بنآآآت جدة خصوصاً , و كل اللي بيحضرون الدورة الإلزامية عموماً

السلام عليكم ورحمه الله وبركاته
الله يعطيك العافيه مشكورا بالحيييييييييييييييل

وعليكم السلام ورحمة الله وبركاته

العفو حبيبتي ماسويت شي

الله يوفقنا جميعاً لما يحبه و يرضاه

جزاكي الله خير حبيبتي على المعلومه ,, بس لو جينا فكرنا فيها كدا ,, انه ليش جانا كلنا على جوالاتنا مسج انه الموعد في فندق موفنبيك وشوية البنات لما يتصلو يقولو في فندق رمادا ,, طيب انتو ايش يدريكم يابنات مو يمكن اصلا اللي بيرد هناك واحد اصلا مو فاهم او داري عن الامور بالضبط كيف بتمشي او انه واحد جديد دوبو متعين او انه ملخبط في الامور ,, لانه انا اصدق كلام الوزارة والمسج لما جاني في التنبيهات في نفس الموقع انه ننتظر الموعد والمكان على رسالة في جوالنا واستنينا وجاتنا الرسايل طيب المفروض نصدق مين الخطوات اللي ماشيين عليها من الوزاره ولا كلام واحد او اتنين ردو علينا في الفندق وقالو في رمادا ؟؟ ولو حتى كانت قاعه وحده في موفنبيك وكانو الاولاد والبنات كلهم مع بعض اكيد هيكون في ترتيب بمعني انهم يقسمو القاعه نص بنات ونص اولاد ,, لانه لو مافي احد دق مننا احنا البنات كنا كدا كدا هنروح فندق موفنبيك ومو معقوله بعد مانروح يقولولنا لأ روحو فندق رمادا هقلهم طيب شوفو الرساله اللي في الجوال منكم ,, عشان كدا انا عن نفسي ماهجازف وهروح موفنبيك الصباح قبل الساعه 9 واشوف كيف الاوضاع هناك ,, لأنه من جد غلط واكبر غلط اننا كلنا البنات توصلنا رسايل بأن الدوره في فندق موفنبيك وبعد كدا تكون في رمادا ,, طيب تخيلو يابنات لو وحده مابتدخل النت دايما وتتابع او مشغوله او ماشافت موضوع زي كدا في النت اكيد انها هتروح طوالي على فندق موفنبيك وهو هادا اللي هيصير مع الاغلبيه عشان كدا هتأكد بنفسي الاول من الصباح بدري ان شاءلله يوم السبت ,, والله يسهلنا كلنا باذن الله ويفرجها علينا وعلى كل المبتعثين ,,

هههههه بس عندي تعليق احلى شي ضحكني هو صحبتنا r3ooodii اشبك خااايفه يابنتي ,, بالعكسسسسسس تصدقي انا متحمسسسسسه انا اصلا اتمنى حياتي كلها تصير دورات وحاجات حلوه من هادي ,, والاحلى اننا هنتقابل وتشوفي بنات كتار وتتكلمي مع هادي شوية وهادي شوية الا اذا كنتي انطوائيه شوية فهادي مشكلة تانيه ,, لكن انا عن نفسي ماعندي اي مشاكل من وقت التقديم وانا جالسه اتعرف على البنات واتعرفت على كومة بنات ماشاءلله لأني بطبعي احب اتكلم واتعرف على الناس فاذا كنتي خايفه تعالي اجلسي جنبي ههههههههه انا اسمي داليا بس ماادري كيف هتعرفيني ولا كيف هعرفك وياسلام حماس لو احنا بنات جده دخلنا كدا جروب مميز يعني كل وحده تعلق على رقبتها سلسله وتكتب فيها انا من جده وكل وحده تشوف التانيه تنضم ليها علطول لاننا كيف هنعرف بعض ,, وهونيها تهووووون يابنتي وان شاءلله نعرف بعضنا بنات جده اكيد في علامات مميزه هههه وصحيح في بنوته هنا بتقول الموقع حق الوزاره نزلو جدول فيه المواعيد والمكان ممكن تحطي اللينك حقه هنا عشان ادخل عليه لاني دورت ومالقيته ,, والله يوفقكم يابنات ان شاءلله قولو امييييييييين يااارب

^^
يا حلوة شيكي على موقع الوزارة مكتوب فندق ارمادا يعني الكلام مو من راس مشاعل >>> سوري رديت بدالك

دوبي شفت موضوع في المنتدى ولاقيت انه في فندق رمادا ,, ياسلام على اللي بيصير هادا واللخبطة الحلوه اللي من اولها ,, وانا خلاص اتأكد بكدا وان شاءلله اروح على رمادا بس هروح بدري برضو اضمن في كل الاحوال ,, بس المؤسف انه لو في بنات مابيدخلو انترنت كييييييف هيعرفو انه الفندق اتغير فأنا هبلغ على قد مااقدر اللي اعرفهم وانتو كمان يابنات عشان حرام احد يتورط في الشمس الصباح وبعد كدا يروح على رمادا ,,


وانا يااخت طموحة مكه عارفه انه اختنا مشاعل ماجابت شي من راسها وقلتلها جزاكي الله خير بس انا كان ليا تعليق وكتبتو لانه الاغلاط هادي ممكن تشتت البنات ,, وعموما انا عرفت واتأكد وخلاص ,, والله يسهل للجميع ’’

حبيبة نيمو

عزيزتي كلامك صح 100% و مايختلف عليه اثنين
بس المشكلة وش نسوي بتضارب الأخبار بالوزارة و كل واحد يقول كلمته
وعلى سالفة انهم يقسمون القاعة قسمين فكرة فيها D=
بس الموضوع صعب جداً لآن القاعة صغيرة بالنسبة للأعداد المتقدمين ولاحظي انو مو بس بنات و أولاد جدة إللي بيداومون هنا
حطي بحساباتك مكة و الطائف و ينبع ... إلخ إلخ , يعني كل المناطق المحيطة بجدة و ما فيها دورات
واتوقع بيكون العدد مهوووول جداً يعني يمكن و بدون مبالغة ربع عدد المتقدمين بيكون عندنا

عموماً الله يوفقنا و يكتب لنا الخير في كل امورنا و يرضينا فيه

طموحة مكة

عادي حبيبتي كلنا واحد و الهدف ان الكل يستفيد

جزاك الله ألف خير عزيزتي

جزاك الله خير

و اياك يارب

الله يوفقنا كلنا ان شاء الله