[فجأه ! صيفــي و دراستي بلنــدن! ]

ارررحب .. يا ولد ..
سوري يا جماعه داري تحسبوني ساحب عليكم خخخ
لكن والله خلوها على الله .. انشغلت شويتين تعرفو العطاله ..
جيب عييش جيب طماطم .. طيب توني كنت في البقاله عادي روح وجيب تاني <--!!
ما علينا .. المهم يا جماعه نخش علييييه ..

حاب ابين كمان كم شغله للجميع ...
طبعا تعرفو احنا عندنا نظامنا كييف في الدراسه .. تلاقي واحد متحمس ويشارك ويسوي ويكتب وازعاج ..
وواحد تاني .. بس يحضر ويمشي .. ونهاية الترم تلاقو خوينا المتحمس جايب 85 .. والدايخ التاني جايب 95 ..
لانه ممكن نقول الدافور يومها ما نام كويس جاله معض <-- الله يقرفني عارف خخخ ..
وما ذاكر .. وممكن يكون الدايخ مذاكر .. او مبرشم وتحصل كتير .. وهكزا تستمر الحياه عندنا خخخ
لكن هناك رجال سوي كذا !! تسوي انك ساكت ومنكسف .. بتشوف جنط ومحد معبرك .. يعني الزبده
اشتغل = تأخد حقك !
واهم شي لازم تكون انسان مبادر يعني حاول انك تبادر في اي شي وتناقش ففعلاً شي يفيدك سواء نفسياً او علمياً انك تقدر توصل وجهة نظرك !!
وآخر نقطه واهم نقطه .. لا تسوي فارس الاسلام هناك والمنقذ لانك بتقابل ناس كثير يستفزوك بأمور كثيره ..
منها الكحول "مثلا يقولك شفت سعودي يشرب ليش انت ما تشرب" مثلا يقولك ليش ما تأكل خنزير .. مثلا يقولك الصيام ماله داعي!!ليش الرجال يتزوج اربعه والحرمه لأ !! يعني بتواجه حاجات كثير حاول انك تمسك اعصابك وحتى لو احد استفزك تماسك قد ما تقدر
صحيح كلنا مسلمين وكلنا نحب ديننا .. وما نرضى بالغلط لكن كون انتا المتعلم انتا الذكى .. انتا الهادئ .. ولا تعكس جانب من شخصيتك سيئ .. ودايما بيين ان الاسلام دين متسامح .. والله انا حصلى موقف صعب وفعلا اتأثرت
من شخص يهوودي .. لكن تمالك نفسي الحمدلله وان شاء الله بطرحه لكم .. ضمن المواقف إللى واجهتنى حتى من اشخاص غيرهم !
ولا تسوي بطل بالعربي فكك من الهيامه خخخ .. يعني مسوي مصارع واقوى واحد في الحاره دا عندنا هناك تلطش احد .. بتنحبس وتدفع غرامه وتتورط .. ككك

المهم يا جماعه تاني يوم دوام ليا في المعهد صحيت مكسر تدرو عاد متعود على المكيف والغرفه الواسعه ..
وانا ايامها غرفتي خندق حشى مو غرفه صغييره يالله يالله ممر صغير وسرير خخخ .. المهم صحيت من النوم
ورحت سويت سندوتش جبنه وشاهي ولبست وانطلقت إلى السكول زيي زي اي طالب شاطر ككك ..
المهم دخلت المدرسه .. وحضرني الأستاذ .. وبدأ يكتب موضوع الدرس ونجيب كلمات وكذا المهم قالنا بعطيكم
بريك نص ساعه وتستخدمو الكمبيوترات وتسوو بحث عن شخص معجبين فيه .. عشان كل واحد راح يقدم عرض
قدام زملائه .. طيب انا تورطت خبركم عندنا لا بحوث ولا عروض يالله يالله ان جاك عرض واحد في السنه وتعرض عن طريق البوربوينت وتبربر وتقرا وتجي ماشي .. المهم متورط ومن عارف اسوي شي واقول يلعن ام الحاله دي .. بطلت دراسه من اول يوم انحشرت كدا خخخ .. المهم دخلت النت وقلت اكتب عن روبيرتو باجيو لاعب إيطالى خخخ
وكتبت عنه معلومات وبس جا وقت العرض .. المهم اشوف كم دلخ من هذول إللى مالهم داعي وربي مبدعين ويتكلمو وكذا .. قلت وربي لا اوريهم .. وجا دوري واطلع واكتب ملاحظات على السبوره وبعدها بديت اتكلم .. الله وكيلكم متورط !! وكل شويا آآآآآآ ... امممممممم .. اتزززز .. آآآآآ .. وقلبي يخفق يخفق وقاعد اقول بيني وبين نفسي
انا ما ظبطها بالعربي بظبطها بالانقليزي !! بس الحمدلله عدت عوافي وصفقوولى وحسيت بالرضا التام .. وقلت مبدأياً الحمدلله كأول مره في حياتي بريزنتيشن بالأنقليزي خخخ شي جييد .. وخلص اول كلاس لي من 9 - 12ا ..
المهم بعطيكم نبذه عن طريقة التدريس في المعهد ..
1) Reading .. الطريقه هنا في التدريس انه يصور لنا من قطعه ويحذف بعض الكلمات .. واحنى نقرى القطعه ونخمن الكلمات .. وبعدها نصحح مع بعض .. بعدين يبدأ يعطينا تمارين ونقرأ وزي كدا .. ونتناقش في مواضيع كثيره ..
2)lisening .. طبعاً يشغل لنا شريط .. وبقسمنا مجموعات وبعدها يبدأ يسألنا إيش إللى فهمناه من الشريط .. او عن ايش كان يتكلم .. وزي كدا ..
3)Grammer .. من اقرف الحصص كالعاده تمارين قرامر .. وشرح للقرامر
4)writting .. هنا طبعا نتقسم مجموعات .. ويعطينا موضوع ونتناقش ونكتب عنو وبعدين كل مجموعه تطلع وتكتب القطعه حقتهم .. ونصححها مع بعض ..
5)DVD class .. طبعا هاذي من امتع الكلاسات وكنت احبها جدا خخخ .. اول ما نوصل نروح لغرفه ويشغل لنا .. اكس فايلز .. وكل واحد يكتب ملاحظات عن الحلقه .. وبعدها نتقسم مجموعات وكل مجموعه تسوي اسئله ..
وتسأل مجموعه تانيه وتجميع نقاط وحماااس ...
احيانا يكون فيه وقت زياده فيستغلو في عمل مسابقات بين المجاميع وتنعمل في كل كلاس ..
6) Speaking .. وطبعا هنا نتقسم مجموعات .. ومثلا نسوي بيني وبين إللى معايا مقابله او بريزنتيشن .. وبعدين نصحح الاخطاء لبعض ..
المهم جينا في الكلاس التاني .. من 12 -3 .. طبعا عاده يكون مزحوم وفيه طلاب مختلفين عن الكلاسات إللى قبل
وزحمه .. وكالعاده نتقسم مجموعات وكدا في البدايه تعبت لأنه الجو غريب عليا وتعرفو ناس معرفهم واغلبهم يعرفو بعض .. فكنت في حاله اشبه للوحده .. صحيح في عرب لكن بصراحه بعدت عنهم لانى كنت ابغا استفيد .. وقلت مانى متكلم عربي إلا نادرا وصراحه تعرفو لأنو صيف .. وفي كم سعودي والله حبايب .. وفي مجموعه عاد هدوول الفله خخخ سحب من المعهد وفله .. فكانت علاقتي فيهم سطحيه .. وكنت متداخل مع الاجانب بطريقه اكبر عشان الاستفاده وخصوصا في وقت ضييق شهرين بس !

وكالعاده خلصت دوامي ورجعت البيت انتنت "اي استخدم الانترنت" .. وآكلت ونمت ..

ولنا عوده مع قصتي مع اليهودي والحركات الاستفزازيه xD .. وزملائي اللطيفين خخخخ

عااارف منهج الانجليزي 102 خليته تخرج لانو دخل علينا النظام الجديد 3 ساعاات باليوم
بس والله استفدنا كثر سوينا برزنتيشنااات وكتبا تعااابير بس شي حلوو
عاارف اول برسنتيشن توحفه كله ذس از وانواع التكليج بس فلله

الاخير هو الي منجد الكلمة بسانك بستخااف تطلعها لانو كان مسوينها بالكاام يعني تصوير فديو
المهم موضوعي كاان حلوو وقوي عن عبدالله بن الربيعه وقصة حيااته وكيف اخذ الدككتوراة
خويك مجهز الوضع ومفبرك الموضووع بس وصلنا للاسئلة ههههه وشف الفضيحه هههههه
الي اختبرني بريطاني وياكل الحرووف يا ماااال الضربة بس 4 اسئلة جوابت واحد واربعه سلكتها وطلعت غلط ههههه
بس عدت الحمدالله





ننتظرك يابطل

واصل رحلتك

والله موزوعكـ مرـآ روعه ...



ومن جد إبداع وراح يفيدنـآ كثير...

هههههههههـ وأكثر شي ضحكني لمن حاولت تغش من الكولومبيه متري الاسبانيه

خخخخخ يااخي السعوديين ماتبطلوـآ حركاتكمـ وربي

على فكرهـ مع إني حجازيه بس مااعرف معنى هيامه خخخخ ايش معناها بالله ..؟

\



متــآبعه بعنف وشغف