ضروووري المرافق

ولا رد ؟؟؟؟؟؟؟ الله يخليكم

والله ماعندي خبر أكيد
بس قد سمعت كثير اخذو المرافق حقهم ( الوالده )

أنتي أبحثي وأنا بسأل لك وأرد لك ان شاء الله

وبالتوفيق ياااااااارب

اول وحدة ترد عليي الله يسعدك ويوفقك من جد ؟ يارب يطلع صح

ربي يوفقك لكن ماضن لازم محرم (الوالدأو أخ أوعم أو خال )لويقبلون كان أخذت الوالده معي

لاتسحبين ملفك لين تتأكدين 100%أنتي بنفسك روحي أسئلي

ماادري الكل يقول لازم ذكر

الله يسعدكم ممكن رد

مفروض يقببلو باي مرافق

وما يعقل ان الواحد ينحرم من حلمه كله بمجرد المرافق

وعيكم السلام
على حد معلوماتي انو ما ينفع ابوكي يوكل امك لأنو امك ما تعتبر محرم لك
المحرم = رجل

لكن ممكن تعملوا حركه وهي انو الاتنين يسافروا معاكي .. يقعد ابوكي معاكي ولو اسبوع ويرجع وتفضل امك معاكي طول الفتره
او انو ابوكي يسافر معاكي وبعد اسبوع ممكن يرجع وتجيكي امك
والملحقيه بين كل فتره وفتره حتتأكد بأنو محرمك معاكي او لا .. اذا ما لقتو معاكي ( يعني رجع لبلده ) فمحا تنزل راتب المرافق .. بس اللي ينزل لك راتبك انتي
يعني في حال عدم تواجد المرافق معاكي ينقطع راتب المرافق ويبقى راتب المبتعثه بس هوا اللي ينزل

حتى لو امك معاكي ماراح ينزل لأنو امك ما تعتبر محرم لك

وكمان ممكن لو مثلا ابوكي ما يقدر يسافر .. ممكن ابوكي يسو وكالة شرعية لأخوكي اذا عندك اخوان او لعمك او لخالك او لأي محرم لك عشان يوصلك لبلد الدراسة .. وبعدها عادي يرجع وتبقى معاكي امك وطبعا زي ما قلنا اذا الملحقية عرفت انو محرمك مو معاكي فحتلغي راتب المرافق عنك وتنزلك بس راتبك

اما عن اجرائات البعثة والمرافق
لما يفتح التقديم ان شاء الله وتقدمي بالانترنت فحتلاقي في الاستماره اللي حتعبيها خانة خاصه بالمرافق
هناكا تكتبي مرافقك ( اي رجل يعتبر محرم لك ) اللي هوا اخوكي او عمك او خالك او او .....
وخلاص تكملي باقي الاجرائات عاااادي .. وبعد اصدار الفيزا وقبل اصدار قرار الابتعاث لازم الوصي عليكي ( ابوكي ) يعمل وكالة شرعية للي حيرافقك في سفرك ( محرم ) عند كاتب عدل
وبعدها خلاص تروحي تطلعي قرار الابتعاث وامر الاركاب وتنطلقي انتي ومحرمك وامك
ومحرمك ممكن يرجع في اي وقت وتفضل معاكي امك


اما عن اجرائات سنة اللغة
فإجرائات عادية جدا وروتينيه .. عند اول وصول لك على بلد الابتعاث تروحي اول شي للمنطقه اللي فيها الملحقية .. تقعدي فيها من يوم الى يومين الين تخلص اجرائاتك معاها ( يعني تفتحي ملف وتبلغهم انك وصلتي وووو اشياء كتير هما يقولولك عليها ) وبعدها تروحي على مدينتك اللي فيها معهد اللغة حقك وطبعا تبدأي تبحثي عن سكن مناسب وتبدأ الدراسة عااادي جدا .. تروحي المعهد تبلغيهم بوصولك برضو وهما حيعملوا معاكي اللازم ويفهموكي على كل شي
ممكن فترة دراسة اللغة تستمر الى سنة ونص في حال ما انتهيتي خلال سنة ممكن تمدي المده الى نص سنه زياده فقط
وطبعا في خلال دي السنة حقت اللغة تبدأي تبحث عن قبول جامعي وتراسلي الجامعات

اهم شي دحين تخلصي من الاجرائات اللي قبل السفر ووحده وحده لا تستعجلي
والوزارة محا تقصر في كل بداية مرحلة جديده حتبعت للمرشحين اللي لازم يعملوه خلال الفترة الجيه بالترتيب اليييييييييييييييييييييييييييييييييييييييييييين ما يجي موعد سفرك

وهناك لما توصلي تتولى بك الملحقية السعوديه وممكن ترجعي لها في كل شي .. واكيد ف طلاب سعوديين كتير هناك تقدري تسأليهم وتستفيدي منهم وهما كمان محا يقصروا ان شاء الله


بخصوص انك تسحبي ملفك من الجامعه هنا .. انتبهي لا تسحبي ملفك اليييييييين تضمني ميه في الميه انك مقبوله في برنامج الابتعاث عشان لا تضيعي على نفسك سنه لا سمح الله فيما لو ما انقبلتي


وبخصوص الناس اللي اخدوا معاهم امهاتهم في السفر والدراسة .. فهما اخدوهم كدا بس عشان يونسوهم ويساعدوهم اما عند الوزارة لا تعتبر الام محرم .. لكن مافي مانع من اخذها مع المبتعثه او اخذ اي فرد من افراد العائلة
مع العلم انو مصاريف الام من تذاكر سفر ومعيشة ووووو كله حيكون على حسابكم الشخصي .. الوزارة محا تتكفل بأي مصاريف لغير المبتعثة ومرافقها ( الرجل ) (في حال تواجده في نفس بلد المبتعثة)


اخيرا لاااااااااااااااااااااااا تيأسي
حاولي وحاولي وحاولي وحاولي مدام هادا حلمك
كلنا كدا كانت عندنا مشاكل قبل التقديم وبعد التقديم .. ما نقدر نطلع ومحنا ضامنين المحرم ممكن يطلع وللا لا او يكون فاضي وللا لا او او او او او وافكار تودينا وتجيبنا .. بس اللهم لك الحمد ربنا سهلها من عنده في آآآآخر اللحظات
فلا تيأسي وحاولي .. حتى اذا ربي ما كتب لك هيا في اكمال البكالوريوس ممكن يكتبلك هيا في اكمال دراسة الماجستير
يعني لا تزعلي لو راحت عليكي دي المره .. لسا في فرص قدامك
مع اني من مؤيدي دراسة البكالوريوس في بلدك لأسباب كتيرة ... لكن مدام هادي رغبتك فالله يوفقك

وربي يجمع بين اهلك بالمودة والرحمة .. اتمنالك التوفيق

شكرا ياقلبي طيب مايلغوا البعثة زي مايقولو ؟؟؟