لعبة التحطيم و ضحايا اللعبة ... من سيدفع الثمن ؟

و الله اني مسجل بس عشين ارد على موضوعك هذا يا سامه ,

اول شي شوف , رح اكلمك من الناحية الاولى و هي القبولات هم ما رضيوا يعتمدوا قبولاتنا و اولهم انا صار لي 3 شهور و انا وراهم و رافضين يعتمدوا قبولي لأنه بجامعة مميزة و غالية , لا تنسى انهم علقوا استقبال القبولات على بريدهم بس و اي قبول ما يجي على بريدهم يعتبر مرفوض , و هذا ايضا من اساليب الحصر , الشي الثاني انا ذكرت هالمعلومة سابقا و هي انه معهد كابلن مع احترامي خرطي و الوزارة تعاقدت معاه لقلة الطلب عليه و سرعته اجراءاته لأنه يبحث عن الفلوس فقط , بعدين جامعات بوسطن طبعا انت و في ناس غيرك بالمنتدى يعرفوا اخوي انه كان يدرس ببوسطن اقسم بالله الوالد كان يزيده ما يقارب ال2000 دولار عشين يقدر يتنفس بس بعدين لمن عرف انه جامعات بوسطن غير معتمدة اصلا من الهيئة الملكية طلب تحويل و حول لتكساس , و طبعا كل هالكلام للاسف بالواسطة , و امس انت تقولي قصة نبيل الراجح مع الدكتور و اعطاءه الضمان المالي انا فعلا انقهرت لكن حسبي الله انا ما ابغى ضمان مالي انا ابغى اعتماد فقط لكن شوف انا انسان مؤمن بالله و اذا الله ما اراد انا راضي و اي شخص ظلمنا في هالفترة الطويلة تأكد ان الله رح يحاسبه على كل صغيرة و كبيرة , صحيح كلنا مقهورين و غير راضين عن النتيجة لكن هذا شي خلاص حتم علينا ووضعنا بالامر الواقع و الاختيار اما نتقبله او نعود و للاسف ديار العودة مدمرة اذا الاختيار واحد , توكلنا على الله و هو خير وكيل , و على آذان الفجر هذا الله يسهل امورنا و ينتقم من كل من ظلمنا , و شكرا لك على طرحك لهالموضوع الجرئ و من عوايدك الابداع يا مشرفنا *_^

الله الله ياسامه..........

أبدعت في تحليلك المنطقي ...........

أعجبني في موضوعك (اشارتك للوزارة إنها جهة تنفيذية وليست جهة تحكيمية)

وهذا للاسف ما لا نراه ..........

فالوزارة خانت الامانه ,, وسلمت القبولات اسمحلي اسامه لشخص همجي

لا يعرف شي عن الابتعاث ,, وأول واحد لازم يتم تطهيره هو وليس غيره !!!

كما انها لا تحسن اختيار الجامعات ,, وتكدس الطلاب في مكان واحد !!!

أخطاء لا يقع فيها الاطفال ,, فما بالك بمسئولين كبار !!!


أشكرك جزيل الشكر أخي أسامه...........

اااااااااااااحححححححححححح
وش انت مسوي بالشعار حق الدوله يا اسامه <<<<<<<<<< يبي ينكبه يناديه بإسمه
اي واحد يكتب هنا راح تلغى بعثته
لاتقولون مادرينا

لا حول و لا قوة الا بالله
و الله وضع سئ لأبعد الحدود باقي شهرين و يكون مضى على تقديمنا للبعثات سنه
سنه يا عالم من عمرنا
حتى لو قال البعض المفروض تكونو استغليتوها
فاظن ان من يهمه مستقبله المفروض يكون استغلها في التحضير للبعثه
خير استغلال اذن لا نريد النقاش حول هذه النقطه ..

و على فكرة يا اسامه الوضع لا يقتصر على طلاب امريكا
فطلاب استراليا لاحقينهم بالسلامه مع قلة الاضرار نسبيا
فالى الآن هناك اشخاص لم تصلهم رسائل من الوزراة اسوة باقرانهم و غير معروف السبب
و لما تكلم الوزاره يقولو انتظرو الدكتور العيسى في استراليا راجع بالقبولات !!

و ما زال مصير طلاب الدكتوراة مجهول و طلاب الزماله الطبيه
قال ايه قبولهم صعب !!!
طيب يا اخي كان بالامكان ان هذا المبتعث يجيب قبوله بنفسه خصوصا الدكتوراه
اذا سلمنا جدلا بان الغرض من مركز القبول هو احضار قبولات للطلاب
في احسن الجامعات و اقواها <<< ركز على افضل و اقوى
و هذا خصوصا لطلاب البكالوريوس لأنهم ما يعرفو مصلحتهم

فعيب انك تجبر طالب دكتوراة بانه يدرس في هذي الجامعه دون غيرها
حتى لو ما ناسبته يدرس فيها غصب عنه و لا ما في بعثه
اي منطق هذا ؟؟؟

في الاخير يمكن الطالب يستسلم للواقع و يقول جيبو القبول بس بعدين اتصرف
لكن حتى هذا القبول ما في ..

بالله عليكم لا احد يحاول يهدي الموضوع لأن الوضع خلاص ما ينسكت عنه
و اذا ما بيدنا شي نسويه على الاقل خلي الواحد يتكلم و يقول الي في قلبه
و الي ما بنظلم به احد لأنها وقائع حقيقيه بتحدث امام اعينا ..

مدري ليه بيعملو كده نريد تفسير يا جماعه
هل الزمت الوزاره نفسها بشئ فوق طاقتها ؟؟
لو كان الجواب نعم فو الله المفروض تكون على قدر هذه المسؤوليه و تواجه الازمه هذي

بكره اذا واحد فينا صار مدير الجامعه و صار ضغط عليه و ما نزلت درجات الطلاب
ابسط عذر يقدمه هو العدد كبير و بياخذ وقت و مو قادر اتعامل مع هذا الوضع ..

هذا هو ما فعلته الوزاره بكل بساطه او ما يقدمه البعض مبررا لها عند تاخر نزول الاسماء النهائيه
او عند تاخر اجراءاتنا

يفهمونا راسنا من رجلنا في بعثه و لا لأ ..
و اذا في متى يعني من الآخر و بعد التخفيض كم

و الله لا يحزنني الا طلاب البكالوريوس من جد اكثر فئة ظلمت
لو التحقو بجامعه فتلاقي عينهم في البعثه و نص عين عالجامعه
و الي ما اتوفق في الالتحاق بالجامعه الله يعينه

يمكن الموظف ما يحس كثير لأنه في النهايه لو ما ابتعث عنده وظيفه
لكن الي بدون وظائف ما العمل يا ترى ؟؟
و هل لو كانت شهادتي توظفني كان قدمت عالبعثه ؟؟

اشكرك يا اسامه على فتح المجال لنقاش هذا الوضع
و الله يعلم بالنفسيات كيف صارت لكن لا نلجأ الى للذي اكبر من كل شئ سبحانه
بيده كل شئ و هو على كل شئ قدير
الله يختر لنا الخير حيث كان و يرضينا به و يصرف عنا الشر و يبدلنا خيرا منه ..

[quote=O.I.M;205187]
و لقد شرعت الوزارة في تنفيذ المهمة حيث انها جهة تنفيذية للامر و ليست تحكمية و قد اعتمدت ضمن هذا البرنامج دولة الولايات المتحدة ...

سؤال ممكن تجاوب عليه يااسامه...اذا كانت وزارة التعليم العالي جهه تنفيذية لبرنامج الابتعاث؟فمن ممكن تكون بنظرك الجهه التحكيمية؟؟
وياريت توضحلي معنى كلمة تحكيمية؟
وهل كون الوزارة بنظرك انها جهه تنفيذية فقط؟فهل هي الجهه اللي تضع الخطط؟اوتنفذ الخطة الموضوعه لها؟

الله يعين ان شاء الله ويسهل الامور