رفض اجازة مرافق

السلام عليكم

انا عارفة الموضوع قديم

لكن مشكلتي زوجي موظف بالخطوط السعودية و على كلامه مستحيل يعطوه اجازة؟؟

اصلا حتى تقاعد ما يعطون الان

احد زملاؤه طلب تقاعد مبكر علشان يروح مع بناته يدرسون و رفضوا؟؟؟؟؟؟

ايش الحل؟

حياك الله اختي
أولاً مشكلة الخطوط السعودية ما تتبع لنظام الخدمة المدنية رغم ان رواتبهم تدفع من قبل الحكومة!
اللي ودي اقوله ان مسألة اكمال الدراسة شي جميل، بس ترا فيه اولويات في الحياة..
اذا كان زوجك يرغب بإكمال دراسته فهي الفرصة المناسبة لكم، واللي يمكن ما تتكرر مره ثانية، اما اذا كان ما مهوب حريص، ومن نوعية نشوف ان ضبطت الامور درسنا ولا مهوب لازم، فتراه مهوب دارس..
الزبدة اللي ابي اوصله، اذا هو عنده رغبة بالدراسة فالحل برأيي انه يقدم استقالته ويتوكل على الله ويضحي شوي بسبيل مستقبل افضل ان شاء الله خصوصاً أنه اذا رجع بالشهادة بتكون معه خبرة بتخدمه للمستقبل، اما غير كذا فالمخاطرة كبيرة، والوظائف مهيب بالسهولة المتوقعه، يمكن يستقيل ويرجع زي ما هو بنفس الشهادة وبيصير وضعه اصعب بالتوظيف.. حقيقة انا ضد سالفة خل نروح ونجرب الوضع ان ناسبنا ولا رجعنا!
تكفى ريح نفسك واقعد ولا تجي وتتعب نفسك، وتغث اهلك بوداعك، واحفظ دموع امك.. اذا قررت تسافر تخيل انك تحرق السفينه اللي وصلت به، وكذا تكون قطعت خط الرجعه على نفسك، ولا قدامك الا انك تدرس أو تدرس، ولا خيار آخر..
الله يوفقكم ويسهل اموركم.. بس نصيحتي لك يا أختي لا تضغطين على زوجك اذا هو مهوب راغب، لأن لك حساباتك الخاصة، وهو له حساباته الخاصة، ممكن انتي متحمسة للفكرة، بس هو يشوفه مخاطرة، ويفكر بمستقبلكم، ومتحسف بوظيفته...الخ
عليكم بالاستخارة أولاً وأخراً.. والله يوفقكم دنيا واخره..
علماً بأني انا مرافق لزوجتي، وانا الان بأمريكا، واخذت اجازه بدون مرتب وبدون خدمة، لكني راغب جداً بالدراسة، والحين حنا بمرحلة اللغة، ويالله التوفيق.

نقطه اخيرة ما أنصح زوجك ياخذ اجازه اعتياديه "مدفوعه الراتب" وتروحون تجربون وضعكم، لأن الملحقية ما راح يقبلون يصرفون عليه الا اذا جاب لهم استقالته، او اجازة استثنائية بدون راتب، او ورقه من الاحوال المدنية بأنه غير موظف.. غير كذا ماراح يصرفون عليه، ولا راح يعطونه ضمان مالي، وبالتالي ما يدفعون حتى اقساط دراسته للغه!! واذا قررتوا تجون ان شاء الله خليه ياخذ فيزة F1 ولا ياخذ F2 لأن فيزة المرافق هنا بهذله، واشوف الشباب متوهقين والله، ولا يدرسون اكثر من 3 ساعات حسب النظام..

مشكور اخوي على النصيحة

صدقني هو متحمس اكثر مني و يبغى ياخذ اجازة بدون راتب لكن للاسف صعب مع القرارات الي ظهرت الان

حتى التقاعد مو بالساهل بالخطوط للاسف

و عمري ما كنت انانية و افكر بنفسي و انساه هو بالعكس يهمني مصلحته قبل مصلحتي

زوجي عسكري ورفضوا يعطونه اجازه وهو المرافق ولكن وش كان ردهم لايحق للعسكري مرافقة زوجته والامر تحت الدراسه وش الحل برايكم ؟؟؟
وهل ممكن ااجل البعثه لمدة سنه او سنتين؟ وكيف؟

تأجيل اقصى شيء 6 اشهر على حد علمي

لكن لو فيه احد اخوانك يروح معك و لا تخلينها

و استخيري و الله يكتب لك الي فيه الخير

السلام عليكم
انا زوجي تابع انظام التامينات وهو الي حيكون مرافق معاي لكن ما اعرف اذا التامينات ممكن تعطي اجازة له على اساس انه مرافق او لا ,وحاولت ابحث في موقعهم عن اي جواب بخصوص هذا الموضوع وماحصلت..

اتمنى اذا احد عنده خلفيه في هذا الموضوع يشاركنا فيه
وشكرا"

طيب والمعلم اللي يبي يروح على حسابه الخاص وبياخذ اجازة استثنائية بدون راتب لمدة سنه واذا راح امريكا وضموه للابتعاث ويرجع وياخذ اجازه عل اساس ان زوجته قد انضمت فيعطونه الاجازه للمرافقه
الزبدة هل يحصل على الاجازتين اللي طالبهم
رجاااااااااااء رد عاجل ووافي

ايش تقصد بكلامك ( خطاب رسمي )؟
يعني الخطاب غير وقرار الابتعاث غير؟

ياريت تقولي
زوجي يشتغل في الجامعة وومدير الجامعة رافض الاجازة
وسفري مررة قريب ومني عارفة ايش اعمل؟

السلام عليكم

يا شباب... اي واحد جهة عمله تتبع لديوان الخدمة المدنية (بما في ذلك الخطوط السعودية يا اخ حجازي ويا اخت بيكاسو... التي مازالت تتبع ديوان الخدمة المدنية وتأجل انتقالها للتأمينات الى 1434هـ) لايترك حقه ابدا... المادة العشرون واضحة وصريحة واقوى من المدير العام للخطوط السعودية ولايستطيع الغاءها الا بموافقة مجلس الادارة برئاسة الامير سلطان. ولازالت مدرجة في دليل الانظمة والاجراءات الادارية في الخطوط السعودية لانها مكرمة من خادم الحرمين الشريفين.

لذلك انصح باجراء التالي في حالة رفض الاجازة او اغلاقها تماما على جميع الموظفين مثل الخطوط:

1- يتقدم برفع الاجازة رسميا للجهة المخوله بمنحه الاجازة في مقر عمله (مساعد المدير العام للموارد البشرية بالنسبة للخطوط السعودية او المعالي) ويرفق معها قرار ابتعاث محارمه وافادة الوزارة ان وجدت... وياخذ صورة من خطابه ورقم للمعاملة وتاريخها ورقم صادرها.
2- خلال اقل من اسبوع يحاول ياخذ صورة من المعاملة التي رفضت او جمدت (مهم جدا ومن حقه طلب افادة عنها) ويتوجه لديوان الخدمة المدنية ويرفع خطاب في الاتصالات الادارية بطلب شرح على حالته وياخذ ايضا رقم المعاملة (المختص بالقضايا هذه في ديوان الخدمة بجده هو علي شكري).
3-يطلع بالشرح وصور المعاملتين مع جميع الاوراق المختصة بالابتعاث (فيزة+قرار ابتعاث+تذاكر+قبول جامعي... الخ) الى ديوان المظالم ويرفع لهم خطاب تظلم وياخذ تاريخ لعرض قضيته على الشيخ.
4-اذا ماسمح الوقت له بمتابعتها... يوكل فيها محامي ملم بمثل هذا الامر.. او يعطي وكالة شرعية شاملة لاحد اقاربه الثقات للمتابعة والترافع في الموضوع ويتوكل على الله ويسافر مع اهله. (مع ملاحظة ان لايتقدم بالاستقالة ابدا لانها بمثابة راية استسلام تسقط جميع حقوقه المدنية وتلغي قضيته).
5- بالنسبة للصرف من الملحقية... ينتظر اجراء جهة عمله الطبيعية وهي الفصل بسبب الانقطاع عن العمل بغياب 15 يوم بدون عذر (لو تجرأت ادارته وفصلته تصير القضية اقوى) ويطلب من من وكيله ارسال اوراق طي خدمته ويحولها للملحقية لبدء الصرف عليه.
6-خلال 5-6 اشهر بالكثير ديوان المظالم يعيده لعمله وينصفه بأجازة استثنائية بحسب المكرمة الملكية لمدة اقصاها 10 سنوات. (افضل من قبول ادارتك لها لان الديوان يحسبها لك في سنوات خدمتك التقاعدية)

ملحوظة مهمة: لابد من بذل مجهود في طلب حقك بالاجازة قبل رفع القضية... ارسال خطابات في العمل لكل الجهات المعنية ...حاول ترسل برقيات لخادم الحرمين الشريفين وولي عهده وامير الامارة اللتي تتبع لها (من موقع الاتصالات او الاتصال على 969) لان افادتهم دائما تكون باجراء اللازم واجراء اللازم يعتبر حجة لك على جهة عملك... بمعنى آخر استخدم كل اسلحتك

اتمنى للجميع التوفيق في الابتعاث والدراسة

تحياتي،

منح الاجازة الاستثنائية بدون راتب هي من صلاحيات الوزير المختص ..
انا قدمت اجازتي من اسبوع ..
و يوم الاربعاء وصلت لمكتب معالي الوزير ....
اشوف ايش يصير معايا و اعطيك خبر ...
ادعولي ان الوزير ما يعطلها ...