ماهو مستقبل المبتعثين بعد هودتهم بالشهادات ؟؟؟

لا تشيلي هم

اذا رجعتي ان شاء الله بتلاقي الوظايف كثيرة غير التدريس

لا تعليــــــــــــــــــــــــــــــــــــــــــــــ ـــــــــــــــــــــــــــــــــــــــق

يا اختي ليش الواحد يفكر اذا رجع هل راح يلقى وظايف انتي روحي وانجحي وارجعي بعدين نشوف موضوع الوظيفه ليش تقفزين من الواحد الين العشره على طول فيه 2 و3 و4 و5 و6 و7 و8 و8 و 9 اذكري الله والمكتوب ما منه مهروب ويابني ادم لو تجري جري الوحوش غير رزقك ما تحوش والسلام ختام

علمت أن رزقي لن يأخذه أحد غيري فرتاح قلبي...الحسن البصري

طب بعد خمس سنوات كم واحد راح يتقاعد

كم شركه راح تنفتح

كم مجال جديد راح يستحدث بالسعوديه

و رزقك بتاخذه

والمبتعثين حالهم من حال الي يدرسوا بجامعات هنا لا احد يغركم بشي ثاني اللهم فرصتهم اكبر يحصلوا تدريس افضل وزياده لغه
بس كوظايف بعض الشركات تفضلهم واغلب الشركات لا ماعادت مثل قبل الي يجي من امريكا يتوظف
الشركات واعيين حاليا وعارفين ان كثيرين طلعوا برا بس لدشره او لانهم ماحصلوا وظايف وقاموا قالوا ندرس
فالشركات حاليا الي يتقدم لها تقارن درجاتك متخرجه فيها كيف اش عندك خبرات اش الجامعه الي متخرجه منها كم سنه جلستي بالجامعه لين ماتخرجتي
فبتالي في عدل باختيار موظفينهم ( باستثناء لما يدخل فيتامين واو ) فيعني اذا رايحه لدراسه وهامتك وعندك طموح عالي بترجعي بتلاقي ناس كثيره تقدر الي انتي عملتيه لو بتروحي بس عشان ترجعي بشهاده من برا
ترا ماعاد اسم دوله الابتعاث مره يهم ( بالذات بشركات الخاصه الي روسائها درسوا برا وعارفين الوضع تمام)

وغير عفكره طلاب كندا مثلا كل يوم والثاني الملحقيه راسله لي الوزاره الفلانيه تبي تتعاقد مع مبتعثين
الشركه الفلانيه تبي ففي توجه لتوظيف المبتعثين والشركات تدور عليه من قبل مايتخرجوا الحين تبي تكسبهم
لان محطوط علينا امال كبيره وان شاء الله مانخيب هالامال ونرفع راس ابو متعب فينا

كاكاشي وابراهيم مشكورين خواني على ردودكم وبالتوفيق فعلا ما ياخد العبد الا رزقه المكتوب له .... وتسلمون بارك الله فيكم

...................
والف صدى مشكور اخوي اهتمامك وردك فعلا فتحت عيوني على اشياء ما كنت اعرفها ,,, واللع اني كنت شايلة هم قد الدنيا ...

لاني درست اربع سنين بكالوريوس ومتخرجة بامتياز واالثانية على دفعتي واخرتها وظيفة عدلة مو محصلة .. وخايفة اروح وادرس ويتكرر لي اللي صار لي من قبل ....والواسطات ما خلت لنا .. ز للاسف انه ما عندي واسطة قوية حتى الاقي وظيفة تناسب مستواي التحصيلي .. عموما جزاك الله خير اخوي على ردك الشافي والله يجعلنا جميعا نصيب ويوفقنا ....ويارب ننقبل بالبعثة ونتوفق فيها

اولا واخيرا هو الطموح...اذا تبغي وظيفه وبس...فابدأ من الان اما اذا طموحك اعلى فخذ الشهادة العليا والوظيفه...انا بسألكم انتو الان احد لقى وظيفة عدلة وقال لأ؟؟؟؟؟؟ انا عني اذا لقيت وظيفة زينة بشتغل بس بكمل ماستر هنا حتى ولو على حسابي...يعني في كل الاحوال ابغى الماجستير وانشالله الدكتوراة..

على طاري الطموح .... كل منا وله طموح واحلام فلما الواحد ياخد بالاسباب ويعمل علشان يوصل لدموحه ولما يكون قرييب انه يوصل لتحقيق هذا الطموح يتفاجي بالواقع اللي بتحركه الواسطات واللف والدوران .... اكيد بتكون له صفعه قوية في حياته ... وفعلا بيتكسر هذا الطموح ..

اتمنى انه ربنا يسخر لي البعثة ويوفقني ويرجع لي الامل من جديد ولما ارجع هنا بالسلامة ما يتكرر نفس اللي صار لي ...

وبالتوفيق للجميع