ارجو من الوزارة عدم حرمان المعفيين من المكافأة

بسم الله الرحمن الرحيم

ارجو من الأعضاء التصويت على عدم حرمان المعفيين من المكافأة , هنا سوف أتحدث بكل عقلانية مع أي شخص مسؤول من الوزارة يقرأ الموضوع بأنه يجب على الوزارة صرف المكافأة للطلاب و الطالبات الذين تم إعفاءهم من الدورة الإلزامية و أنه خطأ حدث من الوزارة في إجبارهم على الدورة مع أن الطلاب و الطالبات لديهم القدرة على التحدث باللغة الإنجليزية و أن دراستهم البكالوريس كانت باللغة الإنجليزية فلماذا يتم إجبارهم و بعد فترة يسيرة يتم إعفاءهم و قد ترتب على هذا الخطأ أن بعض الطلاب و الطالبات تركوا وظائفهم التي كانت بعد الله تعالى سبب في معيشتهم و ومعيشة عوائلهم و عدم الحاجة للناس , ارجو تفهم الوضع و أعتقد أنه بصرفهم لم يخسروا شيء لأن هذه الأموال تذهب إلى طلاب و طالبات يستحقون أكثر من هذا لماذا؟ لأنه بحسب الشروط التي وضعتها الوزارة فإن هؤلاء الطلاب و الطالبات من المتفوقين دراسياً . مع العلم أننا درسنا تقريبا ثلاث أسابيع و البعض أكثر فلماذا يتم حرمان الطلاب و الطالبات من المكافأة

ارجو ممن يقرأ الموضوع أن هذا الموضوع وضع فقط للتصويت على هذا الأمر و من عنده رأي مخالف يتكرم بوضعه في موضوع مستقل
و تقبلوا تحياتي

أنا أضم صوتي معك بقوه بالنسبه للمعفيين

وحاجه تانيه كمان المعرض الدولي اللي أجبرونا حضوره واخر شي قالوا مو الزامي

فعلا كلام صحيح ..........

كلا سليييييييييييييييم
مليون في المليون
وانا اضم صوتي معاكم

انا صوتي معاك ١٠٠ ٪ مو بس عشان تنصرف مكافأت للطلاب بل الموضوع اهم من كدا بكثير ، طالب او طالبة سوى المستحيل عشان يجيب معدل و عشان ينضم للبعثة انه على حساب الوزارة ، المفروض الوزارة توفر للطلاب مبلغ في البداية ( وهذا الي اعرفه من كل شخص راح يكمل دراسته و اول ما وصل اعطوه راتب مقدم بس لأنه عنده واسطة في الوزارة ) و الموسى قال بنفسه في ملتقى جدة انه بمجرد وصولكم يعطوكم مبلغ مقدم بس في ناس كثير ما بياخذوها و ناس عندهم واسطات بياخذوها ، ليش التفرقة

اذا كان طالب او طالبة جاتها بعثة على حساب الوزارة يعني هذه من الحكومة عشان يرجعوا و يكونوا ناس مثقفين و من هذا النحو طيب لو الطالب او الطالبة ظروفه المادية ما تسمح له ، ندفع في تذاكر عشان سفارة و ندفع للفيزا و ندفع من كل جهة و لكل جهة ، طيب قالوا هذه بترجع بس اقله هذه و احنا هنا يعني ممكن الواحد يدبرها ، بس في غربة ؟؟؟؟؟؟ كيييييف ؟؟؟؟؟

كيف اذا كان وضعه شوي صعب كيف راح يعيش شهر كامل لا تنسون موضوع الفنادق و البهدلة في مواصلات الين تلاقوا شقة مناسبة ؟؟ يقولوا علينا الصرفية و الملحقية ما بترجعها هذا شئ علينا احنا ، طيب شلون الكلام متناقض ، انا الي اعرفه والله اعلم في المراحل السابقة أو بالأحرى عندي معارف في المرحلة الثالثة يقولوا انه في مبلغ يدوكم هو فور وصوكم و يرجعولكم كل الي صرفتوا في بلدكم للسفارة و اجرائاتها !!!!! طيب هذه المكافأة بتنفع ناس كثير صح هي ٢٠٠٠ بس في ناس محتاجينها بقوة للمعيشة هناك !!

بعدين اذا هي على الدورة ما اعفوا الطلبة الا انه الكلام الي بيعطونهم هوا عندهم من اصله و هما الوزارة الي اعفوهم ، على اي اساس يسوون كدا كل الطلبة لو يدروا انها فيها مكافأة بيداومون حتى لو هما فاهميييييين ١٠٠ ٪ ، بس انظلموا والله

خلينا نقول انه الطلبة اتبهدلوا في الدورة و هذه مكافآة لهم ، طيب الي تخصصاتهم انجليزي اتبهدلوا في حياتهم الدراسية و ايش الفرق ، هذا ظلم قاسي و اتمنى من الاشخاص الموجودين في الموقع و لهم صلة بالوزارة يعيدوا النظر في الموضوع حتى لو ما اعطو المعفيين مكافآة يفكرون في البهدلة الي بتسير في الغربة لهم و هم يحاولوا يعيشون يعني تخيلوا طالب هناك ما عنده مصاريف و مو عارف وين يسكن و يدور على لقمة عيش و لمن يعرفوا انه هو مبتعث من بلده ايش بيقولون علينا ، طالب مبتعث يعني متميز بمعدله و حكومته وفرت له فرصه يتعلم و يتثقف في جامعات عالمية بس للأسف مو قادر يعيش ! طيب اقله يشيلون نظام انه ما ينفع يشتغل يعني خمس شهور اجراءات لو اشتغلوا خمس شهور مداهم يدخلون مبلغ محترم بس للأسف نقعد بالبيت بحياة عاطلة و نستنى الرحمة من رب العالمين ،، و انه الخبر يوصل للحكومة لأنه في ناس في النصف بتلهف الحقوق !!

و الله وكييل بهم و حيجي يوم و يعرفون ان الله حق ، انا اطالب يا انهم ينصفون و يعطون الكل مكافآت او انهم يعلمون الملحقية عن الراتب المقدم الي المفروض ينعطى لكل طالب عند وصوله لأن هذه قوانين الحكومة و الموسى قالها يعني بيضحكون علينا و هما المستفيدين

كلامك سليم يا أختي ((أتمنى يوصل صوتكم للمسؤليين ))

غير كدا المصاريف اللي قبل السفر لحالها كوم واللي بعدها كوم
الشغله مو بس ركوب طياره وسفر
من الفيز للسفر للاستعدادات
والأوضاع الله العالم فيها
وغير هناك أوتيلات وسكن
ومصاريف بالبدايه يعني المفروض يعطونا مكافئة لتدبير الأوضاع أول مانوصل
لأنه مو الكل امكانياتهم تسمح

المكافاه حقت الدوره انا من المعفيين لكن بتكلم بالعقل

مايتساوا شخص مثلي درس اسبوعين وبعدها ارتاح في بيته بشخص درس شهرين بمعدل يوميا ست ساعات يعني فيها ظلم للثاني الي تعب اكثر مني

انا تعبت بالمعدل صح وهو كمان تعب بالمعدل

بس هو حضر الدوره كامله وانا لا


فمكافئه الدوره انا ماستحقها مثله

بس لو يعطونا مبلغ محترم مقدم لاجرائات السفر ايه حلو ويتسااووا الكل بس غير فلوس الدوره من حق الي حضرها ياخذها زياده


لو بيعطونا خير وبركه وماعيف لفلوس وماظن احد يعيفها لكن لما احط حالي لو ماكنت معفيه وبعدين يتساوا الي جلسوا ببيتهم فيني صراحه تقهر

اقتباس:

---

المشاركة الأصلية كتبت بواسطة الغـ صدى ـربة

المكافاه حقت الدوره انا من المعفيين لكن بتكلم بالعقل

مايتساوا شخص مثلي درس اسبوعين وبعدها ارتاح في بيته بشخص درس شهرين بمعدل يوميا ست ساعات يعني فيها ظلم للثاني الي تعب اكثر مني

انا تعبت بالمعدل صح وهو كمان تعب بالمعدل

بس هو حضر الدوره كامله وانا لا


فمكافئه الدوره انا ماستحقها مثله

بس لو يعطونا مبلغ محترم مقدم لاجرائات السفر ايه حلو ويتسااووا الكل بس غير فلوس الدوره من حق الي حضرها ياخذها زياده


لو بيعطونا خير وبركه وماعيف لفلوس وماظن احد يعيفها لكن لما احط حالي لو ماكنت معفيه وبعدين يتساوا الي جلسوا ببيتهم فيني صراحه تقهر

---

طيب معليش بسألك سؤال...
هل يساوى اللي حضر محاضرة الملحقين الثقافيين الأمريكي والسعودي بالرياض باللي ماحضر
لمن أرسلوا أن الحضور جزء من متطلبات البعثه ودبرنا وحجزنا بأقل من 24 ساعه
لاتقولوا مافي حجوزات ومانقدر
كان في كتير حجوزات بطيران ناس
واخر شي يقولوا مو اجباري
اذا كان المعفي مو زي الغير معفي
فمن من رأيي اللي راح مو زي اللي ماراح المعرض
وليش عاملين تحضير عند الباب بس كده

اقتباس:

---

المكافاه حقت الدوره انا من المعفيين لكن بتكلم بالعقل

---

و إن شاء الله أنا راح اتكلم معاك بعقل

اقتباس:

---

مايتساوا شخص مثلي درس اسبوعين وبعدها ارتاح في بيته بشخص درس شهرين بمعدل يوميا ست ساعات يعني فيها ظلم للثاني الي تعب اكثر مني

---

أنا ما أعتقد هناك ظلم لأني معفي من قبل الوزارة أنا ما طلبت الإعفاء ثم أنا عندي لغة على حسب كلامهم في الإعفاء يعني الخطأ منهم و ليس مني و بعدين ما هو الضرر على الطالب الذي اجتاز الدورة إذا أخذنا مكافأة الجواب لا شيء الوزارة تتحمل هذا الخطأ بدون أدنى شك أنا حرمت من راتب قدره 9700 ريال علشان رأي ما أدري من الذي وضعه ؟؟؟ طالب يدرس خمس سنوات لغة إنجليزية و في هذه الدورة يعطونا صباح الخير , ماهو اسمك , ماهو عنوانك , التحيات أين العقل في هذا ؟؟؟

اقتباس:

---

انا تعبت بالمعدل صح وهو كمان تعب بالمعدل

---

ارجع و أقول أننا لسنا من تسبب بالخطأ و من حقنا المطالبة و أين الضرر على الغير معفيين ارجو أي واحد غير معفي يعطينا الأضرار التي سوف تتسبب عليهم

اقتباس:

---

بس هو حضر الدوره كامله وانا لا

---

نعم لأن الوزارة هي من طلبت هذا منكِ

اقتباس:

---

فمكافئه الدوره انا ماستحقها مثله

---

ليس صحيحا هذا الكلام و إذا كنت ترين أن المكافأة لا تستحقينها فخاطبي الوزارة في ذلك

اقتباس:

---

بس لو يعطونا مبلغ محترم مقدم لاجرائات السفر ايه حلو ويتسااووا الكل بس غير فلوس الدوره من حق الي حضرها ياخذها زياده

---

فاقد الشيء لا يعطيه

اقتباس:

---

لو بيعطونا خير وبركه وماعيف لفلوس وماظن احد يعيفها لكن لما احط حالي لو ماكنت معفيه وبعدين يتساوا الي جلسوا ببيتهم فيني صراحه تقهر

---

ارجو قراءة آخر سطرين من موضوعي بتمعن