يوم الاربعاء بنات جدة المستوى الاول

اختي ملح على الجرح
كيف الاستاذات تمام
انا مشكلتي كنت في كلاس مستوى ثاني واذا غلطت البنات يجلسون يضحكون ومرة متضايقة ابغى انزل المستوى الاول

هلا اختى ام دانه
انا مستوى ثاني,والاستاذه حقتنا كويسه,اليوم اول يوم احضر معاها لانه امس خلونا نحضر مع المستوى الاول,لانه ماعندنا استاذه تدرسنا.
وماعليك في احد خليهم يضحكون,الحال من بعضه,نفس اللي عندنا
انتي اتكلمي وحاولي,ولا تشيلي هم.
ربنا يوفقك

والله ماعليه فيهم بس ابغى اتأسس صح احس افهم شي وعشرة لا
المشكلة انا في كلاس البنات فيه ماشاء الله يعني تقريبا وحيدة
احس صعبة اروح للي زي احسن لي واتعلم شويه شويه
ومشكورة على اهتمامك

حبيبتي انا كنت مستوى تالت تخيلي وجلست مع البنات بس من جد حسيت اني ضايعة ..

بكالوريس انقلش .. بنات مسافرين برا درسوا لغة .. اخدوا دورات .. وانا معاهم من جد كنت ضايعة ..

رحت دخلت مستوى تاني مع صحبتي وطلعوا مجموعين مع مستوى اول .. المهم عجبتني المس وقلت خلاص باكمل اول ..

اليوم دخلت مع المستوى الاول .. سالت الاستاذة بالانقلش ايش الفرق بين المستوى الاول والتاني ؟؟

انقليزيتي كانت تمام والبنات استغربوا !!!

قالت مافي فرق تفريبا زي بعض ..

قلتلها طيب انا محولة من المستوى التالت قالتلي اجل خليكي بالتاني افضل ..

قلتلها انا الجرامر حقي مو تمام .. قالت انه الافضل ليا المستوى التاني واني راح اضيع وقتي بالاول وعشان اطور نفسي احسن اروح التاني .. وانها ماراح تشرح اشياء جديدة عليا وفي اشياء اهم ..

حسيت ارتحت لكلامها وغيرت خلاص للتاني ..

جيت افكر بكلامها .. لمتى استحي اتكلم انقليزي تمام ؟؟

بالعكس من صالحي اكون مع بنات مستوى تاني عشان اتشجع ..

برا راح اكون مع اجانب لغتهم الام الانكليزية ايش راح اسوي ساعتها اقول ماابغا اتكلم ..

كدا عمري ماراح اتعلم ..

انا نصيحتي خليكي بالتاني عشان تتشجعي وتكسري الخجل اللي عندك .. وتعالي معايا بالكلاس نعاون ونساعد بعض وراح نكون ان شاء الله بيرفكت ياعسل ..

تسلمين والله ياقلبي
بس صدقيني انا ماني مرتااااااااااحة مرة في الثاني
بشوف الوضع في الاول اذا حسيت انه مرة سهل برجع مستواي الثاني
بس صدقيني اكيد بيكون فرق بين الاول والثاني من ناحية الدراسة لان الكلاس الي انا فيه البنات ماشاء الله عليهم احس نفسي غلط بينهم
والله يكون بعوننا جميع يارب

ابغى اي وحده في المستوى الاول ترد علي
ترى والله ماعرف احد في الكلية

ام دانه حبيبتي انا مستوى اول بس والله مارحت الربوع ولا اعرف احد راح

أم دانه نفس معاناتي ..

لا تكوني انتي معاي بكلاس مس وحيده اليوم " السمراء الي من جنوب افريقيا " << ع فكره ماراح تكمل معانا لانها قالت انتوا تحتاجوا مدرسه تتكلم عربي لانكم مستوى مبتدئي ..

حسيت نفسي زي الهبله افهم كلمه و عشره لاااااا

و قررت بعدها اني من السبت راح احول للأول

بس وانا خارجه سمعت بنات في ليفل 1 يشتكوا انهم يعطونهم abcd و كيف ينطقونها ..

انصدمت صراحه وقلت ليفل 2 افضل راح اتعب بالأول بس بتعود و لا اني ارجع و ادرس اشياء اخذناها قبل اضيع وقت ..

لا والله ماني معك بالكلاس الي تعطيني وحده بيضاء
وبالنسبة للمستوى الاول معقولة abcاحس مستحيييييييييييل احنا متخرجين بكالوريس ويعطونا هذه الاشياء
قلنا نبغى نتأسس مو ننجلط ههههههههههههه
ومشكورة وقولي لي وش يصير معك بعدين





بنات المستوى الاول معقووووووووووولة يعطونكم الحرووووف الله يسعدكم ردوااااا
وابغى خبر اكيد تكفووووووووووووووون

هلا عزيزتي
انا مستوى اول
مرررررررررررررررررررررره كانت ناااايس المس
اصلها اظن باكستاني او هندي
مررره ماتعرف عربي
خخخخخخخخخخخخخخ علمناها اليوم
بس كان مره الكلاس بيرفكت
ومو abc
بالعكس كانت تقولنا كونو جمل
اتكلموو عن نفسكم
او تعطينا كلمات وتقول جيبوها بجمل على كيفكم
وبالنهايه خلت كل وحده تكتب اش سوت امس بالانقلش وتطلع تقوله قدام البنات بصوت عالي
من جد مررره كانت فرفوشه وطيوبه وعادي لو الوحده غلطت تصلحلها غلطها
وتقولها انتي بيرفكت بس لازم يكون الفعل بالتصريف الماضي <<< مثال عاللي حصل اليوم

وهـ بس
اتمنى اكون افدتك
على فكره انا بكلاس 218 لو بتجي عند التيتشر هاذي

c.u