيه بانظمتها

شكراً لكم إخواني على الرد و رفع المعنويات ..
و أتمنى بالفعل أن تكون البعثة لا زالت موجودة .!
بإذن الله من الغد راح أراجع معهم عن طريق الاتصال بالمكتب
و إذا لم أستطع الحصول على نتيجة سأباشر بالذهاب إلى الرياض
و ربي يكتب الخير للجميع و يوفقكم جميعاً و ينولكم مرادكم
قولوا آمين

الله يووووووووفقك....