تجمع بنات جده واخبار الدورة الالزامية ,,,,,, اتفضلووو

اليوم رحتلهم مرتين ...أول مرة كان الساعة 8 و قالولي أرجعي الساعة 3 و بعدين رجعت الساعة 3 و قالوا دوري على اسمك في الزحمة طبعا المهم دورت و دورت و دورت و ما لقيت اسمي ......
في أحد نفس حالتي و لا بس أنا؟؟
بس سألت المشرفة و قالتلي اذا أنتي صباحي تعالي الصباح و اذا انتي مسائي تعالي المساء و أنا صباحي إن شاء الله........
الله المستعان ........
كان عندهم أسبوع بكاملة عشان ينظموا و الين دحين ملخبطين هذا اسمه كسل و اللامبالاة و عدم التنظيم من جد.............
استغفر الله العظيم........

^
^

آنـآ صبـآحي ونفس وضعك مالقيت اسمي

بس قالوا انو لـسه فيه الرابع والاول مانزلوهـآ

ان شـآآلله بكرة على خير القى اسمي في الرآبــع يارب

انا كمان رحت الساعه 3 ونص وشفت اللخبطه والضياع ودورت على اسمي في كل مكان مالقيتو ,, منجد انا مني عارفه هما مهم عارفين ينظمو ولا ايش والله احترت فيهم كان المفروض يحطو ليسته كبيييييييييييييره برا في الحوش بالاسامي والمستويات وارقام القاعات كل وحده تشوف اسمها وقاعتها تطلع مو نجلس ندور في المبنى كلو من باب لباب شي منجد يقهر ,, وكمان سمعت وحده قالت كل وحده تجي بكره في الموعد الي اختارتو وخلاص كل وحده تروح بيتها طيب ليش يضربونا مشاوير على عشر دقايق ونخرج ,,, لا حول ولا قوة الا بالله

أنا كماااااااان رحت اليوم ومن جدج تعبت
ودورت اسمي ولالقيته..
وشمس وبسس..وحاله الله يعين بس
ولا قابلت احد اعرفه..ومليت من كلام المشرفااات كل شوي طالعين بكلام
..
بناات مين صباااحي لالقت اسمها مثل حالتي..
عشان نتقابل ونشووف لنا صرفه بحيااتنا..

انا كمان صباحي و نفس الحال
حسبنا الله و نعم الوكيل فيهم
هذا اسلوب تطفيش و تعجيز
بعيدين عن الالتزام تمام البعد
هذا غير المرمطة اللي تلاقيها الوحدة فينا عشان الدورة اللي مالها داعي ابدا
يعني دورة هنا و دورة في بلد الابتعاث ؟؟؟؟؟؟؟

انا كمان صباحي ومالقيت اسمي الله المستعان على الاستهتار

انا صباحي واسمي مازل مفقوووووووووووووووود

purple lavender
أنا زيك بالضبط رحت مرتين الصباح والمساء ولا استفتد بشي بس تضييع وقت وعدام احترام لنا وإنا قد يكون عندنا أشياء ثانيه نقدر نسويها في الوقت اللي ضييعنا معاهم والمصيبة الأعظم ما في أحد يعتذر على اللخبطة اللي يسووها فينا والله شي ما يشجع أبدًا إن الواحد يكمل الدورة وخصوصًا إذا كان هو في الأساس مايبغاها.

انا كمان صباحي مسك زيك ,,, تعـــالي بكره نتقابل منجـــد !!!
يا بنات مالاحظتو اليوم كل الكلاسات مكتوب المستوى الثالث ؟؟ كاني حاسه اني مستوى اوووووووووول ههههههههههههههه

ريحت راسي و مارحت ..

و تطمنت حمدلله ان مافي حضور و غياب امس