هل المرافق/ المرافقة يحصل على ضمان مالي من الملحقية عند القدوم؟؟؟

كلام صحيح 100 تشكر عى الاجابه

وفقك الله

اخي الكريم اشكر جزيل الشكر
ولكن اتمنى من الله يوفق ويسعدك بس

اتمنى ان تفرق بين كلمه ضمان مالي للمرافق وطلب الحاق بالبعثه اخي الفاضل
شكرا جزيلا

وفق الله الجميع

وجزاكم الله خير


يعني نفهم إن خلاصة الموضوع

المبتعث يستلم الضمان المالي وبطاقة التأمين وبطاقة الملحقية وتعريف بالراتب عند وصوله للملحقية

أما المرافق فيكون مع نفس المبتعث في نفس بطاقة التأمين الصحي، ويستلم ضمانه المالي تقريبا خلال إسبوع

هل كلامي اللي فوق صحيح؟؟؟؟؟؟؟؟؟؟؟؟؟؟؟؟؟؟



وفيه عندي إستفسار آخر

كم ساعة تكفي الشخص لإنهاء إجراءاته في الملحقية؟؟؟؟؟؟؟؟؟؟؟

لأني حجزت على نفس اليوم الساعة 5 العصر



جزاكم الله ألف خير

بالضبط أختي مثل ما قالوا الشباب ..
التأمين الصحي لها رقم واحد ويكون للمبتعث وكل مرافقينه .. يعني هم أعطونا بطاقة واحدة باسم المبتعث .. ويوم دخلت على موقعهم على الأنترنت دخلت رقم البطاقة وأول خيار طلع لي أختر اسم الشخص: ومكتوب اسم زوجتي وزوجتي ..

يبدو أن الموضوع تشعب وصار مربك للأعضاء ..
بأخبركم بالموضوع بالتفصيل:

أول ما يستقبلونكم سواقين الملحقية بالمطار بيوصلونكم للفندق ويعطونكم ملف تعبونه وترفقون معه أوراق مكتوبة بالملف مثل الشهادات وقرار الإبتعاث والفيزا .. إلخ. وبيطلبون منكم تعبونها وتسلمونها لهم بنفس الليلة .. وبيواعدونكم من البكرة يجونكم الساعة 8 صباحا ياخذونكم للملحقية ..
من البكرة يوصلونكم للملحقية ويعطونكم ثلاث محاضرات تبدأ تقريبا الساعة 10 صباحا وتنتهي تقريبا الساعة 3 الظهر (والأخ اللي يسأل عن الوقت عشان رحلته يقدر يكلمهم يعطونه أوراقه ويمشي عادي بالوقت اللي يبي)

بعد المحاضرات بيسلمون الأوراق وبتكون كالتالي:

للمبتعث:

1- بطاقة الملحقية. اللي فيها رقم الطالب بالملحقية
2- ضمان مالي للمعهد.
3- بطاقة التأمين الصحي.
4- ورقة تعريف بالراتب.

للمرافق:

المرافق ما راح يعطونه شي. لكن إذا كان المرافق طالع بفيزا F2 هنا ما راح يحتاج أي ورقة وبيكون الضمان المالي للمبتعث مبين فيه أن الملحقية تتكفل برسوم الطالب الدراسية ورسوم مرافقيه.

أما إذا كان الطالب جايب قبول منفصل. وطالع بفيزا F1 هنا المعهد ما راح يقبل بالضمان المالي اللي مع المبتعث, لأن المرافق معه قبول مستقل, فيلزم إحضار ضمان مالي خاص فيه من الملحقية, فيقومون الملحقية بيوم المحاضرات يطلبون من المرافق صور من شهاداته وبعض الأوراق الأخرى: عشان يرفعونها للوزارة ويجيبون فيها أذن بالصرف عليه, وهالموضوع ياخذ أسبوع إلى 10 أيام لين يصدر الضمان المالي الخاص فيه (معي أخذ الأمر مثل ما قلت لكم 8 أيام, وأتصلت عليهم أمس وقالوا لي وافقت الوزارة بنوقعه ونرسله لك)
والسبب: أن المرافق لو رضى بقبول المرافق من البداية وأخذ فيزا F2 بيكون له دوام جزئي يعني المعهد راح يطلب رسوم للمرافق تساوي نصف قيمة قبول المبتعث. أما لو كان جايب قبول مستقل ومطلع فيزا F1 يعني أن المعهد يبغى عليه مثل رسوم المبتعث. وهنا الملحقية ملزومه تدفع نصف قيمة رسوم المبتعث للمرافق وتحتاج تجيب أذن من الوزارة لو كانت بتدفع رسوم للمرافق مثل رسوم المبتعث ..

بحالتي كانوا جايبين لزوجتي قبول بقيمة 25 ألف دولار, كدوام كامل, ومرفق مع القبول أنه فيه دوام جزئي لي بقيمة 12.5 ألف دولار .. فقمت انا راسلت المعهد وطلبت منهم قبول مستقل فصار بقيمة 25 ألف دولار ..
هنا الملحقية كانت ملزومة تدفع عني 12.5 ألف دولار لو كنت بقبول مرافق. لكن يوم صرت جايب قبول مستقل بقيمة 25 ألف دولار صاروا لازموا ياخذون الأذن من الوزارة بدفع المبلغ ..

أما التأمين الصحي للمرافق موجود بنفس بطاقة المبتعث من البداية. ومكافئة المرافق موجودة من البداية مع مكافئة المبتعث.



أتمنى تكون وضحت الصورة الآن
وأتمنى لكم التوفيق

هذا الله يحفظك اللي انت كنت تقول عنه بردك, هذا هو الاجتهاد بعينه.

انت ماركزت في كلامنا وتحاول تبرر الله يصلحك. واعلم صفاء نيتك ولكن يجب ان تحرص ان لاتكون ردودك مظللة للأعضاء فنحن نطرح تجربتنا وانت تصر على رأي قديم خاطيء

وش دخل المشرف بالموضوع الى الآن ماحددوا المشرفين. فيه قسم من زمان لشؤون المرافقين. هو المسؤول عن هذا الإجراء.

اقرأ كلامي وكلام الأخ لودريل مرة أخرى بتركيز. واعلم ان المرافق يجب ان ترفع أوراقه للرياض حالياً.

الله يوفقك ويردك لأهلك سالم

موفقين يارب ,,,, الله يسهل لينا يارب

أخي الكريم Toledo78

أشكرك يا أخي على أخلاقك العالية, وبارك الله فيك

والله يوفقك بدراستك ويسهل عليك

الله يجزاك ألف ألف خير

أجل الرحلة بنأجلها إلى الليل عادي مافرقت معي

المهم إن المرافق بيحصل على ضمان مالي سواء بعد 8 أيام أو أكثر


والنقطة الثانية

وش المتطلبات اللي بيطلبونها من المرافق؟؟

وبرضه فيه عضو أوضح إنه يلزم على المرافق إحضار مايثبت أنه غير موظف أو مجاز بدون راتب


وأنا مرافقي زوجتي ولا تعمل فهل يحتاج نعطيهم إثبات؟؟؟؟؟؟؟؟؟؟



وأشكر الجميع على التفاعل

هلا فيك أخوي ..
تجيب برنت من الأحوال المدنية بالحالة الوظيفية ..
لما تروح للأحوال بيقولون لك فيه قرار من الأمير نايف ما نصدر أي برنت إلا بطلب من جهة رسمية: فأنت خذ معاك صورة قرار الإبتعاث وأكتب خلف الصفحة معروض من كلمتين بين فيه أنك مرافق وأن الملحقية طالبة عليك هالبرنت وأطلع لمدير الأحوال وقول له أبي برنت موجه للملحقية السعودية بواشنطن بيوقع لك إنه لا مانع .. بعدين أنزل لقسم إصدار البرنت وعطهم الورقة وبيصدرونه لك إن شاء الله ..
كذا سويت أنا ومشى الحال معي ..

وفادني البرنت هذا بعد الله كثير .. لأني أخذته وأخذت قرار الأستقالة من الشركة: جيت بأقدمها كلها قالوا لو معك برنت ينوب عن أي شي ثاني ..
وكان معي طالب مقدم أستقالة من عمله لكن ما جاب قرار الأستقالة ولا جاب برنت قالوا ما نرفع لك بأوراقك لين تجيبه ..

أما لو كنت معطى إجازة بدون راتب تجيب لهم صورة قرار الإجازة من مرجعك ..

والله يوفقك