جئتكم من جهينة بالنبأ اليقين .. لكل سؤال جواب !

January 24th, 2007, 10:28 AM

السلام عليكم

انا وعدتكم اني بروح للوزارة اليوم واسأل اسالتكم

طبعا انا احصيت الاسئلة المهمة وفيه اسئلة ما جاوبني عليها الرجال ويقول الامور اللي مثل كذا لازم يحضر صاحبها حتى نشوف وش سالفته بالضبط .

ابي ابدأ معكم بالاسئلة اللي عطيتها اياه في ورقة وجاوب عليها واحد واحد :

1- الموعد اللي في الرسايل ؟

الموعد الاول واللي مكتوب في حالة الطلب على الموقع

2- صيغة خطاب الهدف ؟

كل طالب يكتب اللي عنده وما فيه صيغة معينه (بيني وبينكم انا سألت أكثر من واحد من الشباب في الخارج ، ولقيت انه الجامعات الامريكية هي اللي تطلب خطاب الهدف من الدراسة ولازم يكون مضبوط ومرتب حتى تضمن القبول ، اما الجامعات الاسترالية مو مهم فيها خطاب الهدف ويكفي انك تكتب اي شي بسيط)

3- بداية الدراسة ؟

مستحيل تبدأ الدراسة في فبراير 2007 لانه ما يمديهم يجيبون القبول ، فأقرب موعد للدراسة هو شهر يوليو 2007 .

4- هل الجامعات متاحة للتسجيل او لا ؟

الجامعات من اختيار الوزارة وليس لك حق انك تختار الجامعة ، يعني ان الوزارة بتوزع الطلاب على الجامعات وبخصوص استراليا فيه 32 جامعة .

5- اختيار مكان السكن ؟

انت بس تحدد نوع السكن اللي تبيه والوزارة هي تختار لك .

6- الفحص الطبي ؟

بعد ما يجيك القبول والمراكز بتوضح لكم بعدين ، يعني مو لازم تجيبه معاك .

7- العنوان في الابليكيشن في القسم الثالث ؟

يخص مقدم الطلب .

8- التخصص لابد من كتابته ؟

نعم

9- المرافقين وتعليمهم ؟

على الوزارة فهي تتكفل بتعليم المرافقين .

10- الموعد مع السفارة ؟

بعد القبول يتصلون عليك ويخبرونك اذا فيه مقابلة او لا .

11- اللي عنده قبول وش يسوي فيه ؟

يجيبه معاه لانه يمكن يقبلونه عندهم بدل ما انك تنتظر قبولهم .

12- كم يستغرق القبول ؟

يستغرق تقريبا 4 اسابيع .




هذا اللي قدرت اسأله عليه
اتمنى اكون افدتكم

وشكرا

• نشر عبر تويتر
• نشر عبر فيسبوك
• نشر عبر جوجل