للمعلمين :مين اخذ اجازة استثنائية في منتصف العام

ياناس كلام دوح البلابل جميل جدا والله بلد يمشي بالبركة
ياناس صار لي انا الحين ثلاثة اسابيع انتظر الموافقة على الاجازة وما جاءت اخرها اليوم قالوا مافيه بديل وانشاء الله نوفر بديل

طيب دراستي تبدا الاسبوع القادم على كلامك يا طرقي وبعثوثة اني اقدم استقالتي واطلع امريكا او امدد الدراسة شهر وللمعلومية مددت قبل كذا شهر

سؤالي للاخ طرقي وبعثوثة ما هو الحل ؟؟؟؟؟؟؟؟؟؟؟؟؟؟


الاجابة البلد يمشي بالبركة

بعيدا عن الجدل
امس اصدرت قرار الابتعاث واخذ خطاب لمن يهمه الامر -
واليوم رحت الادارة وكان مدير التعليم مسافر فدخلت على نائب المدير ناظر في الخطاب وقال لي اخذت اجازة قبل كذا قلت لا
كتب عليها شؤون المعلمين وينسق مع الموظفين
يوم رحت لشؤون المعلمين ما حصلت مديرهم عطيت واحد قام سأل عن واحد متخصص في تسرب المعلمين واعطاه اوراقي
فالرجال ما قصر صور الاوراق وعطاني نسخة واخذ رقم جوالي وقال لي بكرة نعرضها على مدير شؤون المعلمين يوقع عليها وندق عليك ... وغدا نلتقي في حلقة جديد من مسلسل معلمين

tiger
سؤال أنت كتبت معروض طلب إجازة ؟
إذا كان لا اكتب معروض طلب إجازة وقدمه للشخص الي رفض سواء مدير تعليمك أو شؤون المعلمين أو أي شخص
وقله لو سمحت اكتب لي على المعروض رفضك وسبب رفضك عشان أرفعه للوزارة
وبنفس الوقت لاتنسى توريه بند توفير الإجازة الإجباري للمرافق الي مكتوب في وزارة الخدمة المدنية وتلقاها في موقعهم
وقل الخدمة المدنية مااشترطت بديل ولا بطيخ للمرافق هذي ماهيب شغلتي هذي شغلتكم أنتوا
القانون واضح وصريح بس يبي لهم واحد ينشب لهم بحلوقهم مو تعطيهم تطلب الاجازة وتخليه لازم تسأل عن الأسباب وتوريهم إنك مستعد إنك ترفع الأمور للوزارة فوق إنكم رفضتوا حق من حقوقي كموظف

وعلمنا وش يصير معك عشان نستفيد بس
الله يوفقك

ابشركم الموضوع كان اسهل مما تخيلت بكثير
وتمت الموافق ومنحي الاجازاة في ظرف ثلاثة ايام ولمدة ثلاث سنوات
ولا عقدوني ولا طلبوا بديل ولا قالوا منتصف الفصل
والحمد لله من قبل ومن بعد
واتمنى التوفيق لكل المعلمين

صار لي اكثر من شهر ولا حس ولاخبر وكل ما جيتهم قالوا لايوجد بديل تعبت ولا فيه شيء صريح تحاجهم به نظام سيء

ايش رايكم اقدم استقالة واذا جيت اقدم من جديد

يا اخوان اذا كان المبتعث جاه التعيين

واخذ للتعيين وطلب اجازة ٣ سنوات علشان يسافر لبعثته


اذا كشفته وزاره التعليم العالي انه متوظف هل تلغي بعثته ؟

طيب والمرافق اللي بيكمل ماجستير لازم جهة عمله توافق على الدراسة علشان اذا رجع يعترفون بشهادته ...

الان اخ طرقي وانتم ازواج مبتعثات انا مرافقي مدرس طلبوا عليه اوراق صك اعاله واحتمال بعد هذا كله مااروح

والله صرت ادعي ع التعليم

ابي اقول كلمة حق دوح البلايل صادق والله لا تقولون الموضوع سهل انا عقدوا مرافقي

يعني لو كان نظاما زي ماقلتوا ماشفت تعقيد