أريد إلغاء البعثة , ماذا أفعل وماذا بخصوص الفيزا ؟

تبي نصيحتي واضرب عصفورين بحجر...

انت رايح تدرس على حساب وزاره التعليم صح...يعني راح ينزلك راتب وقدره يعني مكافئه..

يعني انت تدرس وينزلك راتب والحمدلله منها تدرس ومنها راتب وان شالله ترجع بعد دراستك ومعاك شهادة قويه كلن يتمناك..

وبالتوفيق...

اول شي ابارك لك اخوي مستر فينانس الوظيفه

الله يعطيك خيرها ويكفيك شرها

اتوقع لو تروح الوزارة وتستفسر عن اجراءات الالغاء افضل لك

خذ الكلام من مصدره لا تتلخبط امورك

اسمح لي بسأل اخوي الهايم



كيف يقدر يرتب مع القسم

وعلى ايش يرتب بالضبط

هل بالامكانيه اذا كان معيد يجمع مابين الوظيفه والابتعاث ؟؟

في امكانية للتسجيل بالمرحله الجديده
وانا مخاطبه الوزاره بنفسي بهذا الموضوع
بس الموضوع يحتاج تقديم خطاب اعتذار عن البعثه وحضور الشخص المعتذر بنفسه للوزاره للتوقيع على الاعتذار
حتى ينلغى ملفه ويقدر يسجل مره ثانيه

الف مبروك الوظيفه

عصفور في يدك احسن من عشره على الشجره


بالنسبه للبعثه

ارسل خطاب اعتذار للوزاره وربي يوفقك

طيب انا الان ... بس اخذت القبول من المكتب

وماسويت شي ثاني وابغي الغي البعثه وباقدم عليها بعد سنتين

شنو اسوي بالضبط ؟؟

لا يستطيع أن يجمع
لكن يقول للقسم أنا عندي بعثة من التعليم العالي

والقسم يدبرونك ويقولون خلاص مانبيك تخدم عندنا سنة
رح بعثك وكمل أمورك

ويعطونه هم الضمان المالي

إن شاء الله تكون وصلت الفكرة


وللمعلومية كثثثثثثثثثير من الجامعات الناشئة تسويها

ماقصرتي ,, رد جميل ومفيد جداً .

أنا بصراحة ,, بديت افكر جدياً بالإلغاء , انا ماراح اراسل الوزارة الا بعد فترة 3 اسابيع من الان لما أتأكد من وضعي .

ومن ناحية التقديم على السنة الجاية ,, حتى لو افترضنا جدلاً أني ما ارتحت ابداً في الوظيفة وابغى مثلا اطور الانجلش ما اعتقد اني راح اقدم مرة ثانية , وبشكل اوضح استغنائي عن البعثة اليوم معناتها استغنائي عنها مستقبلا الا عن طريق الشركة نفسها .



والله أني فكرت قبل فيها بالشكل هذا ,, وصدقني اني متحسف كثيير على قبولي وتذكرتي وكل شي مدفوع وجاهز ولاتنسى تكاليف الفيزا , صدقني لو بروح بروح للسبب هذا .

لكن هي ببساطة ,, إذا نظرتك وظيفة اكثر من شخص يأكدون ان الوظيفة بخبرة أفضل من ماجستير هذا اذا افترضنا بعد الماجستير حصلت وظيفة مباشرة , لذلك انك تتجه للوظيفة من الان افضل .

واذا كانت نظرتك اكادمية وعلمية ,, اتجه للماجستير ومستقبلا صعب تنقبل في شركات غالباً في جامعة .



والله صدقت ,, ومثل ماقالت الاخت مسبقاً انك تقدمه لهم باليد افضل وانا اذا رسيت على الوظيفة بعد مثلاً شهرين او اكثر بإذن الله لابد اروح الرياض واقدم اعتذار بالإلغاء بنفسي , وممكن اني اجرب بالمراسلة بالبداية .



الله يبارك فيك ,, وبيني وبينك مو بس عصفور في اليد .
تدرج الوظيفة مع الخبرة لها ثقل كبير , يقال انه يفوق الماجستير وظيفياً .