متى تتوقع مطلع شهر الوزارة شارك لنعرف من منكم على صواب !!!

الله يكتلب الى فيه الخير ويسر لنا الامر , وطول بالكم هذا حال الدنيا .
ماقول غير يارب وفقنا جميع ونكون من المبتعثين , اتوقع تطلع يوم ماتطلع اهم شي تطلع .

استغفرك اللهم واتوب اليك , لاحول ولاقوة الا بالله العلي العظيم .

اتوقع السبت 5/11/1430هـ

لان زوج خالتي راح مبنى الوزارة وقالو له السبت

بس يا كثر ما يقولون مواعيد هالموظفين وما يصدقون

الله كريم


موفقين جميعا

هاهااااااااااااااي عجبتني
انا بابا طلع لي بالحلم قال ليي باجلوا البعثات 9 سنوااااات لووووووووول

السبت بالنسبة لي احتمال كبير

وبصراحة انا ابتعدت عن جو المنتديات اللي تتكلم عن الابتعاث

بس عشان انسى جو القلق والهم والغم

ما ادخل إلا بشكل بسيط غير اول كله متنقع في المنتدى


من رايي ان الواحد يشغل نفسه باللي عنده

اتوقع ما في احد عنده دراسة او شغل

يستغل الوقت يقرا كتب - يسافر ...الخ
يسوي اي شي مفيد عشان يروح الوقت بدون ما يحس

انا القبول النهائي ناسيه انا شايل هم الدورة ابي اعرف تفاصيلها لأن عندي ترتيبات ثانية لكن بسبب معلومات الدورة المجهولة متعطل

على أية حال

بنذكر هالأيام بعدين وكيف كنا وبنضحك على أنفسنا

موفقين جميعا

أنا شـبه لاآهية وناآسية الامر

مايجيني الهم والقلق الا مع دخولي المنتدى

والعتب مو على الوزارة

العتب عليكم والله العظيم .. يوم اللي كل من جا وحدد 15 شوال
واللي قآل بالعشرين واللي قال 15 اكتوبر ولاانتظرتوا قرار او خبر رسمي
نفس حكآآآآية التدقيق .. ومسرع ماا التارررررريخ عآآد نفسه
والله خليتوا صبرنا ينفذ غصب طيب

لو رحمتونا من الهرج الفآضي والمواعيد المزيفة بزعم إنكم [ تبشروّنا ]
وانتظرنا خبر أبو ( مطلع ) الشهر القادم

كان ماصار هذي حآلتنا

والله إنكم زدتوا الطين بّلة .. والسيل بلغ الزبى .. والكيل طفح .. منكم ياراآعين الاشاعات المآيعة

الله يعــــين بس .. أسأل الله لكم الهدآآية


ملآحظة / خذ نقاهة من المنتدى وراح تسلم أعصابك ونفسيتك و قولونك >> نصيحة مجرّب

والله يوفق لنصفق

سلآلآم عليكم

انا اليوم رحت الوزارة مع اخوي

ولكن للاسف هو اللي دخل قسم الرجال وقالوا له الاسبوع الجاي وادا مو الجاي يعني اللي بعده

بليز لا احد يتهجم انا نقلت لكم اللي صار والحال من بعضه

أشوف كثرت الإشاعات ................أحين الواحد يتوكل على الله والي يكتبه ربي في الخير أحسن من يضيع وقته .
كل واحد يقول متوكل بالكلام بس فعل ما فيه........

معليش اخوي
ابي اقول لك شي ولو ماعجبك الحكي اللي بقوله ياليت ماترد علي مثل ردك اللي قبل

اعتقد هنا اصغر مبتعث فينا عمره 17 او 18 سنة
يعني الرد اللي رديته عيب في حقك بالبداية و بعد عيب بحق الشخص اللي اقتبست رده
المنتدى هذا يكفل حرية الرأي بس بشكل معتدل مايخلينا نجرح غيرنا او نهينه
كنت ممكن تقول نفس الكلام اللي قلته بطريقة ثانية
اعتقد و اكاد اجزم انك انسان كبير و فاهم و عاقل بما فيه الكافية و لا ماكنت قدمت على الابتعاث من الاساس
احنا رايحين نمثل بلدنا بالخارج فـ اذا كانت هذي اخلاقنا و احنا مابعد سافرنا و بين بعضنا كيف بتكون بالخارج و مع الاجانب
التمس لك العذر لآن كلنا اعصابنا مشدودة و التأخير من الوزارة متعبنا كلنا
و بالفعل هو ماقال شي غلط اغلبنا الحين موقفين تقريباً كل امور حياتنا و اشغالنا عشان البعثة
يعني لو انت عندك دراسة او شغل فـ هذا مايعني ان كلنا عندنا دراسة او شغل


عموماً و للجميع ياليت اخلاقنا و ردودنا و افعالنا تكون اعلى و اسمى من كذا
و ياليت نتحلى بالصبر و لو القليل منه عشان نقدر نكمل المشوار اللي بديناه
ولا تنسى بالأخير قوله صلى الله عليه و سلم " ليس الشديد بالصرعة إنما الشديد الذي يملك نفسه عند الغضب "

ياليت تتقبل ردي بكل صدر رحب و اعتذر مقدماً عن اي خطأ غير مقصود بحقك
و اكرر اذا ماعجبك اللي قلته ياليت يكون اسلوبك مختلف عن ردك السابق

انا دائما احساسي يخيب لكن هالمره قلت يالله معكم
تصويتي كان
السبت 05-11-1430هــ 3255.17%
بالتوفيق للجميع