إلى من حضر ملتقى المبتعثين بالرياض والخبر وجدة .. أبغى معلومات وما تم فيه ؟؟

أين الموقع ؟؟

ههههههههههههههههههه هذا الموقع اللي انت فيه

يعني منتدى مبتعث

دور فيه وحتلاقي مواضيع عن كل المعلومات والاشياء اللي صارت بالملتقيات كلها

شايف كلمة بحث اللي فوق اكتب فيها واعمل بحث حتطلعلك كلها

بالتوفيق يارب

هلا وسهلا حايره ..
يكفيني وجودك وردك على الموضوع ..

أنا حاولت ابحث لكن ما طلع لي شيء واضح ..

هل ممكن تبحثين ولو عالسريع
وتحطين لي روابط مباشر هنا ..


ومشكورررة

اختي كان عندي دفتر كاتبة فيه عن الملتقى بس اغلبه نقاط بس المهم من الملتقى ذاك الكتاب اللي اعطونا اياه حق امريكا
الان في محاضرة كانت عن معادلة الشهادات موجودة بهذا الرابط

http://www.mohe.gov.sa/ar/Ministry/D...s/default.aspx

المحاضرة تبع الملحقية السعودية

اغلب المحاضرة من الموجود في هذا الموقع
http://www.sacm.org/ArabicSACM/Default.aspx
تكلم عن الاندية السعودية وتواصل بالايميل افضل من تواصل ع الهاتف وذكر قصة أن هناك شخص اتصل ع هواتف الطوراى في الساعة 2 فجرا وعنده الساعة 7 صباحا ويسالهم متى تفتح الملحقية
وحط مقطع حق الوزير التعليم العالي و2 مقطعين لاحد رؤساء النادي السعودي تقريبا الان اعطيتك ثلاث ارباع المحاضرة
اما محاضرة المخدرات ... كلها تتكلم عن مخاطرها ونتائجها الوخيمة ..... ممكن تدخلي على ادراة مكافحة المخدرات وتلاقي المعلومة المهمة

أما محاضرة عن قوانين البلد موجودة في الكتاب الاخضر
ومحاضرة الدكتور الموسى كلها نصائح واهمية الابتعاث وبث روح الهمة والنشاط وذكر اهم شيء احنا مانوفر وظائف عليكم مع الشهادة تجيبوا خبرات وذكر قصة الدكتور الربيعة
انه التقى بالربيعه في المختبر وقال له الربيعه ليش الدنمارك نسيت الدول اكتشفوا البنسلين واحنا مانسوي شيء ابغى اكتشاف يسجل بااسم السعودية وقال احنا نبغى زي الربيعه ... نبغى ناس عندها همة تطور البلد كلامه اثر فيني لدرجة بكيت كلامه يدخل القلب من جد انا احب اللي يتكلم عفوي ويمس الواقع ...... الدولة بتصرف علينا ملايين وايش مطلوب منا عشان الوطن احنا لازم نرد الجميل
ومحاضرة دينية اختلف فيها المحاضرين أغلب النقاط تتركز على حسن المعاملة مع الاخرين وذلك يعتبر بمثابة دعوة الى الله وتصحيح مفهوم فكرة الاسلام عند الغرب ...... وتكلم عن مسالة كشف الوجه بصراحة اغلبهم اكد ع كشف الوجة وواحد جانا قال اختلف فيه العلماء ومسالة الاستخارة والاذكار اليومية
ان شاء الله اكون افدتك