رفضت الذهاب للدوره

لجميع من يوم ما دخلت الموضوع وهم يلومون الرجال... !!!

والمشكلة ان الاغلبية بل الاكثرية نساء

ويعني هو بالله حرمها من الدورة عشان وظيفته.. وخايف على وظيفته عشان من ؟؟

عشان بيته وعياله وزوجته..

معليش يبو سلطان..

ما ضاقت الا فرجت

وانا من رائي انك تصبر وتضع العيال عند اهلك او اهلها لفترة

أخي الكريم موظف الوزارة "نواف بن خالد"

الوزارة وفقها الله هي من جعلت الأخرين يقعون في الخطأ رغماً عنهم عندما لم تعلن من ضمن شروطها الأبتدائية ضرورة الألتزام بالدورة لأكمال أبتعاثك (كان الواحد تصرف من بدري وجاب التوفل)
الوزارة لم توفر هذه المعاهد في كل مناطق المملكة
الوزارة لم تأخذ بالأعتبار من يحتاج لهذه الدورة ومن لايحتاج
فالوزارة لم توضح حتى الآن مالسبب الرئيس لوجود هذه الدورات، علما ان كل المبتعثين سوف ينضمون لمعاهد في بلد الخارج ( انا هنا اتكلم عن المبتعثين الذين يمتلكون مسبقا اساسيات اللغة وبالتالي ذهابهم للدورات هنا ومن ثم اعادة ذهابهم للدورات في الخارج هو امر يحتاج الي تفسير)
الوزارة وقعت مع معهد " الله بالخير " لا يتقن من اساسيات التدريب الا الشيء القليل

" نواف بن خالد " ... هل بعد هذا كله تطالب زوج لديه عمل يدر على زوجته وابنائه الرزق بمعونة من الله ان يقطع هذا الباب من الرزق ويلتزم بمثل هذا القرار

أشك في ذلك !!!

على العموم انا توني جاي من برنامج الملك بالرياض وقدمت خطاب ورفعته لهم وبشروني انشاء الله بيلغون الدوره والله العالم

اول شي انا طالب ياعسل

ثانيا الوزارة وضحت السبب وهو اعداااااد الطالب في طلاب مايعرفون شي لا بالحاسب ولا بالانجليزي
ترى غيرك الاااف لاتحسب اللي اشتكوا بالمنتدى بس هذول اللي بالدوره !!
وبعدين انت طلبت بعثه من الوزاره !! يعني الوزاره رح تصرف عليك من إلى .. فمن حق الوزاره انها تحدد شروطها مش المواطنين يحددون شروطهم على الوزاره ولا كان صارت وزارة مايطلبه المشاهدون

مساء الخير
حاول اخويا توديها بيت اهلها ازا كانو برة الاحسا
لان الدوره الزاميه ومن احد متطلبات البعثه
حاول تاخد اجازه او تكلم احد في الوزاره او كلم احد في الدورة اهم شي ماتروح عليكم البعثه ان شاء الله
الله يفرجها عليكم وعلينا اخويا ابوسلطان

متأكد انك منت موظف بالوزارة ؟


ع العموم أخوي: وجهة نظرك وصلتني وانا احترمها ، وانا لي وجهة نظر اخرى ارجو ان تحترمها
لو قعدت اشرحلك بطول السالفة والأفضل ننهيها اختلاف اراء

يابوسلطآن

الله يفرجها لك ولزوجتك ...انت ماعملت الا الواجب ومن حقك تحافظ على عملك وبيتك واطفالك

بالرغم من ضرورة الدورة ...لكن ماقول غير الله يسهلها عليك وعليها ...

وان شاء الله في الحالتين زوجتك مبتعثة ...

اكيد ظروف الشباب غير عن البنات ..في اشيآء كتيرة

فانا وحدة من اللي اهلها رفضوا تروح للدورة ..وصارلي أسبوع استنى الفرج من ربنا

الله أعلم بظروف كل واحد ...وننتظر الفرج من الخير اللي الله كاتبه لنا بأي مكان