كنسل مع مكتب ايجيك

شوفي يأختي.....
من تجربتين وحدة حدثت معي ووحدة معي خويي...
أما خويي كان قبوله في مكتب جدة((بيدرس عندهم)) أقصد القبول أخذه من عندهم وجاب قبول بنفسه وحب يكنسله ....ففي البداية ماطلوا معاه إلين ما قالوا له جيب صورة من قبولك إللي جبته ونكنسل القبول إللي عندنا....!!!
أما أنا كلمتهم بالرياض قلتلهم جبتللي قبول وختمته وفيزت عليه...قالوا لي أبشر وأظن كلنسلوه....بكرة بتصل عليهم أتأكد....

يعطيك العافية ... بس ما دام فيها ابشر الله المستعان ... أنا ابغاه يكنسله وأنا معهم ... ياليت ترد علي اذا اتصلت عليهم ومشكور وما قصرت ...

الله يعينك تكنسله لأنهم مايبون طاري الكنسله لأن لهم نسبة من دراستك في المعهد الي بيودونك له
وأنا كلمتهم أكنسل وتخانقت معهم وجلست أكثر من شهر أحاول معهم لين آخر مرة وصلت للتهديد قلت أنا ماطلبت منكم تجيبون لي قبول ولو ماتكنسل راح أكبر المشكلة وأوصلها للوزارة وأقدم فيكم شكوى رسمية يوم سمعوا هالطاري في خمس دقايق سووا كنسلة ودقوا يعلموني
لكن بدل وجع الراس أتوقع هم أرسلوا لك القبول على الايميل اذا كان كذا خذ ايميل المعهد المعفن الي ودوك له وراسل السوبرفايزر حقك وقله ابي اكنسل ولا تخلص مراسلاتك إلا وأنت ماخذ تأكيد عشان مايحصلك مشاكل في السفارة بوجود قبولين

وإذا كان قبولك في معهد EF أو حاجة زي كذا خذ رقم المسؤول عن هذا المعهد وكلمه
ولو حاول يمرمطك خلك شديد معه لأنه بيحاول يتعبك لين يطفشك وتهون لكن ترى هذا من أبسط حقوقك لأنك انت الي بتدرس
بالتوفيق

أبشر......وإن شاء الله ماهي مثل أبشرهم......ههه

كنتِ ابي اروح لهم بكره عشان اخلص بس قالت اتأكد قبل اروح لان مكتبهم مرة بعيده عني ... وهم يا أخوي عطوني القبول الاصل مو نسخة منه ... وأنا ان شاء الله براسل المعهد... مشكور ما قصرت افدنا بحيث نجهز اسلاحتنا في حال الرفض من مكتب ايجيك ههههه
الله يسرلك امورك ...

اليوم أتصلت على مكتب اجيك بالرياض وأبشرك كنسلوا القبول الأول.....

الحمد لله ... يعطيك العافية ماقصرت ...