تنبيه عام الرجاء من جميع المبتعثين الدخول(صالح ال شيخ)

ههههههههههههههه

أنا كنت أحد الأشخاص اللي مارس خسته ودنائته عليهم

بعضكم يعرف قصتي وبعضكم لا

أنا كنت من ضمن الطلاب اللي ماتم ترشيحهم نهائياً أخذت أسامي وأرقام الطلاب اللي ماتم ترشيحهم وقعدت أدور في الوزارة لي ولغيري ورسلت خطاب جماعي للوزير بهذا الشي وكنت أسبوعياً أروح الوزارة على الرغم من أني مرتبط بعمل وساكن في الشرقية

وصارت لي الكثير من الأشياء المحبطة
أدخل على أحد وكلاء الوزارة يقول لي: "ترى طلاب البكلريوس مو مهمين عندنا ترى" حرفياً
وعندي ثلاث معاملات كلها ضايعة اقعد ادورها من مكتب لمكتب غير معاملات غيري اللي كانت بعد ضايعة
وفي الأخير لما حصلت على ورقة مراجعة من الوزير للحميضي والحميضي حولني على صالح الشيخ بورقة وحط عليها "عاجل جداً"
ولما
رحت له سوى لي تحقيق واحتحزني أكثر من ساعتين ونص لبعد نهاية دوام الوزارة يبيني أكتب إفادتي ويهددني يا اكتب كلام يعجبه ويصدقه ويطلعني من الموضوع ويساعدني في البعثة يا يسلمني للمباحث وفتح ويايي تحقيق في ثلاث مواضيع الطلاب اللي كتبت الخطاب باسمهم كيف تعرفت عليهم خصوصاً وأن بعضهم بنات والثاني بخصوص معلومات كيف حصلت عليها وهي كانت موجودة في موقع الوزارة وانتشرت في الجرايد ولحسن الحظ كنت حامل ويايي الجريدة ، والموضوع الأهم والأخير يبيني اعترف بأن بعض موظفي الوزارة "ذكرهم بالاسم" عرضوا عليي ساعدتي في الحصول على البعثة بمقابل ، ((بالعربي رشوة))
طبعاً مارضيت وبالنهاية طلع لأن كان عنده اجتماع مع المعجل وتأخر عليه بسببي وقال للموظفين لا تطلعوه إلا لما يجي مندوب المباحث ويستلمه وبعد خروجه بربع ساعة طلعوني
طبعاً يوم ثاني رحت الوزارة ورفعت فيه شكوى رسمية


نصيحتي لكم ياجماعة هالإنسان مجرد يسوي معاكم أي حركة روحوا قدموا فيه شكوى
حتى تفتح عيونها الوزارة على أمثال هالخسيس

ترى سكوتكم هو اللي يخلي حثالة أمثال صالح الشيخ وأحمد البقمي << خادمه الوضيع

بتمادوا ولا يعملوا حساب
كله لأن الواحد فيكم يقول في باله خلاص مشت أموري وافتكيت منه أو أخاف اشتكي ويسوي لي شي يخسرني البعثة أو يعطلني

تذكر أنه بيسوي هالشي مع غيرك

وترى هو يادوب مدير استقبال المبتعثين يعني مسؤول عن الرسبشن حق المبتعثين فقط
وكل اللي يملكه شهادة ثانوية عامة فقط ، لكنه متغطرس ومتفرعن لأن تواصل الطلاب مع الوزارة المفترض يكون عن طريقه ، وترى هو خبيث كل ماحس أن العين عليه خف نذالة شوي على الطلاب

تحياتي

السلام عليكم ورحمة الله وبركاته ..


شباب انا طالب (( ماجستير )) ..
واللي ابغاه بالظبط منه من هالشخص هو فقط مقابلة ..

انا جيت له من الدمام اكثر من مرة خصيصا عشان اقابله وفي الاخير كل ماجيته يقول لي المطوع اللي بجمب بابه ... والله هو حاليا عنده اجتماع,,

وابلعها واستنى وفي الاخير انتظرت لمدة .. 4 ساعات .. متواصلة .. ولااستفدت ولا شي ..

وجيت ثاني يوم ولا استفدت ولاشي ..

وانا الحين ابشركم بطلع على حسابي (( بكرامتي )) ودعواتكم لي بالتوفيق والنجاح ..

وبصراحة ماودي ادعي عليه يكفي الدعوات اللي جاته .. ماأقدر اقول الا الله يهديه وان شاءالله يحطون واحد غيره
واحسن منه وينفع المسلمين والمسلمات اجمعين يااااااارب ..

دعواتي لكم بالتوفيق ان شاءالله ..

تحياتي لكم ياأخواني الأعزاء ..

فعلاُ الكلام اللي ينقال عن صالح صحيح وانا اكبر دليل من المبتعثين المرحلة الاولى تاخرت بسبب قرار الابتعاث 8 شهور حسبى الله على الظالمين والحمدالله اني جيت امريكا بعد معاناة

لا حول و لا قوة الا بالله
الله يستر و الله شي يخوف صراحه

لكن الله معانا
و الله يعيننا على الوزاره و الي في الوزاره

يا جماعة الخير ابي اعرف بس هل هذا المنتدى واخبااره توصل للوزاره متمثله بالوزير وجميع المسؤولين ولا لا....!!!

لانهاا لو وصلت لهم رااح يكوون اكييد رد فعل سريعه لها المشااااكل الي قاعد تصير لخادمي الوطن نحن ايهاا الطلاب ....!!


ياريت احد يفيدني ....لان بصراحه اللي فهمته ان هذا الشخص (الشيخ) هو عقبه لكل الطلبه والطالبااات ..

وياريت ان هالموضووع ينحل بأسرع وقت....!!!

هي خاربه خاربه ، وانا خلاص طفشت وبايع امها بقرش ، اتمنى يسوقه حظه العاثر معايا وانا امسح بيه الاسياب اللي هو يمشي فيها واوريكم فيه

الحق مو عليه على حطو فى ذا المكان