إلغاء دورة اللغة الإنجليزية للدارسين في مركز جدة

صحيح انا من الناس الي استفادت من الدورة في غضون اربعة ايام فكيف لو شهر ونص زيادة لكن مراعاة لظروف المتضررين واللي راح يتضرروا لاسمح الله من جد حرام يستمر الالزام بيها وانا من المصوتين لإلغاااااء الدورة .

انا مع الإلغاء والله يساعد الناس المتضررة ويعوضها خير عن اللي راح، واللي مات لهم أحد الله يرحمه ويسكنه جناته...

انا والله استفدت من الدوره

بس اي شخص من اهالي المتضررين .. والي نفسيتهم سيئه .. بيلغوها انا معهم >>

حبيبتي والله ياجـــــــــــــــــــــــــــــــــــــــــــــــ ــــــــدهـ

والله المغروض يلغوها

الناس اللي جالسين يقولو انه المفروض الموضوع هادا نفسه ينحزف فهادا كلام غير منطقي تماما // واللي يقولو انهم غير مؤيدين انه الدوره تتلغي ,, فبقول من باب الرأفه والرحمه اننا نحس بغيرنا اعرف بنات لاحول ولا قوة الا بالله ,, اهاليهم راحو في اللي حصل هنا في جده واللي اصاباتهم خطيره في جده ,, انا مااتوقعت انه الوضع مره خطير يالطيف لكن من جد الناس ادمرت ,, وحتى لو احنا مو في المناطق اللي حصل فيها الخراب وبتقولو انه مكان الدوره بعيد فحسو بالناس اللي هما بيعانو وحالتهم حاله واللي احد من عندهم مات واللي بيوتهم ادمرت تماامااااااااا وتقولو يحضرو دوره ,, لو اي احد حصل ليه اي مضره في اللي صار في جده المفروض يجيلو اعفاء لو مااتلغت الدوره لانه الوضع مأساوي يالطيف ,, انا اخويا مسكين كان هيروح في الامطار وهو خارج من دوامه وجا يركب سيارته لقا المويا مغطية القزاز مع انها السياره عاليه اللي هي زي السياره الجيب ودوبها جديده والله العظيم وبعد ماهدي الوضع شوية وجاب ناس ينقلوها ووداها الشركه قالولو تكلف تصليحات عشرين الف ريال والله العظيم ,, تخيلو بالله ومافي اي تعويضات للي بيوتهم او سيارتهم او اي شي فيهم ,, واخويا مشي من دوامه الين بيته وهو رافع يده الاتنين وحده فيها الجوال ووحده فيها المحفظه اقسم بالله العظيم مسكين قال انه شاف المووووووت وخاف انه المويا تطلع لفوق رقبته لانها كانت واصله الين رقبته بالضبط ووصل لبيته بعد مشي 5 ساعات ,, وقبل مايوصل سحبته مويا بس ربنا ستر ناس انتبهولو وسحبو من ملابسه ,, فياعالم اللي يقولو لا ماله داعي تتلغي وانه الموضوع ماله داعي والكلام هادا قولو الحمدلله واحمدو ربكم انكم بخير وعافيه لو كنت في وضع اخواننا واخواتنا اللي اضررو كان قلتو غير كدا تماما ,, وانا مؤيده بأنه الدوره تتلغي طبعااا واذا مااتلغت على الاقل الناس المتضرره يعفوهم ,,

والله اصحاب العقول في نعمه

رغم اني من سكان مكة
واستفدت كثير من الدورة في اول اسبوعين قبل الاجازة
ومافي احد من اهلي تضرر ولله الحمد
لكني اصوت واطالب بالغاءها مواساة لاهلنا واخواننا في جدة
رحم الله موتاكم
وعوضكم الله على ما اصابكم من اضرار في ممتلكاتكم

قال تعالى ( وبشر الصابرين الذين اذا اصابتهم مصيبة قالو انا لله وانا اليه راجعون )

السلام عليكم ورحمة الله وبركاته...لازم تعدلو الخبر وبدل ماتقولو الغاء الدورة بسبب الفيضانات والسيول التي لحقت بجدة الاسبوع الماضي..المفروض انكم تكتبو الغاء الدورة بسبب الخوف والفزع والقلق من انهيار سد بحيرة المسك...التي ثبت حتى الان ان السد الاول قد انهار في الساعات الاولى من صباح اليوم الاثنين...وانه تم اخلاء بعض المواقع القربية من هذه البحيرة...ياجماعة ادعولنا نحن سكان جدة انو الله يلطف بينا...وحسبي الله ونعم الوكيل على من تسبب في هذه الكوارث....وطبعا اطالب وبقوة بإيقاف هذه الدورة بالرغم من حجم استفادتنا منها إلا اننا فعلا في وضع لايسمح لنا بأخذ هذه الدورة ....تحياتي

أختيْ سَآكنه بـ الصَفآ وطلبوآ منهمْ إخلآءْ البيوتْ بـ سَببْ السَدْ
رُحمـــآكْ يآالله ]~

السلااآم عليكم
انا ماني عارفه اش اهرج
بس بجد الي سار بجدهـ شي يقطع القلب ويقهر ناس كتيررر ماتو الله يرحمهم ويصبر اهاليهم
وليا من صحباتي خرجوها من بيتها وحالتهم حاله لانو وداي المسك دا بينفجر الله يسلمهم بس
ايت دورهـ بهادي الاوضاع بجد اتمنى تتلغي الانسان يفكر بالناس مو بس بنفسو ان دا

الله يحفظكم ياررررب ويسلمكم من كل شر ...