أوراق اختبار بنات جده.. مقرها والله أعلم الاخير

يا جماعة معروف من وضع الاختبار اللي قلتو عنو انو مستحيل يهتمو بالاوراق

اذا احد ارسل قريبو ودخل الاختبار مين راح يعرف ؟؟؟

الاهمال هذا صدقوني دليل عل عدم الاهتمام بالاختبار من قبل الوزارة

وباذن الله يطلع كلامي صح وتكون الدورة اصلا مهي الزامية .... بس كذا معلن عنها

انا عني مو ندمانه على الاوراق انها اترمت في الزباله لانه مصير كل حاجه عشوائيه ومن غير نظام
انا من البداية ماكنت راضيه على الوضع كنت داخلة الامتحان على اساس احدد مستوايه وفجأه البنات يقولوا فيها تصفية واتقلب تحديد المستوى لفنون الغش بهدف ضمان الابتعاث واللغه في دولة الابتعاث انشالله
رجعت البيت زعلانه من نفسي وخايفة من مستوايه لانه العقبه الوحيده عندي اللغة واجي استهبل كمان في الامتحان.
بس من جد التعب والحج المبكر زي ماقتوا اخرته الزبالة حرااااااااااااااااااااااااام بس ربنا يعوضنا خير واكيد الوزارة ماراح ترضى بس انتم خلوا املكم بربكم كبيروانشالله خير

لا تعليق لانه كان متوقع من بداية ما جينا ...

الحمدالله اني ما اختبرت ...

كويس موزباله الشارع..

مره عيب عليهم اللي سوو كدا

يعني عيني عينك... كانو استنو البنات يمشو ويزقلوها الزقله دي..يعني انو يحترمو مشاعرنا ويقدرو جهدنا..

بس الواحد ايش يقول.. ماحترمونا عشان يحترمو ورقنا...

الصورة لو وصلت للوزارة ماراح يسكتو عنها..


خلاص طاحت سمعة اكادمية الفيصل في الارض

قـــــــــــــــــــــــــــــــــــــــمـــــــــ ــــــــــــــــــــــــــــــــــــــــــة الإســــتـــهــــتــــــــــــــــــــــــــــــــ ــــــــــار
بالطالبات بوقتهم وبتعبهم وبكفاحهم ذاك اليوم ,, غاية الإهانة لنا ,, هذا كله مسؤولية الوزارة مو الفصيل ,, مين يشره على الأكاديمية وهي عندها الصلاحية من الوزارة؟ ومحد يراقبها ولا يتابعها ؟؟؟؟؟؟؟ اش عليها الأكاديمية فينا !! الغلط كله على الوزارة لأنهم المفروض مايتعاقدوا مع جهة من البداية ماهي كفؤ..!! ليش من البداية رمونا لناس ماتفهم في الإحترافية شئ ؟؟؟؟؟؟؟ وشغلها كله بطيخ!!
ليش ماتابعوهم ؟؟؟ ليش الوزارة من البداية ماقسمت المبتعثين صح ؟؟؟ أهل جدة في يوم وأهل الطائف في يوم ؟ وأهل الجنوب في يوم ؟ وأهل مكة في يوم والمدينة وكذا .. إذا مو عاجبهم هذا التقسيم فيه اكثر من طريقة للتقسيم والترتيب والنظام , جهد بسيط وتفكير كان ممكنوا يتفادوا العار اللي صار وماترتب عليه وسيترتب, سمعة الوزارة صارت سيئة وماراح أتكلم عن المعهد الفاشل لأنه اقل من إني اصلاً اذكره!!! والله فعلاً إحنا مجتمع واسطاااااااااااااااااااااااااات وليس كفاءات! شئ والله العظيم يغيظ ويتلف الأعصاب.
حسبي الله عليهم

اللي حصل في الدورة وخاصة جدة كان نوع من أنواع تطفيش الوزارة لنا بس بطريقة غير مباشرة
1) اختيار الوزارة لاكاديمية الفيصل (عمرنا ما سمعنا عنها ) كان متعمد لأن الوزارة عارفه مستوى المعهد واصرت عليه
2) مدة الدورة الطويلة كفيلة بتطفيش بعض من المبتعثين (بس على مين يا وزارة وراكم وراكم)
3) اجبار المبتعثين على حضور الدورة حتى اصحاب بكالوريوس الانجليزي والحاسب
الملك الله يطول بعمره ويحفظه ويحميه من كل شر امر بقبول كل من طابقت عليه الشروط (طبعا شروط الوزارة العجيبه)
لكن ترجع وتعود الوزارة مرة اخرى وتضع شرط حضور الدورة لمدة 3 اشهر ومن غير سابق انذار ( صح كلامي ولا لأ: هل كنا نعرف عن شرط حضور الدورة هذه ولا لأ)
احنا كنا 8300 بكرة نشوف كم راح نصير وانشاء الله يبقى العدد كما هو عناد في الوزارة
هذا رأي

أمس قابلت واحدة من المشرفات اللي كانوا موجودات وقت الاختبار ، وسألتها كيف كان يوم السبت ، وش رأيها فيه ..

قالت لي إن أكاديمية الفيصل قالت لهم وللفندق ...إنو البنات في حدود150-300 طالبة !!!!!!!!!!!!!!!!!

وهم تفاجئوا بالعدد المهول اللي يوم السبت

وراحت يوم الأحد عشان التصحيح ، قاموا الفندق قالوا لها مافيه أحد ...

وبعدين اتصلوا عليها اليوم الثاني ، قالوا لها تعالي شاركي في تصحيح الورق .. رفض زوجها وبشدة ، لأن الشغلة صارت لعب عيال..

المهم .. حسب كلامها ...فهمت إنو فيه تصحيح للورق ..

وبسسسسسسسسس

حسبي الله عليهم ورقتي اترمت بينهم بس المصرية ديك و الله لأوريها